TNGIZT-de nebitiň gaýtadan işlenilişiniň çuňlugy 86%-dan 92%-e çenli artar
20:54 31.10.2020 8343
Türkmenbaşynyň nebiti gaýtadan işleýän zawodlar toplumy nebitiň gaýtadan işlenilişiniň çuňlugyny 86%-den 92%-e çenli artdyrar. Munuň özi TNGIZT-niň nebiti gaýtadan işlemek boýunça dünýäniň öňdebaryjy liderleri bilen bir hatara çykmagyna getirer. Bu barada TNGIZT-niň baş direktory Döwran Çişiýew penşenbe güni «Türkmenistanyň nebiti we gazy 2020» halkara forumynda eden çykyşynda belläp geçdi.
Onuň bellemegine görä, nebitiň gaýtadan işlenilmeginiň şu hili ýokarlandyrylmagyna TNGIZT-de gurulýan haýalladylan kokslaşdyrma we gudronyň deasfaltizasiýasy täze desgasynyň işe girizilmegi ýardam eder.
TNGIZT-niň ulgamlaýyn hem hemişelik döwrebaplaşdyrylmagynyň çäklerinde täze tehnologiýalaryň mundan beýläk hem ornaşdyrylmagy ekologiýa taýdan arassa awtomobil benzinleriniň we Ýewro-5 ülňülerine laýyk gelýän dizel ýangyjynyň işlenilip taýýarlanmagyna doly geçmäge gönükdirilendir, diýip D.Çişiýew belledi.
Häzirki wagtda toplumyň düzümine nebiti başlangyç hem gaýtadan işleýän birnäçe desga girýär — olar ELOU-AT desgalary, katalitik kreking we riforming, reaktiw ýangyjy arassalaýyş, dizel ýangyjyny gidroarassalaýyş, olefinleri alkilirleniş hem-de ýeňil benzinleriň izomerizasiýasy desgalary girýär.
TNGIZT-ni döwrebaplaşdyrmagyň barşynda polipropilen örtükleriniň, haltalarynyň, bitumyň, koksuň we taplanan koksuň önümçiligi boýunça desgalar, çalgy ýaglarynyň we polipropileniň önümçiligi boýunça seh işe girizildi.
Onuň önümçiliginiň sanly özgerdilmegi boýunça işler hem dowam edýär —gözegçilik desgalary we dolandyryş barada maglumatlary toplamak, gaýtadan işlemek, görkezmek we arhiwleşdirmek boýunça ulgamlar ornaşdyrylýar.
TNGIZT-de ekologiki normalara doly laýyk gelýän nebiti gaýtadan işleýän we nebit himiýa pudaklarynyň önümleriniň ähli esasy görnüşleri öndürilýär. Esasy düzüm — bu ýokary oktanly etillendirilmedik awtomobil benzini, awiasion ýagtylandyryjy we tehniki kerosin, suwuklandyrylan nebit gazy, dizel ýangyjynyň dürli görnüşleri, şol sanda ECO-4 we ECO-5, 30-dan gowrak görnüşli çalgy ýaglary, polirpopilen, elektrod taplanan koks, ýokary hilli ýol we gurluşyk bitumlary, azkükürtli mazutlar we beýlekiler bar.
Türkmenistanda iň iri kärhana bolmak bilen, TNGIZT gerimi boýunça öňdebaryjy nebiti gaýtadan işleýän konsernlere barabardyr. Onuň düzümine iki sany zawod, köp sanly nebit ýataklar we beketler bar.
Türkmenistan we Ýaponiýa ykdysady hyzmatdaşlygy giňeltmegiň meselelerini maslahatlaşdylar
16-njy dekabrda Aşgabatda “Ýyldyz” otelinde Ykdysady hyzmatdaşlyk boýunça türkmen-ýapon komitetiniň 15-nji mejlisi geçirildi.
«Halkara ulag-üstaşyr geçelgeleri: özara baglanyşyklylyk we ösüş» Halkara maslahaty 18-20-nji iýulda geçiriler
18-20-nji iýulda Aşgabatda «Halkara ulag-üstaşyr geçelgeleri: özara baglanyşyklylyk we ösüş» Halkara maslahaty geçiriler. Forumyň maksady pandemiýadan soňky dikeldiş boýunça ileri tutulýan meseleleri maslahatlaşmak, halkara daşamalar ulgamynda täze şertlere uýgunlaşmak we netijeli halkara ulag-üstaşyr geçelgelerini ösdürmek bolup durýar.
Energetika hyzmatdaşlygyny ösdürmek — Azerbaýjanyň wekiliýeti bilen duşuşygyň üns merkezinde
Çarşenbe güni Türkmenistanyň Daşary işler ministrliginiň binasynda wise-premýer, Türkmenistanyň Daşary işler ministri Raşid Meredowyň Aşgabada iş sapary bilen gelen Azerbaýjan Respublikasynyň Ykdysadyýet ministri Mikail Jabbarowyň baştutanlygyndaky wekilýet bilen duşuşygynda energetika ulgamynda ikitaraplaýyn hyzmatdaşlygy ösdürmegiň mümkinçilikleri ara alnyp maslahatlaşyldy. Bu barada Türkmenistanyň daşary syýasat edarasynyň saýty habar berýär.
Türkmenistanyň DIM-niň ýolbaşçysy Eýranyň energetika ministri bilen energetika we gaz pudagynda hyzmatdaşlygy maslahatlaşdy
Türkmenistanyň Daşary işler ministrliginde Raşid Meredow bilen Eýranyň Energetika ministri Abbas Aliabadiniň arasynda geçirilen duşuşykda energetika we gaz pudaklarynda ikitaraplaýyn hyzmatdaşlygyň meseleleri maslahatlaşyldy diýip, türkmen daşary syýasat edarasynyň saýtynda habar berilýär.
Mohammed Barkindo: erkin çykaryş kuwwatlyklary taryhda iň pes ýagdaýda, syýasy çözgütler zerur
Gazylyp alynýan ýangyçdan el çekmäge çagyryşyň netijesinde pudaga doly maýa goýmazlyk zerarly 62 ýyllyk taryhyň dowamynda OPEC ýurtlarynyň erkin çykaryş kuwwatlyklary iň pes ýagdaýda, bazarda nebit ýetmezçiliginiň meselesini çözmek üçin syýasy çözgütler zerur. Bu barada OPEC-iň Baş sekretary Mohammed Barkindo 5-nji iýulda Nigeriýadan geçen maslahatyň açylyşynda eden çykyşynda belledi. Görlüp oturylsa, bu Mohammed Barkindonyň köpçüligiň öňünde iň soňky çykyşy boldy. Ol şol gün gije aradan çykdy.