Russiýa Türkmenistanyň esasy söwda hyzmatdaşlarynyň biri bolup durýar
10:11 13.06.2025 2108
Russiýa Türkmenistanyň esasy söwda hyzmatdaşlarynyň biri bolmagynda galýar – ýurtlaryň arasyndaky ýyllyk haryt dolanyşygy 1,6 milliard dollardan geçýär. Bu barada Türkmenistanyň Ministrler Kabinetiniň Başlygynyň orunbasary Hojamyrat Geldimyradow 11-nji iýunda Russiýa Federasiýasynyň ilçihanasy tarapyndan “Ýyldyz” myhmanhanasynda guralan Russiýa gününiň hormatyna geçirilen resmi kabul edilişlikde aýtdy. Bu barada Türkmenistanyň Telewideniýe, radiogepleşikler we kinematografiýa baradaky döwlet komitetiniň Habarlar portaly habar berýär.
Wise-premýeriň bellemegine görä, Türkmenistan bilen Russiýa Federasiýasynyň arasyndaky berk strategik hyzmatdaşlyk baý taryhy tejribä, goňşuçylyk gatnaşyklaryna we özara hormata esaslanýar.
Orient agentliginiň ýazmagyna görä, H.Geldimyradow iki ýurduň arasyndaky söwda dolanyşygynyň oňyn depgin bilen ösýändigini we Russiýa eksport edilýän türkmen önümleriniň düzüminde üýtgeşmeleriň bardygyny, şol sanda gaýtadan işleýiş pudaklaryna degişli önümleriň paýynyň artýandygyny aýtdy.
Şeýle hem wise-premýer Gazagystan-Türkmenistan-Eýran demir ýolunyň “Demirgazyk-Günorta” ugry boýunça söwda-ykdysady hyzmatdaşlygyň möçberini we hilini artdyrmak üçin giň mümkinçilikleri açýandygyny nygtady.
Onuň pikiriçe, senagat we energetika, ulag-üstaşyr we logistika ulgamlarynda, sanly ykdysadyýetde hem-de hususy pudakda hyzmatdaşlygyň uly mümkinçilikleri bar.
H.Geldimyradow Ykdysady hyzmatdaşlyk boýunça hökümetara Türkmen-rus toparynyň hyzmatdaşlygyň geljegi uly ugurlaryny ara alyp maslahatlaşmakda, özara bähbitli taslamalary durmuşa geçirmekde netijeli meýdança hökmünde özüni görkezenini aýtdy.
Wise-premýer komissiýanyň işi netijesinde işewür toparlaryň, sebitleriň, degişli ministrlikleriň we edaralaryň arasyndaky gatnaşyklarynyň giňelýändigini aýtdy. Bu bolsa öz gezeginde özara söwdanyň giňeldilmegine, bilelikdäki önümçilikleriň döredilmegine, logistiki zynjyrlaryň we sanly ykdysadyýetiň ösdürilmegine täze mümkinçilikleri döredýär.
Geldimyradow ynsanperwer hyzmatdaşlygyň aýratyn ähmiýetini hem nygtap geçdi. Onuň sözlerine görä, ylym-bilim, lukmançylyk, sport, şeýle hem umumy medeni mirasy gorap saklamak ugurlary boýunça işjeň hyzmatdaşlyk dowam etdirilýär.
Türkiýä, Russiýa we Özbegistana 600 tonna töweregi polipropilen ýüplügi eksport edildi
«Bagtyýar gurluşyk» hojalyk jemgyýeti 600 tonna töweregi polipropilen ýüplügini eksport etdi. Hususan-da, kompaniýa bu önümi Türkiýä, Russiýa we Özbegistana iberdi diýip, Türkmenistanyň Senagatçylar we telekeçiler birleşmesi habar berdi.
Türkmenistanda Beýik Watançylyk urşunda gazanylan Ýeňşiň 80 ýyllygy bellenildi
9-njy maýda Türkmenistanda şanly baýram — 1941 — 1945-nji ýyllaryň Beýik Watançylyk urşunda gazanylan Ýeňşiň 80 ýyllygy bellenildi. Aşgabatdaky “Halk hakydasy” ýadygärlikler toplumynda geçirilen gül goýmak dabarasyna türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow gatnaşdy.
Türkmenistanyň Prezidenti Beýik Ýeňşiň 80 ýyllygy mynasybetli Moskwada geçirilen dabaralara gatnaşdy
9-njy maýda Prezident Serdar Berdimuhamedow iş sapary bilen Russiýa Federasiýasyna bardy. Ol ýerde Türkmenistanyň Prezidenti Russiýanyň Prezidenti Wladimir Putiniň çakylygy boýunça 1941 — 1945-nji ýyllaryň Beýik Watançylyk urşunda gazanylan Ýeňşiň 80 ýyllygynyň hormatyna Moskwada geçirilýän dabaraly çärelere gatnaşdy diýip, TDH habar berýär.
2021-nji ýylda Türkmenistanyň Gruziýa nebit we nebit önümleriniň eksportyndan girdejisi 191 mln dollardan geçdi
2021-nji ýylyň jemleri boýunça Türkmenistanyň Gruziýa nebit we nebit önümleriniň eksporty 191,8 million dollara barabar boldy, bu 2020-nji ýyl bilen deňeşdirilende 186,2% artykdyr. Bu barada Trend agentligi Gruziýanyň Milli statistika müdirligine salgylanyp habar berýär.
Nebitgaz toplumynda dört aýyň jemlerine garaldy
Türkmenistanyň nebitgaz toplumynyň merkezi binasynda Halkara parahatçylyk we ynanyşmak ýylynyň dört aýynda ýerine ýetirilen işleriň jemine bagyşlanan hasabat ýygnagy geçirildi. Onda 8-nji maýda hormatly Prezidentimiz Serdar Berdimuhamedowyň milli ykdysadyýetimiziň pudaklarynda şu ýylyň dört aýynda alnyp barlan işleriň netijelerine bagyşlap, sanly ulgam arkaly geçiren Türkmenistanyň Ministrler Kabinetiniň mejlisinde ýurdumyzyň nebitgaz toplumynyň öňünde goýan wezipeleri ara alnyp maslahatlaşyldy.