«Gazprom»: ýylyň jemi boýunça tebigy gazyň ortaça eksport bahasy 130 amerikan dollaryna golaýlar
19:19 01.10.2020 9221
Ýewropada tebigy gazyň bahalarynyň ýokarlanmagynyň netijesinde «Gazprom» şu ýylyň jemleri boýunça onuň ortaça eksport bahasyny 1 müň kub metrine 120-130 amerikan dollary möçberinde bolmagyny çaklaýar. TASS agentliginiň belleýşi ýaly, bu barada «Gazprom eksportyň» şertnamalary düzgünleşdiriş we nyrh çykaryş müdirliginiň başlygy Sergeý Komlew nebitgaz toplumynyň geljegi barada onlaýn gepleşikleriň dowamynda aýtdy.
«Biz 2020-nji ýylda ortaça bahanyň bir müň kub metriň 120-130 amerikan dollaryna deň boljakdygy baradaky çaklamamyzy tassyklaýarys. Kä ýerlerde baha ABŞ-nyň 130 dollaryna golaý barar» - diýip ol aýtdy.
Şol bir wagtda, Komlewiň sözlerine görä, kompaniýa ýylyň ahyryna çenli eksport boýunça meýilnamalaryny 170 mlrd kub metr gazdan az bolmadyk derejede saklaýar.
Gazyň bahalarynyň dessine ýokarlanmagyna geçen hepdäniň ahyrynda Ýewropa aralaşan ilkinji güýz sowugy täsir etdi. Üstesine, ýylyň bu möwsümi üçin adatdakysyndan has pes temperaturaly howa. Interfaksyň maglumatlaryna görä, görkezijileriň häzirki ýeten derejesi 2019-njy ýylyň dekabr aýynyň başyndan bäri iň ýokary dereje bolup durýar. 21-nji maýda hasaba alnan bir müň kub metri üçin taryhy minimum bolan 34 dollarlygyndan, «mawy ýangyjyň» bahasy 4,4 esse ýokarlandy.
Bu depgin Merkezi Aziýa sebitinden, şol sanda Türkmenistandan tebigy gaz eksportçylary üçin hem amatlydyr. Mundan öň, käbir rus bilermenleri maýyl gyş zerarly Ýewropada gazyň bahalarynyň arzanlamagy hem-de Ýewropa bazarlarynda suwuklandyrylan tebigy gazyň agdyklyk etmegi «Gazproma» Merkezi Aziýa ýurtlaryndan «mawy ýangyç» almasyny azaltmaga ýa-da el çekmäge mejbur eder diýip belleýärdiler.
2021-nji ýylda «Gazprom» Türkmenistandan 10,6 mlrd kub metr gaz satyn aldy
2021-nji ýylda «Gazprom» Türkmenistandan 10,6 mlrd kub metr gaz satyn aldy. Bu barada Türkmenistanyň Prezidentiniň Russiýa Federasiýasynyň Prezidenti bilen duşuşygyna taýýarlanylan materiallarda aýdylýar. Duşuşyk 15-16-njy sentýabrda Samarkandda ŞHG sammitiniň çäklerinde meýilleşdirildi diýip, RIA Nowosti ýazýar.
Türkmenistanyň Prezidentiniň Ýaponiýa saparynyň jemleri boýunça resminamalaryň toplumyna gol çekildi
Prezident Serdar Berdimuhamedowyň Ýaponiýa amala aşyran saparynyň jemleri boýunça hyzmatdaşlyk hakynda resminamalaryň toplumyna gol çekildi. 15-nji aprelde Serdar Berdimuhamedowyň ýapon işewürleri bilen geçiren duşuşygynyň jemleri boýunça ikitaraplaýyn resminamalara gol çekmek dabarasy boldy diýip, TDH habar berýär.
Türkmenistanyň Prezidenti Saud Arabystanynyň täze ilçisi bilen hyzmatdaşlygyň ileri tutulýan ugurlaryny maslahatlaşdy
17-nji aprelde Prezident Serdar Berdimuhamedow Saud Arabystany Patyşalygynyň Türkmenistanda täze bellenen Adatdan daşary we Doly ygtyýarly ilçisi Amer bin Ali Al-Şehrini kabul etdi. Ol döwlet Baştutanymyza ynanç hatyny gowşurdy diýip, TDH habar berýär.
Kuala-Lumpur TEIF 2025 halkara maýa goýum forumyny geçirmäge taýýarlyk görýär
2025-nji ýylyň 23–24-nji aprelinde Malaýziýanyň Kuala-Lumpur şäherinde geçiriljek “TEIF 2025” Türkmenistanyň halkara maýa goýum forumynyň açylmagyna az wagt galdy. Forumyň Guramaçylyk toparynyň habar bermegine görä, bu möhüm waka gatnaşmak üçin hasaba alyş eýýäm tamamlandy. Foruma jemi 42 ýurtdan 355-den gowrak wekil gatnaşar.
Türkmenistanyň we Russiýanyň Prezidentleri ŞHG-niň sammtiniň çäklerinde ikitaraplaýyn duşuşyk geçirerler
Türkmenistanyň Prezidenti Serdar Berdimuhamedow we Russiýa Federasiýasynyň Prezidenti Wladimir Putin Şanhaý Hyzmatdaşlyk Guramasynyň çäklerinde ikitaraplaýyn duşuşyk geçirerler. Bu barada Russiýanyň öňdebaryjy habarlar agentlikleri RF-niň Prezidentiniň halkara işleri boýunça kömekçisi Ýuriý Uşakowa salgylanyp habar berýär.