Türkmenbaşynyň deňiz portunyň polipropilen terminaly milli önümleriň eksportyny artdyrýar
12:21 18.08.2023 10986
Dünýä bazarlarynda uly islegden peýdalanýan nebitgaz senagatynyň önümleri Hazar deňziniň türkmen kenarynda ýerleşen Türkmenbaşynyň Halkara deňiz portunyň polipropilen terminalynyň üsti bilen eksport edilýär.
«Bestway» türk kompaniýasynyň sargydy boýunça «Oguzabat» hojalyk jemgyýeti tarapyndan polipropilen terminaly arkaly Türkiýä 749,9 tonna töweregi koksohimiýa önümleri eksport edildi.
Ýene-de 1350 tonna polipropilen önümi «Korsintez» gazak kompaniýasynyň sargydy boýunça Russiýa Federasiýasynyň Astrahan oblastyna eksport edildi.
Kuwwatlylygy ýyllyk 120 müň tonna barabar bolan polipropilen terminalynyň umumy meýdany 62 müň inedördül metre barabardyr. Terminalyň otaglarynyň ählisi polirpopilen ýükleriniň howa şertleri zerarly zeperlenmeginden goralan görnüşde gurnalandyr.
Terminalda ýük göterijiligi 64 tonna we öwrüm burçy 17 metr bolan port kranlary polatdan relslerde bir wagtda göwrümi 5000 tonna bolan üç sany gämide ýükleýiş düşüriş işlerini geçirip bilýär.
Belläp geçsek, Türkmenistanda polipropilen Türkmenbaşynyň nebiti gaýtadan işleýän zawodlar toplumynda, şeýle hem Gyýanlydaky gazhimiýa toplumynda öndürilýär. Ol «Hyundai Engineering Go. Ltd» we «LG International Corp», şeýle hem «Toyo Engineering Corp» kompaniýalary tarapyndan «Türkmengaz» döwlet konserni bilen şertnamanyň esasynda guruldy we 2018-nji ýylyň oktýabrynda ulanyşa girizildi.
Türkmenistanyň we Russiýanyň Prezidentleri ŞHG-niň sammtiniň çäklerinde ikitaraplaýyn duşuşyk geçirerler
Türkmenistanyň Prezidenti Serdar Berdimuhamedow we Russiýa Federasiýasynyň Prezidenti Wladimir Putin Şanhaý Hyzmatdaşlyk Guramasynyň çäklerinde ikitaraplaýyn duşuşyk geçirerler. Bu barada Russiýanyň öňdebaryjy habarlar agentlikleri RF-niň Prezidentiniň halkara işleri boýunça kömekçisi Ýuriý Uşakowa salgylanyp habar berýär.
Türkmenistanyň Prezidenti Saud Arabystanynyň täze ilçisi bilen hyzmatdaşlygyň ileri tutulýan ugurlaryny maslahatlaşdy
17-nji aprelde Prezident Serdar Berdimuhamedow Saud Arabystany Patyşalygynyň Türkmenistanda täze bellenen Adatdan daşary we Doly ygtyýarly ilçisi Amer bin Ali Al-Şehrini kabul etdi. Ol döwlet Baştutanymyza ynanç hatyny gowşurdy diýip, TDH habar berýär.
2021-nji ýylda «Gazprom» Türkmenistandan 10,6 mlrd kub metr gaz satyn aldy
2021-nji ýylda «Gazprom» Türkmenistandan 10,6 mlrd kub metr gaz satyn aldy. Bu barada Türkmenistanyň Prezidentiniň Russiýa Federasiýasynyň Prezidenti bilen duşuşygyna taýýarlanylan materiallarda aýdylýar. Duşuşyk 15-16-njy sentýabrda Samarkandda ŞHG sammitiniň çäklerinde meýilleşdirildi diýip, RIA Nowosti ýazýar.
Türkmenistanyň Prezidentiniň Ýaponiýa saparynyň jemleri boýunça resminamalaryň toplumyna gol çekildi
Prezident Serdar Berdimuhamedowyň Ýaponiýa amala aşyran saparynyň jemleri boýunça hyzmatdaşlyk hakynda resminamalaryň toplumyna gol çekildi. 15-nji aprelde Serdar Berdimuhamedowyň ýapon işewürleri bilen geçiren duşuşygynyň jemleri boýunça ikitaraplaýyn resminamalara gol çekmek dabarasy boldy diýip, TDH habar berýär.
Prezident Serdar Berdimuhamedow ŞHG sammitine gatnaşmak üçin Özbegistana bardy
15-nji sentýabrda irden Türkmenistanyň Prezidenti Serdar Berdimuhamedow Şanhaý Hyzmatdaşlyk Guramasyna agza döwletleriň Baştutanlarynyň Geňeşine hormatly myhman hökmünde gatnaşmak maksady bilen, Özbegistan Respublikasynyň Samarkant şäherine iş sapary bilen bardy. Sammit 15-16-njy sentýabrda geçiriler.