Dubaýda OGT-2023 Maýa goýum forumyna taýýarlyk işleri tamamlanyp barýar
17:26 25.04.2023 5985
Şu gün, Birleşen Arap Emirlikleriniň iri şäheri Dubaýda Hyatt Regency Creek Heights myhmanhanasynda Türkmenistanyň energetika pudagyna daşary ýurt maýa goýumlaryny çekmek boýunça 26-njy aprelde geçiriljek Halkara forumynyň wekillerini hasaba almak çäresi geçirilýär.
Türkmen wekiliýetiniň ýolbaşçysy — Türkmenistanyň Ministrler Kabinetiniň Başlygynyň orunbasary Aşyrguly Begliýew edaralaryň we kompaniýalaryň ýolbaşçylary bilen geçirilen duşuşykda Dubaýda maýa goýum forumyna taýýarlyk we netijeli geçirmek meselelerini maslahatlaşdy.
Hökümet mejlisiniň barşynda Prezident Serdar Berdimuhamedowyň belleýşi ýaly, aprel aýynda Dubaýda geçiriljek halkara maýa goýum forumyny ýokary derejede taýýarlamak we geçirmek möhümdir.
Forumyň işi 26-njy aprelde irden umumy mejlisden başlar. Çykyş edýänleriň hatarynda — Türkmenistanyň ýangyç-energetika toplumynyň ýolbaşçylary we halkara nebitgaz bazarynyň iri wekilleri bar.
Dubaýdaky forumyň gün tertibine tebigy serişdeleri netijeli peýdalanmak, energetika bazarlaryny ösdürmek, Hazar deňziniň türkmen kenaryndaky deňiz bloklaryny özleşdirmek boýunça taslamalara daşary ýurt kapitalyny çekmek, Galkynyş gaz känini işläp taýýarlamagy dowam etmek meseleleri girizildi.
Sişenbe güni, maýa goýum forumynyň öňýanynda diňe bir Dubaýyň däl, eýsem, dünýäniň iň özboluşly ýerlerine iş saparlary meýilleşdirildi. Bu — dünýäde iň iri elektrik bekedi bolan Gün energetikasy seýilgähi. Ol Gün şöhlesini özleşdirmegiň netijesinde işleýär. Garaşylyşy ýaly, 2030-njy ýylda taslama tamamlanandan soň, bu ýerde ýylda 5 müň MWt elektrik energiýasy işlenip taýýarlanar, bu 2050-nji ýyla çenli Dubaýa arassa çeşmelerden 75% energiýa almaga mümkinçilik berer. Şeýle hem Geljegiň muzeýine baryp görmek meýilleşdirildi.
Türkmenistanyň we Russiýanyň Prezidentleri ŞHG-niň sammtiniň çäklerinde ikitaraplaýyn duşuşyk geçirerler
Türkmenistanyň Prezidenti Serdar Berdimuhamedow we Russiýa Federasiýasynyň Prezidenti Wladimir Putin Şanhaý Hyzmatdaşlyk Guramasynyň çäklerinde ikitaraplaýyn duşuşyk geçirerler. Bu barada Russiýanyň öňdebaryjy habarlar agentlikleri RF-niň Prezidentiniň halkara işleri boýunça kömekçisi Ýuriý Uşakowa salgylanyp habar berýär.
Türkmenistanyň Prezidenti Saud Arabystanynyň täze ilçisi bilen hyzmatdaşlygyň ileri tutulýan ugurlaryny maslahatlaşdy
17-nji aprelde Prezident Serdar Berdimuhamedow Saud Arabystany Patyşalygynyň Türkmenistanda täze bellenen Adatdan daşary we Doly ygtyýarly ilçisi Amer bin Ali Al-Şehrini kabul etdi. Ol döwlet Baştutanymyza ynanç hatyny gowşurdy diýip, TDH habar berýär.
2021-nji ýylda «Gazprom» Türkmenistandan 10,6 mlrd kub metr gaz satyn aldy
2021-nji ýylda «Gazprom» Türkmenistandan 10,6 mlrd kub metr gaz satyn aldy. Bu barada Türkmenistanyň Prezidentiniň Russiýa Federasiýasynyň Prezidenti bilen duşuşygyna taýýarlanylan materiallarda aýdylýar. Duşuşyk 15-16-njy sentýabrda Samarkandda ŞHG sammitiniň çäklerinde meýilleşdirildi diýip, RIA Nowosti ýazýar.
Türkmenistanyň Prezidentiniň Ýaponiýa saparynyň jemleri boýunça resminamalaryň toplumyna gol çekildi
Prezident Serdar Berdimuhamedowyň Ýaponiýa amala aşyran saparynyň jemleri boýunça hyzmatdaşlyk hakynda resminamalaryň toplumyna gol çekildi. 15-nji aprelde Serdar Berdimuhamedowyň ýapon işewürleri bilen geçiren duşuşygynyň jemleri boýunça ikitaraplaýyn resminamalara gol çekmek dabarasy boldy diýip, TDH habar berýär.
Prezident Serdar Berdimuhamedow ŞHG sammitine gatnaşmak üçin Özbegistana bardy
15-nji sentýabrda irden Türkmenistanyň Prezidenti Serdar Berdimuhamedow Şanhaý Hyzmatdaşlyk Guramasyna agza döwletleriň Baştutanlarynyň Geňeşine hormatly myhman hökmünde gatnaşmak maksady bilen, Özbegistan Respublikasynyň Samarkant şäherine iş sapary bilen bardy. Sammit 15-16-njy sentýabrda geçiriler.