BMG energiýa serişdelerini ibermekligi diwersifikasiýalaşdyrmak boýunça Türkmenistanyň garaýyşlaryny goldaýar
10:41 03.11.2020 7647
Dünýä bazarlaryna energiýa serişdeleriniň durnukly iberilmegini üpjün etmek pandemiýa garşy göreşmekde hem-de ykdysadyýeti dikeltmegiň depginini güýçlendirmekde möhüm orun eýeleýär, diýip BMG-niň Türkmenistandaky hemişelik utgaşdyryjysy Ýelena Panowa «Türkmenistanyň nebiti we gazy 2020» XXV halkara forumynda belledi.
— Çökgünlik maýa goýumlary togtadyp, arassa energetika tehnologiýalarynyň ýaýramagynyň haýallamagyna howp salyp, has möhümi hem adamlaryň has elýeterli energiýa mümkinçiliklerini kynlaşdyryp, tutuş dünýä boýunça, şol sanda energiýa ulgamlarynyň ibermeleriniň zynjyryny bozdy – diýip Panowa aýtdy.
«Biz ykdysadyýetiň dikeldilmeginiň deň hukuklylyga, gatnaşyjylaryň ählisiniň gyzyklanmalarynyň hasaba alynmagyna hem-de paýhasly nyrh emele getirmeklige esaslanýan adalatly hem aýan ýörelgelerde geçirilmelidigi baradaky Türkmenistanyň garaýyşlaryny goldaýarys. Energetika akymlarynyň diwersifikasiýalaşdyrylmagy — bu maksada ýetmegiň möhüm ugrudyr» diýip Panowa aýtdy.
Diplomatyň nygtaýşy ýaly, «şu maksat bilen Türkmenistan energiýa serişdeleriniň howpsuz üstaşyr geçirilmegi boýunça halkara gepleşikleriniň üsti bilen energiýa serişdeleriniň dünýä bazarlaryna ygtybarly hem durnukly iberilmegine babatda başlangyçlary yzygiderli öňe sürýär. Bu gepleşikleriň netijesinde 2008-nji we 2013-nji ýyllarda BMG-niň Baş Assambleýasynyň «Energiýa serişdeleriniň ygtybarly we üstaşyr geçirilmegi hem-de durnukly ösüşi we halkara hyzmatdaşlygyny üpjün etmekde onuň orny» atly iki sany Kararnama kabul edildi».
— Türkmenistan ýörite edaranyň — BMG-niň Energetika geňeşiniň, şeýle hem Energetika howpsuzlygy boýunça BMG-niň bilermenler toparyny döretmäge çagyrýar.
«Hemişelik bitaraplyk — Türkmenistanyň milli syýasatynyň ägirt uly gazanany bolup, ol halkara gatnaşyklarynda möhüm şerte öwrüldi» diýip, BMG-niň Türkmenistandaky hemişelik utgaşdyryjysy Ýelena Panowa belledi.
TDHÇMB-niň söwdalarynda daşary ýurt puluna «Türkmennebit» we «Türkmenhimiýa» DK-nyň önümleri ýerlenildi
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 14-si hasaba alyndy.
Russiýa Türkmenistanyň esasy söwda hyzmatdaşlarynyň biri bolup durýar
Russiýa Türkmenistanyň esasy söwda hyzmatdaşlarynyň biri bolmagynda galýar – ýurtlaryň arasyndaky ýyllyk haryt dolanyşygy 1,6 milliard dollardan geçýär. Bu barada Türkmenistanyň Ministrler Kabinetiniň Başlygynyň orunbasary Hojamyrat Geldimyradow 11-nji iýunda Russiýa Federasiýasynyň ilçihanasy tarapyndan “Ýyldyz” myhmanhanasynda guralan Russiýa gününiň hormatyna geçirilen resmi kabul edilişlikde aýtdy. Bu barada Türkmenistanyň Telewideniýe, radiogepleşikler we kinematografiýa baradaky döwlet komitetiniň Habarlar portaly habar berýär.
Türkmenistanyň wekiliýeti Daşkent halkara maýa goýum forumyna gatnaşdy
Türkmenistanyň Ministrler Kabinetiniň Başlygynyň orunbasary N.Atagulyýewiň ýolbaşçylygynda türkmen wekiliýeti 9-11-nji iýuny aralygynda IV Daşkent halkara maýa goýum forumyna gatnaşdy diýip, Türkmenistanyň DIM-niň saýtynda habar berilýär.
Türkmenistanyň Prezidenti alymlary we Halkara ylmy maslahata gatnaşyjylary gutlady
12-nji iýunda Türkmenistanda Ylymlar güni bellenilip geçilýär. Şunuň bilen baglylykda, Prezident Serdar Berdimuhamedow Türkmenistanyň ylmy jemgyýetçiligine hem-de «Berkarar döwletiň täze eýýamynyň Galkynyşy döwründe ylym, tehnika we innowasion tehnologiýalar» halkara ylmy maslahata gatnaşyjylara gutlag iberdi.
Hökümet mejlisinde TNGIZT-niň işini döwrebaplaşdyrmagyň meseleleri maslahatlaşyldy
13-nji iýunda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda döwlet durmuşyna degişli birnäçe meselelere garaldy diýip, TDH habar berýär.