Nebitgaz toplumyny ösdürmegiň ekologiýa jähtleri boýunça ylmy foruma 20 ýurtdan 800 wekil gatnaşar
04:10 14.06.2023 7975
15-nji iýunda Ýagşygeldi Kakaýew adyndaky Halkara nebit we gaz uniwersitetinde «Arkadag Serdarly bagtyýar ýaşlar ýyly» mynasybetli «Energetiki nukdaýnazarlar we uglewodorod ýataklaryny özleşdirmegiň täze tehnologiýalary» atly halkara ylmy-amaly maslahat geçiriler.
Maslahatyň guramaçylary bolup «Türkmengaz», «Türkmennebit» döwlet konsernleri, «Türkmengeologiýa» döwlet korporasiýasy «Turkmen Forum» HJ we Gaffney Cline britan kompaniýasy bilen hyzmatdaşlykda çykyş edýär.
Çäräni guramaçylaryň maglumatlaryna görä, maslahata gatnaşmak üçin dünýäniň 20 döwletinden 800 wekil bellige alyndy.
Forumyň açylyşynyň öňüsyrasynda, 14-nji iýunda Ýagşygeldi Kakaýew adyndaky Halkara nebit we gaz uniwersitetinde maslahatdan öňki çäreler geçiriler. Şolaryň çäklerinde panelleýin diskussiýalar geçiriler. Olara bu ýokary okuw mekdebiniň mugallymlary we talyplary, şeýle hem Türkmenistanyň DIM-niň, ylmy institutlaryň we halkara guramalaryň wekilleri gatnaşar. Mejlisleriň barşynda elýeterli we arassa energiýa — ýaşlaryň garaýşy, Inžener-nebitçileriň jemgyýeti: Türkmenistanyň nebitgaz pudagynyň hünärmenleri üçin mümkinçilikler ýaly temalar ara alnyp maslahatlaşylar.
Nebitgaz toplumynyň pudaklarynda zyňyndylary azaltmak hem-de energetiki geçiş temalaryna bagyşlanan maslahata Türkmenistanyň ýokary wezipeli Hökümet agzalary, milli we halkara nebitgaz kompaniýalarynyň ýolbaşçylary, halkara guramalaryň we ylmy merkezleriň, akademiýa jemgyýetleriniň wekilleri gatnaşar.
Maslahat känleri işläp taýýarlamagyň täze tehnologiýalary we ekologiýa jähtleri, uglewodorodlary çykarmakda metan zyňyndylaryny we CO2 azaltmak hem-de olaryň monetizasiýasy, ekologiýa maliýeleşdirmesi we arassa energetikany ilerletmekde başlangyçlar ýaly ileri tutulýan meseleleri ara alyp maslahatlaşmak üçin meýdança bolar.
Nebitgaz toplumynyň ekologiýa nukdaýnazarlaryndan başga-da, maslahata gatnaşyjylar uglewodorodlary çykarmakda öňdebaryjy tehnologiýalary we nou-haulary maslahatlaşarlar.
Maslahata BMG-niň, ÝHHG-niň, Aziýa ösüş bankynyň, Türkmenistanda ygtyýarlandyrylan wekilhanalaryň, Climate Compass, LLC, Tetra Tech Inc, GHGSat Inc, Carbon Limits AS, Dragon Oil, ООО МИП «НЭС Профэксперт», Chevron, Baker Hughes, PETRONAS Carigali (Turkmenistan) Sdn Bhd, Yug-Neftegaz Private Limited ýaly kompaniýalaryň, Metan zyňyndylary boýunça halkara obserwatoriýasynyň wekilleri gatnaşar.
Maslahat däp bolan görnüşde bolşy ýaly, onlaýn formatda hem geçiriler.
Şeýle hem Ýagşygeldi Kakaýew adyndaky Halkara nebit we gaz uniwersitetiniň hem-de Türkmenistanyň nebitgaz pudagynyň gazananlarynyň sergisi guralar. Maslahata gatnaşyjylar üçin medeni çäreler, şol sanda tans we aýdymlar guralar.
Türkmenistanyň we Russiýanyň Prezidentleri ŞHG-niň sammtiniň çäklerinde ikitaraplaýyn duşuşyk geçirerler
Türkmenistanyň Prezidenti Serdar Berdimuhamedow we Russiýa Federasiýasynyň Prezidenti Wladimir Putin Şanhaý Hyzmatdaşlyk Guramasynyň çäklerinde ikitaraplaýyn duşuşyk geçirerler. Bu barada Russiýanyň öňdebaryjy habarlar agentlikleri RF-niň Prezidentiniň halkara işleri boýunça kömekçisi Ýuriý Uşakowa salgylanyp habar berýär.
Türkmenistanyň Prezidenti Saud Arabystanynyň täze ilçisi bilen hyzmatdaşlygyň ileri tutulýan ugurlaryny maslahatlaşdy
17-nji aprelde Prezident Serdar Berdimuhamedow Saud Arabystany Patyşalygynyň Türkmenistanda täze bellenen Adatdan daşary we Doly ygtyýarly ilçisi Amer bin Ali Al-Şehrini kabul etdi. Ol döwlet Baştutanymyza ynanç hatyny gowşurdy diýip, TDH habar berýär.
2021-nji ýylda «Gazprom» Türkmenistandan 10,6 mlrd kub metr gaz satyn aldy
2021-nji ýylda «Gazprom» Türkmenistandan 10,6 mlrd kub metr gaz satyn aldy. Bu barada Türkmenistanyň Prezidentiniň Russiýa Federasiýasynyň Prezidenti bilen duşuşygyna taýýarlanylan materiallarda aýdylýar. Duşuşyk 15-16-njy sentýabrda Samarkandda ŞHG sammitiniň çäklerinde meýilleşdirildi diýip, RIA Nowosti ýazýar.
Türkmenistanyň Prezidentiniň Ýaponiýa saparynyň jemleri boýunça resminamalaryň toplumyna gol çekildi
Prezident Serdar Berdimuhamedowyň Ýaponiýa amala aşyran saparynyň jemleri boýunça hyzmatdaşlyk hakynda resminamalaryň toplumyna gol çekildi. 15-nji aprelde Serdar Berdimuhamedowyň ýapon işewürleri bilen geçiren duşuşygynyň jemleri boýunça ikitaraplaýyn resminamalara gol çekmek dabarasy boldy diýip, TDH habar berýär.
Prezident Serdar Berdimuhamedow ŞHG sammitine gatnaşmak üçin Özbegistana bardy
15-nji sentýabrda irden Türkmenistanyň Prezidenti Serdar Berdimuhamedow Şanhaý Hyzmatdaşlyk Guramasyna agza döwletleriň Baştutanlarynyň Geňeşine hormatly myhman hökmünde gatnaşmak maksady bilen, Özbegistan Respublikasynyň Samarkant şäherine iş sapary bilen bardy. Sammit 15-16-njy sentýabrda geçiriler.