Özbegistan Türkmenistandan 5,6 mln tonna benzin, şol sanda ECO-93 benzinini satyn aldy
20:42 03.10.2020 8287
1-nji sentýabrda çenli ýagdaýa görä, Özbegistan Türkmenistandan 5,6 mln litr benzin import etdi, diýip Sputnik Özbegistan neşiri döwletiň statistika baradaky komitetine salgylanyp habar berýär. Özbegistana iberilýän benzin möçberleri boýunça Türkmenistan Gazagystandan we Russiýadan soň üçünji orny eýeleýär.
Neşiriň şeýle hem belleýşi ýaly, şu ýyl Türkmenistandan ECO-93 belgili benzin ilkinji gezek Özbek respublikan haryt-çig mal biržasynda satylyp başlandy. Ony satýan kompaniýa — «ООО Nara-Komfort Servis».
Tebigy gazdan öndürilýän ECO-93 sintetik benzinine bolan isleg dünýäniň beýleki döwletlerinde hem ýokarlanýar. Türkmenistanyň Statistika baradaky döwlet komitetiniň berýän maglumatlaryna görä, şu ýylyň sekiz aýynda daşary ýurtlara ýangyjyň bu görnüşiniň 143 müň tonnadan gowragy eksport edildi. Häzirki wagtda ECO-93 benzini Owganystan, Bolgariýa, Beýik Britaniýa, Gruziýa, Daniýa we Russiýa iberilýär.
Bu önüme islegiň şu derejede ýokary bolmagy onuň ýokary hil görkezijileri bilen düşündirilýär. Şeýlelikde, ECO-93 benzininden yzygiderli peýdalanylan ýagdaýynda hereketlendirijide z garym emele gelýär, onuň ulanyş möhleti bolsa iki esse artýar. EURO-5 ülňülerine laýyk gelýän ECO-93 benzini ulanylanda awtomobiliň tüsse çykarlarynda uglerod oksidiniň derejesi 0,03%-e deň bolýar. Häzirki bellenilen kada bolsa, 0,5%-dan geçmeli däl.
Tebigy gazdan ekologiýa taýdan arassa benziniň önümçiligi Ahal welaýatynda 2019-njy ýylda ulanyşa girizilen täze zawodda amala aşyrylýar. Onuň ýyllyk kuwwaty 600 müň tonna ECO-93 benzinine barabardyr. Geljekde bu gazhimiýa toplumynyň ikinji nobatdakysyny gurmak meýilleşdirilýär, bu hem onuň önümçilik kuwwatlyklaryny düýpli artdyrar. Netijede ýurdumyzyň nebitgaz toplumynyň eksport mümkinçilikleri hem artar.
Türkmenistan we Ýaponiýa ykdysady hyzmatdaşlygy giňeltmegiň meselelerini maslahatlaşdylar
16-njy dekabrda Aşgabatda “Ýyldyz” otelinde Ykdysady hyzmatdaşlyk boýunça türkmen-ýapon komitetiniň 15-nji mejlisi geçirildi.
«Halkara ulag-üstaşyr geçelgeleri: özara baglanyşyklylyk we ösüş» Halkara maslahaty 18-20-nji iýulda geçiriler
18-20-nji iýulda Aşgabatda «Halkara ulag-üstaşyr geçelgeleri: özara baglanyşyklylyk we ösüş» Halkara maslahaty geçiriler. Forumyň maksady pandemiýadan soňky dikeldiş boýunça ileri tutulýan meseleleri maslahatlaşmak, halkara daşamalar ulgamynda täze şertlere uýgunlaşmak we netijeli halkara ulag-üstaşyr geçelgelerini ösdürmek bolup durýar.
Energetika hyzmatdaşlygyny ösdürmek — Azerbaýjanyň wekiliýeti bilen duşuşygyň üns merkezinde
Çarşenbe güni Türkmenistanyň Daşary işler ministrliginiň binasynda wise-premýer, Türkmenistanyň Daşary işler ministri Raşid Meredowyň Aşgabada iş sapary bilen gelen Azerbaýjan Respublikasynyň Ykdysadyýet ministri Mikail Jabbarowyň baştutanlygyndaky wekilýet bilen duşuşygynda energetika ulgamynda ikitaraplaýyn hyzmatdaşlygy ösdürmegiň mümkinçilikleri ara alnyp maslahatlaşyldy. Bu barada Türkmenistanyň daşary syýasat edarasynyň saýty habar berýär.
Türkmenistanyň DIM-niň ýolbaşçysy Eýranyň energetika ministri bilen energetika we gaz pudagynda hyzmatdaşlygy maslahatlaşdy
Türkmenistanyň Daşary işler ministrliginde Raşid Meredow bilen Eýranyň Energetika ministri Abbas Aliabadiniň arasynda geçirilen duşuşykda energetika we gaz pudaklarynda ikitaraplaýyn hyzmatdaşlygyň meseleleri maslahatlaşyldy diýip, türkmen daşary syýasat edarasynyň saýtynda habar berilýär.
Mohammed Barkindo: erkin çykaryş kuwwatlyklary taryhda iň pes ýagdaýda, syýasy çözgütler zerur
Gazylyp alynýan ýangyçdan el çekmäge çagyryşyň netijesinde pudaga doly maýa goýmazlyk zerarly 62 ýyllyk taryhyň dowamynda OPEC ýurtlarynyň erkin çykaryş kuwwatlyklary iň pes ýagdaýda, bazarda nebit ýetmezçiliginiň meselesini çözmek üçin syýasy çözgütler zerur. Bu barada OPEC-iň Baş sekretary Mohammed Barkindo 5-nji iýulda Nigeriýadan geçen maslahatyň açylyşynda eden çykyşynda belledi. Görlüp oturylsa, bu Mohammed Barkindonyň köpçüligiň öňünde iň soňky çykyşy boldy. Ol şol gün gije aradan çykdy.