«Lukoýl» Filanow käniniň ikinji tapgyrynda buraw işleriniň ikinji tapgyryny başlady
10:42 14.10.2020 7905
«Lukoýl» Hazar deňzinde Wladimir Filanow adyndaky käniň ikinji tapgyrynda ulanyş burawynyň ikinji tapgyryna başlady, diýip Interfaks agentligi habar berýär.
Ikini tapgyr ýylda nebit çykarylyşyny 6 mln tonna derejesinde saklap galmaklygy goldamak üçin gönükdirilendir. Ikinji tapgyryň çäklerinde iki sany guýynyň we buza durnukly stasionar platformada (BDP-2) bir sany gapdal sütüniň gurluşygy meýilleşdirilýär. «Bu kände nebitiň çykarylyşynyň taslama derejesini saklamaga mümkinçilik berer» - diýip «Lukoýlyň» metbugat-gullugynda habar berilýär.
Kompaniýada bellenilişi ýaly, birinji, ikinji we üçünji nobatdakylaryň desgalarynyň ählisini gurmak üçin rus potratçylary — Astrahan oblastynyň gämigurluşyk werfleri çekildi.
Filanow adyndaky kän — Hazar deňziniň rus bölegindäki iri nebit känidir. Onuň başlangyç çykaryş ätiýaçlyklary 129 mln tonna nebit we 30 mlrd kub metr gaz. Ol 2016-njy ýylda ulanyşa girizildi. Filanow käninde özleşdirmäniň üçünji tapgyrynyň işe girizilmegi netijesinde «Lukoýlyň» Hazar deňzinde nebit çykaryşy 2019-njy ýylyň jemleri boýunça 5,2% ýokarlandy we 6,4 mln tonna deň boldy.
Öň habar berlişi ýaly, 2020-nji ýylyň sentýabrynda «Lukoýlyň» ýolbaşçysy Wagit Alekperow Prezident Gurbanguly Berdimuhamedow bilen duşuşygynda döwlet Baştutanymyzy Hazar deňzinde nebitgaz känleriniň işlenip taýýarlanylyşy bilen tanyşdyrdy we kompaniýasynyň Türkmenistan bilen çig maly çykarmak ulgamynda bolşy ýaly, nebit we gazhimiýanyň taýýar önümlerini öndürmek ulgamynda hem hyzmatdaşlyk etmäge gyzyklanma bildirýändigini belledi.
TDHÇMB-niň söwdalarynda daşary ýurt puluna «Türkmennebit» we «Türkmenhimiýa» DK-nyň önümleri ýerlenildi
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 14-si hasaba alyndy.
Russiýa Türkmenistanyň esasy söwda hyzmatdaşlarynyň biri bolup durýar
Russiýa Türkmenistanyň esasy söwda hyzmatdaşlarynyň biri bolmagynda galýar – ýurtlaryň arasyndaky ýyllyk haryt dolanyşygy 1,6 milliard dollardan geçýär. Bu barada Türkmenistanyň Ministrler Kabinetiniň Başlygynyň orunbasary Hojamyrat Geldimyradow 11-nji iýunda Russiýa Federasiýasynyň ilçihanasy tarapyndan “Ýyldyz” myhmanhanasynda guralan Russiýa gününiň hormatyna geçirilen resmi kabul edilişlikde aýtdy. Bu barada Türkmenistanyň Telewideniýe, radiogepleşikler we kinematografiýa baradaky döwlet komitetiniň Habarlar portaly habar berýär.
Türkmenistanyň wekiliýeti Daşkent halkara maýa goýum forumyna gatnaşdy
Türkmenistanyň Ministrler Kabinetiniň Başlygynyň orunbasary N.Atagulyýewiň ýolbaşçylygynda türkmen wekiliýeti 9-11-nji iýuny aralygynda IV Daşkent halkara maýa goýum forumyna gatnaşdy diýip, Türkmenistanyň DIM-niň saýtynda habar berilýär.
Türkmenistanyň Prezidenti alymlary we Halkara ylmy maslahata gatnaşyjylary gutlady
12-nji iýunda Türkmenistanda Ylymlar güni bellenilip geçilýär. Şunuň bilen baglylykda, Prezident Serdar Berdimuhamedow Türkmenistanyň ylmy jemgyýetçiligine hem-de «Berkarar döwletiň täze eýýamynyň Galkynyşy döwründe ylym, tehnika we innowasion tehnologiýalar» halkara ylmy maslahata gatnaşyjylara gutlag iberdi.
Hökümet mejlisinde TNGIZT-niň işini döwrebaplaşdyrmagyň meseleleri maslahatlaşyldy
13-nji iýunda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda döwlet durmuşyna degişli birnäçe meselelere garaldy diýip, TDH habar berýär.