Arkadag şäherinde dekarbonizasiýanyň çäklerinde elektrik ulaglar işjeň ornaşdyrylýar
12:01 30.04.2025 3226
Türkmenistanda ykdysadyýeti dekarbonizasiýalaşdyrmak boýunça maksatnamanyň çäginde ulag serişdeleriniň elektrifikasiýasy işjeň durmuşa geçirilýär. Bu barada "akylly" şäherde geçirilen Ykdysady Hyzmatdaşlyk Guramasynyň Durnukly ösüş boýunça ministrler derejesindäki birinji forumynda belläp geçildi.
“Forumda çykyş eden Türkmenistanyň maliýe we ykdysadyýet ministriniň orunbasary Babanyýaz Ýallakowyň bellemegine görä, täze Arkadag şäherinde jemgyýetçilik elektrobuslarynyň we elektrik taksileriniň üstünlikli ornaşdyrylmagy ulag serişdeleriniň elektrifikasiýa maksatnamasynyň üstünlikli durmuşa geçirilmeginiň aýdyň mysalydyr. Şunuň bilen birlikde, elektrik ulaglary üçin elýeterli zarýad beriş infrastrukturasy hem ösdürilýär” – diýip, ol belledi.
Ýallakow ulag ulgamyny howanyň üýtgemegine uýgunlaşdyrmagyň Türkmenistanyň ulag infrastrukturasynyň ösüşinde ileri tutulýan ugurlaryň biridigini aýtdy.
Ol Türkmenistanyň ýolbaşçylygynyň daşky gurşawy goramak, howanyň üýtgemegi bilen göreşmek we tebigy serişdeleri netijeli peýdalanmak meselelerini halkara hyzmatdaşlygyny talap edýän global wezipeler hökmünde görýändigini nygtady.
"Döwletiň bu ugurda alyp barýan syýasaty halkara hyzmatdaşlygyny pugtalandyrmagy we täze ekologiýa taslamalaryny durmuşa geçirmegi göz öňünde tutýar" – diýip, ministriň orunbasary aýtdy.
YHG-nyň Durnukly ösüş boýunça birinji ministrler forumy 28–29-aprel aralygynda Arkadag şäherinde geçirildi. Forumyň maksady – YHG sebiti boýunça 2030-njy ýyla çenli Durnukly ösüş ugrunda Gün tertibini amala aşyrmak üçin hyzmatdaşlygy ösdürmek we häzirki zaman meselelerini çözmekde umumy çemeleşmeleri işläp düzmekden ybarat boldy.
Iki günlük foruma YHG agza döwletleriniň döwlet edaralarynyň ýolbaşçylary we wekilleri, halkara guramalaryň, Türkmenistandaky diplomatik wekilhanalaryň, şeýle-de ýurdumyzyň ministrlikleriniň we pudak edaralarynyň wekilleri gatnaşdy.
YHG – 1985-nji ýylda Eýran, Pakistan we Türkiýe tarapyndan döredilen hökümetara sebit guramasydyr. Onuň maksady – agza döwletleriň arasynda ykdysady, tehniki we medeni hyzmatdaşlygy höweslendirmek bolup durýar. 1992-nji ýylda bu guramanyň düzümine Owganystan, Azerbaýjan, Gazagystan, Gyrgyzystan, Täjigistan, Türkmenistan we Özbegistan hem goşuldy.
Türkmenistanyň Prezidenti TNGIZT-niň infrastruktura desgalaryny döwrebaplaşdyrmak boýunça teklibi makullady
18-nji aprelde Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda döwlet durmuşyna degişli birnäçe meselelere seredildi diýip, TDH habar berýär.
Türkmenistanyň we HHR-niň Liderleri Hytaýa täze gaz geçirijiniň gurluşygy barada ylalaşdylar
Prezident Gurbanguly Berdimuhamedowyň Hytaý Halk Respublikasyna iş saparynyň çäklerinde şenbe güni Hytaý Halk Respublikasynyň Başlygy Si Szinpin bilen duşuşdy diýip, Türkmenistanyň Döwlet habarlar agentligi habar berýär.
Türkmenistanyň biržasynda 52 million dollarlyk mazut we ECO-93 benzini satyldy
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 36-sy hasaba alyndy.
Ýurdumyzda Gurban baýramy ýokary ruhubelentlikde bellenilýär
Toýlary toýa, baýramlary baýrama ulaşýan eziz Watanymyzda mukaddes Gurban baýramy dowam edýär. Aşgabat, Arkadag şäherlerinde hem-de ýurdumyzyň welaýatlarynda, oba-kentlerinde Gurban baýramynyň dabarasy uly ruhubelentlige beslenýär. Toý gazanlary atarylyp, milli naharlarymyz bişirilýär. Sungat ussatlarynyň ýerine ýetirmeginde aýdym-sazyň sesi belentden ýaňlanýar. Her bir döwletli maşgalada saçaklary bezäp, gelen myhmanlara dürli naz-nygmatlar hödürläp, birek-birege «Gurbanlygyňyz kabul bolsun!» diýip, ýagşy dilegler edilýär.
Burawlaýjylaryň üstünlikli zähmeti
«Türkmenistanyň nebitgaz senagatyny ösdürmegiň 2030-njy ýyla çenli döwür üçin Maksatnamasyna» laýyklykda iş alyp barýan «Türkmennebit» döwlet konserniniň öňünde goýlan wezipeleriň üstünlikli amala aşyrylmagynda «Nebitgazburawlaýyş» trestiniň hyzmaty uludyr.