«Gumdagnebit» müdirligi ýanwar-fewral aýlarynda önümiň çykalyş depginini düýpli artdyrdy
09:27 31.03.2023 4779
«Türkmennebit» döwlet konserniniň «Gumdagnebit» nebitgazçykaryş müdirligi 2023-nji ýylyň ýanwar-fewral aýlarynda hereket edýän guýulardan 91 müň tonna nebitiň çykarylmagyny üpjün etdi. Şol bir wagtda hasabat döwründe meýilnama 112 göterim ýerine ýetirildi. Geçen ýylyň degişli döwri bilen deňeşdirilende ösüş depgini 124 göterime deň boldy.
Bu görkezijiler tutuş konsern boýunça meýilnamany ýerine ýetirmekde iň ýokary görkeziji bolup durýar.
Ençeme ýylyň dowamynda «Gumdagnebit» müdirligi geljegi uly kän bolan «Uzynada» känini işläp taýýarlamaklygy dowam edýär. Diňe soňky wagtlardan burawlanan aşa çuňlukdaky guýulardan gymmatly uglewodorod çig maly alynýar.
Hünärmenler hereket edýän guýulardan çig maly netijeli çykarmak meselesine aýratyn üns berýärler. Guýularyň her biriniň öndürijiligini ýokarlandyrmak üçin düzülen geologo-tehniki meýilnamalar dolulygyna ýerine ýetirilýär.
Nebitiň we gazyň çykarylyşyny artdyrmak, olaryň gaýtadan işlenilişini we ýokary hilli harytlyk önümleriň önümçiligini ýokarlandyrmak, döwrebap tehnologiýalary ornaşdyrmak meseleleri döwletiň hemişe üns merkezinde saklanýar.
Prezident Serdar Berdimuhamedowyň yzygiderli goldawy işleriň netijeli bolmagyna ýardam edýär. Geologlaryň tekliplerine görä, müdirligiň garamagynda bolan känlerde «gara altynyň» düýpli ätiýaçlyklary bar. Geljekde has çuň guýulary burawlamak meýilleşdirilýär.
Öňde goýlan maksatlaryň üstünlikli durmuşa geçirilmegi Müdirlige täze sepgitlere ýetmäge giň mümkinçilikleri berer. Gumdagly nebitçiler şu ýyly ýokary ykdysady görkezijiler bilen jemlemegi meýilleşdirýärler.
Türkmenistanyň we Russiýanyň Prezidentleri ŞHG-niň sammtiniň çäklerinde ikitaraplaýyn duşuşyk geçirerler
Türkmenistanyň Prezidenti Serdar Berdimuhamedow we Russiýa Federasiýasynyň Prezidenti Wladimir Putin Şanhaý Hyzmatdaşlyk Guramasynyň çäklerinde ikitaraplaýyn duşuşyk geçirerler. Bu barada Russiýanyň öňdebaryjy habarlar agentlikleri RF-niň Prezidentiniň halkara işleri boýunça kömekçisi Ýuriý Uşakowa salgylanyp habar berýär.
Türkmenistanyň Prezidenti Saud Arabystanynyň täze ilçisi bilen hyzmatdaşlygyň ileri tutulýan ugurlaryny maslahatlaşdy
17-nji aprelde Prezident Serdar Berdimuhamedow Saud Arabystany Patyşalygynyň Türkmenistanda täze bellenen Adatdan daşary we Doly ygtyýarly ilçisi Amer bin Ali Al-Şehrini kabul etdi. Ol döwlet Baştutanymyza ynanç hatyny gowşurdy diýip, TDH habar berýär.
2021-nji ýylda «Gazprom» Türkmenistandan 10,6 mlrd kub metr gaz satyn aldy
2021-nji ýylda «Gazprom» Türkmenistandan 10,6 mlrd kub metr gaz satyn aldy. Bu barada Türkmenistanyň Prezidentiniň Russiýa Federasiýasynyň Prezidenti bilen duşuşygyna taýýarlanylan materiallarda aýdylýar. Duşuşyk 15-16-njy sentýabrda Samarkandda ŞHG sammitiniň çäklerinde meýilleşdirildi diýip, RIA Nowosti ýazýar.
Türkmenistanyň Prezidentiniň Ýaponiýa saparynyň jemleri boýunça resminamalaryň toplumyna gol çekildi
Prezident Serdar Berdimuhamedowyň Ýaponiýa amala aşyran saparynyň jemleri boýunça hyzmatdaşlyk hakynda resminamalaryň toplumyna gol çekildi. 15-nji aprelde Serdar Berdimuhamedowyň ýapon işewürleri bilen geçiren duşuşygynyň jemleri boýunça ikitaraplaýyn resminamalara gol çekmek dabarasy boldy diýip, TDH habar berýär.
Prezident Serdar Berdimuhamedow ŞHG sammitine gatnaşmak üçin Özbegistana bardy
15-nji sentýabrda irden Türkmenistanyň Prezidenti Serdar Berdimuhamedow Şanhaý Hyzmatdaşlyk Guramasyna agza döwletleriň Baştutanlarynyň Geňeşine hormatly myhman hökmünde gatnaşmak maksady bilen, Özbegistan Respublikasynyň Samarkant şäherine iş sapary bilen bardy. Sammit 15-16-njy sentýabrda geçiriler.