Owganystanda Amyderýa basseýninde nebit çykarylyp başlandy
12:43 11.07.2023 8254
Owgan nebitçileri Amyderýanyň basseýninde ýerleşen kände nebit çykaryp başladylar diýip, owgan habar beriş serişdeleri habar berýär.
Owganystanyň şahtalar we nebit ministriniň bellemegine görä, bu sebitde nebitiň çykarylyp başlanmagy ýurduň ykdysadyýetini ösdürmekde möhüm ädim boldy. Käni işläp taýýarlamaklyk gymmatly çig malyň günde 100 tonna golaýyny çykarmaga mümkinçilik berer.
Geljekde ýurduň häkimiýeti uglewodorod çig malyny gaýtadan işlemekligi hem ýola goýmagy meýilleşdirýär. Owganystanda ýurtda ilkinji nebiti gaýtadan işleýän zawody gurmak teklibi nebiti çykarmaga badalga bermek dabarasynda aýdyldy. Dabara Owganystanyň ministrlikleriniň we edaralarynyň ýolbaşçylary gatnaşdy.
Häzirki wagtda owgan nebitçileri Amyderýa basseýninde 9 sany guýy burawladylar. Senagat we şahtalar palatasynyň wekilleriniň bellemegine görä, bu çäkleri özleşdirmeklik we nebit çykarmaklyk döwleti ýangyç bilen üpjün etmekde möhüm ädim bolup durýar.
Owganystanyň nebit senagatynyň dikeldilmegine CNPC hytaý kompaniýasy ýardam edýär. 2023-nji ýylda kompaniýa şu maksat bilen 162 mln dollar maýa goýar, geljek üç ýylda — 540 mln dollar goýar.
Russiýanyň, Gazagystanyň we Özbegistanyň «üçtaraplaýyn gaz birleşigi» boýunça beýanaty Türkmenistanda soraglary döredýär
Russiýa Federasiýasynyň DIM-niň wekiliniň Russiýanyň, Gazagystanyň we Özbegistanyň «üçtaraplaýyn gaz birleşigi» boýunça beýanaty türkmen tarapynda birnäçe soraglary döredýär. Bu barada «Türkmengaz» döwlet konserniniň başlygynyň orunbasary Myrat Arçaýew Türkmenistanyň Döwlet habarlar agentligine beren teswirinde aýdylýar. Ol şenbe güni neşir edildi.
Türkmenistan Hazarda ekologiýa howpsuzlygy boýunça Hazarýaka döwletleriniň ýolbaşçylarynyň ýörite sammitini geçirmegi teklip etdi
Türkmenistanyň ýolbaşçylygy derwaýys meseleleri ara alyp maslahatlaşmak we Hazarda ekologiýa howpsuzlygyny üpjün etmek boýunça işleri güýçlendirmek maksady bilen, Hazarýaka döwletleriniň ýolbaşçylarynyň ýörite sammitini geçirmek baradaky başlangyjy beýan etdi.
Türkmenistan Owganystana nobatdaky ynsanperwerlik kömegini iberdi
11-nji sentýabrda türkmen-owgan serhedinde Arkadagyň ak ýoly bilen Serhetabat — Hyrat gaz geçirijisiniň, elektrik, ulag we aragatnaşyk ulgamlarynyň gurluşygyna badalga berilmegi mynasybetli Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň hasabyna goňşy Owganystana ynsanperwerlik kömegi iberildi.
Gurbanguly Berdimuhamedow: Owganystan bilen giň gerimli hyzmatdaşlyk üçin uly mümkinçilikler açylýar
Uly ähmiýetli desgalaryň düýbüniň tutulmagy we ulanmaga berilmegi bilen Türkmenistanyň hem-de Owganystanyň arasynda giň gerimli hyzmatdaşlyk üçin uly mümkinçilikler açylýar. Bu barada türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow energetika, ulag-kommunikasiýa we logistika desgalarynyň açylyş hem-de düýbüni tutmak dabaralaryndaky eden çykyşynda belledi.
Türkmenistan we Gazagystan gaz pudagynda hyzmatdaşlygy berkitmegi meýilleşdirýär
“Türkmengaz” döwlet konserni we Gazagystanyň Energetika ministrligi gaz pudagynda hyzmatdaşlygy berkitmek hakynda Ähtnama gol çekdiler.