Iki palataly Parlament — Türkmenistanyň Milli Geňeşi döredildi
13:52 28.09.2020 10530
Şu gün Prezident Gurbanguly Berdimuhamedow «Türkmenistanyň Konstitusiýasyna üýtgetmeleri we goşmaçalary girizmek hakynda» Konstitusion Kanuna gol çekdi. Resminama ýurdumyzda iki palataly Parlamenti döretmekligi göz öňünde tutýar.
Döwlet Baştutany Halk Maslahatynyň we Mejlisiň deputatlary bu resminamany makullanyndan soň, oňa gol çekdi.
Türkmen Lideriniň nygtaýşy ýaly, Türkmenistanyň Konstitusion Kanunynyň kabul edilmegi ýurdumyzyň mundan beýläkki ösüşine täzeçe itergi berjek ägirt uly taryhy wakadyr.
— Biz Konstitusion Kanunyň kabul edilmegini ýurdumyzyň demokratiýalaşdyrylmagynda ýene-de bir möhüm ädim hasaplaýarys. Men Türkmenistanyň Milli Geňeşiniň halkymyzy birleşdirýän we täze belentliklere ugrukdyrýan umumymilli wekilçilikli edara öwrüljekdigine pugta ynanýaryn – diýip Gurbanguly Berdimuhamedow belledi.
— Biziň maksadymyz — gadyrdan halkymyzyň bagtyýar durmuşyny üpjün etmekdir. Şunuň hatyrasyna biz durmuş syýasatymyzy mundan beýläk hem dowam ederis. Aýlyk zähmet haklaryny we pensiýalary yzygiderli artdyrarys. Ykdysadyýetimiziň ösüşini tizleşdirmek, ýurdumyzyň dünýädäki abraýyny ýokarlandyrmak üçin ähli tagallalary ederis – diýip Prezident belledi.
Biziň ileri tutýan wezipelerimiz, içeri syýasatymyz we daşary syýasat ugrumyz üýtgewsiz galar — diýip türkmen Lideri nygtady.
2021-nji ýylda «Gazprom» Türkmenistandan 10,6 mlrd kub metr gaz satyn aldy
2021-nji ýylda «Gazprom» Türkmenistandan 10,6 mlrd kub metr gaz satyn aldy. Bu barada Türkmenistanyň Prezidentiniň Russiýa Federasiýasynyň Prezidenti bilen duşuşygyna taýýarlanylan materiallarda aýdylýar. Duşuşyk 15-16-njy sentýabrda Samarkandda ŞHG sammitiniň çäklerinde meýilleşdirildi diýip, RIA Nowosti ýazýar.
Türkmenistanyň Prezidentiniň Ýaponiýa saparynyň jemleri boýunça resminamalaryň toplumyna gol çekildi
Prezident Serdar Berdimuhamedowyň Ýaponiýa amala aşyran saparynyň jemleri boýunça hyzmatdaşlyk hakynda resminamalaryň toplumyna gol çekildi. 15-nji aprelde Serdar Berdimuhamedowyň ýapon işewürleri bilen geçiren duşuşygynyň jemleri boýunça ikitaraplaýyn resminamalara gol çekmek dabarasy boldy diýip, TDH habar berýär.
Türkmenistanyň Prezidenti Saud Arabystanynyň täze ilçisi bilen hyzmatdaşlygyň ileri tutulýan ugurlaryny maslahatlaşdy
17-nji aprelde Prezident Serdar Berdimuhamedow Saud Arabystany Patyşalygynyň Türkmenistanda täze bellenen Adatdan daşary we Doly ygtyýarly ilçisi Amer bin Ali Al-Şehrini kabul etdi. Ol döwlet Baştutanymyza ynanç hatyny gowşurdy diýip, TDH habar berýär.
Kuala-Lumpur TEIF 2025 halkara maýa goýum forumyny geçirmäge taýýarlyk görýär
2025-nji ýylyň 23–24-nji aprelinde Malaýziýanyň Kuala-Lumpur şäherinde geçiriljek “TEIF 2025” Türkmenistanyň halkara maýa goýum forumynyň açylmagyna az wagt galdy. Forumyň Guramaçylyk toparynyň habar bermegine görä, bu möhüm waka gatnaşmak üçin hasaba alyş eýýäm tamamlandy. Foruma jemi 42 ýurtdan 355-den gowrak wekil gatnaşar.
Türkmenistanyň we Russiýanyň Prezidentleri ŞHG-niň sammtiniň çäklerinde ikitaraplaýyn duşuşyk geçirerler
Türkmenistanyň Prezidenti Serdar Berdimuhamedow we Russiýa Federasiýasynyň Prezidenti Wladimir Putin Şanhaý Hyzmatdaşlyk Guramasynyň çäklerinde ikitaraplaýyn duşuşyk geçirerler. Bu barada Russiýanyň öňdebaryjy habarlar agentlikleri RF-niň Prezidentiniň halkara işleri boýunça kömekçisi Ýuriý Uşakowa salgylanyp habar berýär.