Türkmenistanyň DIM-inde ÝHHG-niň Baş sekretary bilen energetika we beýleki ugurlarda hyzmatdaşlyk meseleleri maslahatlaşyldy
14:43 01.06.2023 7883
Türkmenistanyň Daşary işler ministriniň wezipe borçlaryny wagtlaýyn ýerine ýetiriji W.Hajiýewiň ÝHHG-niň Baş sekretary Helga Şmid bilen geçiren duşuşygynda Türkmenistan bilen ÝHHG-niň hyzmatdaşlygynyň häzirki ýagdaýy we geljegi ara alnyp maslahatlaşyldy diýip, Türkmenistanyň daşary syýasat edarasynyň saýty habar berýär.
«Duşuşygyň dowamynda syýasy we ykdysady ugurlarda, energetika we ekologiýa howpsuzlygy, parlament diplomatiýasyny ösdürmek we ynsanperwerlik meselelerinde Türkmenistan bilen ÝHHG-niň arasyndaky hyzmatdaşlygyň ösüşiniň häzirki ýagdaýy we geljekki mümkinçilikleri ara alnyp maslahatlaşyldy» diýip, saýtda habar berilýär.
Türkmen tarapy, Türkmenistanyň halkara guramalary bilen hyzmatdaşlygynyň çäginde ÝHHG bilen uzak möhletleýin we netijeli hyzmatdaşlygyň aýratyn orny eýeleýändigini belledi. Şol bir wagtyň özünde, guramanyň işiniň syýasy, ykdysady we ynsanperwerlik ölçeglerindäki maksatlary we wezipeleri, Türkmenistanda we Merkezi Aziýa sebitinde durmuşa geçirilýän taslamalary we maksatnamalary kesgitlemekde Türkmenistan üçin ileri tutulýan ugurlardyr.
Soňky wagtlarda Türkmenistan bilen ÝHHG-niň arasynda energetika we ekologiýa howpsuzlygy, ulag arabaglanyşygy ýaly möhüm ugurlarda hyzmatdaşlygyň yzygiderli ösýändigi kanagatlanma bilen bellendi.
Baş sekretar, Türkmenistanyň Bitaraplyk syýasatynyň sebitde we dünýäde parahatçylygy, howpsuzlygy we durnukly ösüşi üpjün etmekdäki ornuny belläp geçdi. Hususan-da, Türkmenistanyň ÝHHG-niň ileri tutulýan ugurlary bilen baglanyşykly energetika we ekologiýa howpsuzlygy, durnukly ulag we suw diplomatiýasy babatdaky başlangyçlarynyň ähmiýeti görkezildi.
Söhbetdeşlikde W.Hajiýew Türkmenistanyň Hazar deňzi sebitinde "ýaşyl" portlaryň ösdürilmegini we özara baglanyşygy, sanlylaşdyrmagy, söwda amallaryny ýeňilleşdirmegi hem-de Merkezi Aziýada we Kawkazda ulag-logistika ugurlaryny goldaýandygyny aýtdy.
ÝHHG-niň Aşgabatdaky merkezi bilen alnyp barylýan bilelikdäki maksatnamalary we taslamalary Türkmenistanda üstünlikli durmuşa geçirmegiň ähmiýetine aýratyn üns berildi.
ÝHHG-niň metbugat gullugynda bellenilişi ýaly, 31-nji maýdan 8-nji iýun aralygynda ÝHHG-niň Baş sekretary Helga Şmid Türkmenistana, Gyrgyzystana we Gazagystana sapar bilen barar we ýokary wezipeli döwlet işgärleri, parlamentariler we raýat jemgyýeti bilen duşuşar.
Russiýanyň, Gazagystanyň we Özbegistanyň «üçtaraplaýyn gaz birleşigi» boýunça beýanaty Türkmenistanda soraglary döredýär
Russiýa Federasiýasynyň DIM-niň wekiliniň Russiýanyň, Gazagystanyň we Özbegistanyň «üçtaraplaýyn gaz birleşigi» boýunça beýanaty türkmen tarapynda birnäçe soraglary döredýär. Bu barada «Türkmengaz» döwlet konserniniň başlygynyň orunbasary Myrat Arçaýew Türkmenistanyň Döwlet habarlar agentligine beren teswirinde aýdylýar. Ol şenbe güni neşir edildi.
Türkmenistan Hazarda ekologiýa howpsuzlygy boýunça Hazarýaka döwletleriniň ýolbaşçylarynyň ýörite sammitini geçirmegi teklip etdi
Türkmenistanyň ýolbaşçylygy derwaýys meseleleri ara alyp maslahatlaşmak we Hazarda ekologiýa howpsuzlygyny üpjün etmek boýunça işleri güýçlendirmek maksady bilen, Hazarýaka döwletleriniň ýolbaşçylarynyň ýörite sammitini geçirmek baradaky başlangyjy beýan etdi.
Türkmenistan Owganystana nobatdaky ynsanperwerlik kömegini iberdi
11-nji sentýabrda türkmen-owgan serhedinde Arkadagyň ak ýoly bilen Serhetabat — Hyrat gaz geçirijisiniň, elektrik, ulag we aragatnaşyk ulgamlarynyň gurluşygyna badalga berilmegi mynasybetli Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň hasabyna goňşy Owganystana ynsanperwerlik kömegi iberildi.
Gurbanguly Berdimuhamedow: Owganystan bilen giň gerimli hyzmatdaşlyk üçin uly mümkinçilikler açylýar
Uly ähmiýetli desgalaryň düýbüniň tutulmagy we ulanmaga berilmegi bilen Türkmenistanyň hem-de Owganystanyň arasynda giň gerimli hyzmatdaşlyk üçin uly mümkinçilikler açylýar. Bu barada türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow energetika, ulag-kommunikasiýa we logistika desgalarynyň açylyş hem-de düýbüni tutmak dabaralaryndaky eden çykyşynda belledi.
Türkmenistan we Gazagystan gaz pudagynda hyzmatdaşlygy berkitmegi meýilleşdirýär
“Türkmengaz” döwlet konserni we Gazagystanyň Energetika ministrligi gaz pudagynda hyzmatdaşlygy berkitmek hakynda Ähtnama gol çekdiler.