Türkmen nebitçileri 8 aýyň jemleri boýunça uglewodorodlaryň çykarylyşyny artmagyny üpjün etdiler
15:00 24.09.2020 8195
«Türkmengaz» döwlet konserni nebit känleriniň ulanylyşynyň öndürijiligini ýokarlandyrmak, geljegi uly täze känleri gözlemek we derňemek, olary özleşdirmek we çykarylýan çig malyň möçberlerini artdyrmak boýunça işleri alyp barýar.
Şu ýylyň sekiz aýynda konsern boýunça «gara altynyň» çykarylyşy 2 mln 617 müň tonna barabar boldy, geçen ýylyň degişli döwri bilen deňeşdirilende ösüş 106,2%-e deň boldy. Tebigy gazyň çykarylýan möçberleri geçen ýylyň degişli döwri bilen deňeşdirilende 415 mln kub metr artdy.
Bu netijeler alymlaryň, geologlaryň, önümçilik inžinerleriň we kärhananyň beýleki hünärmenleriniň tejribesiniň hem-de hünär başarnyklarynyň hasabyna gazanyldy. Hasabat döwründe «Türkmennebit» döwlet konserniniň «Galkynyşnebit», «Keýmir», «Gumdagnebit» nebit müdirlikleri önümçilikde häzirki zaman tehnikalaryndan we tehnologiýalaryndan peýdalanyp, uglewodorod çig malynyň çykarylyşyny artdyryp, öňde goýlan wezipeleri üstünlikli berjaý etdiler.
«Nebitdag», «Körpeje», «Ekerem» we beýleki müdirlikleriň burawçylary hem uly zähmet üstünliklerini gazandylar. Hasabat döwründe dag jynslaryny geçmek işi 146 müň 527 metr ýerine ýetirildi. Geçen ýylyň degişli döwri bilen deňeşdirilende bu görkeziji üç esse artdy.
«Nebitgazçykaryş» trestiniň işgärleri hem guýularyň köp mukdarynda düýpli abatlaýyş işlerini ýerine ýetirip, ýokary önümçilik görkezijilerini gazandylar. Şol guýularyň 347-si gaýtadan ulanyşa girizildi. Gaýtadan dikeldilen guýularyň netijeliliginiň ýokarlanmagynyň hasabyna meýilleşdirilen 134,2 tonna derek, 138 müň tonna goşmaça nebit çykaryldy.
Öňdebaryjy tehnologiýalaryň peýdalanylmagy we innowasion enjamlaryň ornaşdyrylmagy Türkmenistanyň nebitçilerine hil taýdan täze derejä çykmaga mümkinçilik berdi.
Türkmenistanyň Prezidenti ŞHG agza döwletler bilen gatnaşyklaryň ugurlaryny kesgitledi
Prezident Serdar Berdimuhamedow sişenbe güni sanly ulgam arkaly geçirilen Şanhaý Hyzmatdaşlyk Guramasyna (ŞHG) agza döwletleriň Baştutanlarynyň Geňeşiniň 23-nji mejlisinde eden çykyşynda işleriň birnäçe anyk ugurlaryna üns bermegi teklip etdi.
Täze kitabyň tanyşdyrylyş dabarasy geçirildi
Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynda Türkmen döwlet neşirýat gullugy tarapyndan neşir edilen «Arkadag şäheri — geljegiň şäheri» atly kitabyň tanyşdyrylyş dabarasy geçirildi.
OGT 2024 29-njy Halkara maslahatyna we sergisine gatnaşyjylary bellige almak başlandy
“Türkmenistanyň nebiti we gazy” atly 29-njy Halkara maslahatyna we sergisine (OGT 2024) gatnaşyjylary bellige almak başlandy, forum 2024-nji ýylyň 23-25-nji oktýabrynda Aşgabatda geçiriler. Bu giň gerimli çäräni «Türkmengaz» we «Türkmennebit» döwlet konsernleri hem-de Türkmenistanyň Söwda-senagat edarasy bilelikde guraýarlar.
Demokratiýanyň milli nusgasy dabaralanýar
Ýurdumyzyň nebitgaz toplumynyň merkezi edara binasynda ,,Halk Maslahaty – demokratiýanyň milli nusgasy’’ atly maslahat geçirildi.
Prezident Türkmenistanyň diplomatlaryny energetika we beýleki ulgamlarda iri halkara taslamalary durmuşa geçirmäge ýardam etmäge çagyrdy
Anna güni Prezident Gurbanguly Berdimuhamedow Türkmenistanyň diplomatik gullugynyň işgärlerini hünär baýramçylygy bilen gutlady. Her ýylyň 18-nji fewralynda bellenilip geçilýän baýramçylyk mynasybetli iberen gutlagynda döwlet Baştutany «Garaşsyz, Bitarap Türkmenistanyň milli bähbitlerini halkara gatnaşyklar ulgamynda mynasyp üpjün edýän we goraýan ýurdumyzyň diplomatik gullugynyň işgärleri öňde goýlan belent wezipeleri talabalaýyk ýerine ýetirmek ugrunda ýadawsyz we döredijilikli zähmet çekýärler» diýip belleýär.