«Mawy ýangyç» Halaç etrabynyň sarp edijilerine bökdençsiz ýetirilýär
15:49 16.08.2023 7907
«Türkmenistany durmuş-ykdysady taýdan ösdürmegiň Milli maksatnamasyna» laýyklykda, ýurdumyzda durmuşa geçirilýän esasy wezipeleriň biri hem ilatly nokatlary gaz bilen üpjün etmek bolup durýar. Bu günki gün «mawy ýangyjyň» hözirini ýurdumyzyň çetki ilatly nokatlary hem görýär. Obalary we şäherleri gaz bilen üpjün etmek boýunça giň gerimli çäreleriň netijesinde tebigy gaz Lebap welaýatynyň Halaç etrabynyň ilatly nokatlaryna hem bökdençsiz ýetirilýär.
«Halaçetrapgaz» gaz hojalygynyň ýolbaşçysy Yhlas Abdullaýewiň aýtmagyna görä, bu etrapda tebigy gazdan peýdalanýan hojalyklaryň sany 15 müňden geçýär. Ýaşaýjylary tebigy gaz bilen bökdençsiz üpjün etmekde «Halaçetrapgaz» gaz hojalygynyň dürli hünär taýýarlykly 110-dan gowrak işgärleri zähmet çekýär. Olar dürli basyşdaky uzynlygy 803 km bolan gaz geçiriji ulgamlara, şeýle hem 404 sany gaz paýlaýjy we sazlaýjy desgalara gözegçilik edýärler.
Ýakyn wagtda etrabyň üç sany geňeşliginiň täze ilatly nokatlaryny gazlaşdyrmak boýunça işleriň dowam etmegi netijesinde tebigy gazdan peýdalanýan öý hojalyklarynyň sany has hem artar.
Edaranyň hünärmenleri ilat bilen ýakyn aragatnaşykda bolup, gazdan peýdalanmagyň howpsuzlyk düzgünlerini düşündirýärler. Tebigy gazdan peýdalanyjylaryň ählisi gaz ölçeýji enjamlar bilen dolulygyna üpjün edilip, sarp edilen tebigy gaz üçin yzygiderli töleg edýärler.
Halaç — welaýatyň iň gür ilatly etraplarynyň biri. Munuň özi bu ýerde maşgalalaryň sanynyň ýylyň-ýylyna artmagy bilen şertlendirilýär. Netijede täze ýaşaýyş jaýlarynyň gurluşygy hem artýar.
Şu ýylyň alty aýynda etrapda gurlan gaz geçirijileriň umumy uzynlygy 5 müň 435 metre barabar. Geçen döwürde işleriň aglaba bölegi Surh geňeşliginiň çäginde geçirildi. Häzirki wagtda gurluşykçylar tarapyndan iki kilometr töweregi aralykda degişli işleri ýerine ýetirdiler.
Bu taslamany durmuşa geçirmekde «Türkmengazüpjünçilik» Birleşiginiň Lebap welaýat bölüminiň gurluşykçylary zähmet çekýär. Bu işleri olar Esenmeňli etrap geňeşliginde hem alyp barýarlar. Bu ýerde gurlan gaz geçirijiniň uzynlygy bu günki gün bir kilometre ýetýär.
Prezident Türkmenistanyň diplomatlaryny energetika we beýleki ulgamlarda iri halkara taslamalary durmuşa geçirmäge ýardam etmäge çagyrdy
Anna güni Prezident Gurbanguly Berdimuhamedow Türkmenistanyň diplomatik gullugynyň işgärlerini hünär baýramçylygy bilen gutlady. Her ýylyň 18-nji fewralynda bellenilip geçilýän baýramçylyk mynasybetli iberen gutlagynda döwlet Baştutany «Garaşsyz, Bitarap Türkmenistanyň milli bähbitlerini halkara gatnaşyklar ulgamynda mynasyp üpjün edýän we goraýan ýurdumyzyň diplomatik gullugynyň işgärleri öňde goýlan belent wezipeleri talabalaýyk ýerine ýetirmek ugrunda ýadawsyz we döredijilikli zähmet çekýärler» diýip belleýär.
Demokratiýanyň milli nusgasy dabaralanýar
Ýurdumyzyň nebitgaz toplumynyň merkezi edara binasynda ,,Halk Maslahaty – demokratiýanyň milli nusgasy’’ atly maslahat geçirildi.
Türkmenistan amala aşyrýan iri taslamalarynda ekologiýa syýasatyny ileri tutýar
Soňky ýyllarda tükeniksiz çeşmelerden alynýan «ýaşyl» energiýa (gaýtadan dikeldilýän energiýa) bolan gyzyklanma bütin dünýäde, şol sanda biziň Garaşsyz ýurdumyzda barha ýokarlanýar.
Türkmenistanyň Prezidenti sanly ulgam arkaly Ministrler Kabinetiniň nobatdaky mejlisini geçirdi
19-njy iýulda hormatly Prezidentimiz Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda döwlet durmuşyna degişli birnäçe meselelere garaldy diýip, TDH habar berýär.
Türkmenistanyň Prezidenti suwuklandyrylan gazy saklaýan we ýükläp iberýän desgalaryň kuwwatyny artdyrmagy tabşyrdy
19-njy iýulda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda döwlet durmuşyna degişli birnäçe meselelere garaldy. Onuň barşynda Ministrler Kabinetiniň Başlygynyň orunbasary B.Amanow “Türkmennebit” döwlet konserniniň Türkmenbaşydaky nebiti gaýtadan işleýän zawodlar toplumynyň suwuklandyrylan gazy saklaýan we ýükläp iberýän desgalarynyň kuwwatyny artdyrmak boýunça alnyp barylýan işler barada hasabat berdi.