Gurbanguly Berdimuhamedow Suga Ýosihideni Ýaponiýanyň Premýer-ministri wezipesine saýlanmagy mynasybetli gutlady
14:44 18.09.2020 5414
Türkmenistanyň Prezidenti Gurbanguly Berdimuhamedow Suga Ýosihide Ýaponiýanyň Premýer-ministri wezipesine saýlanmagy mynasybetli ýürekden gutlaglaryny we iň gowy arzuwlaryny iberdi.
«Siziň ýolbaşçylygyňyzda Ýaponiýanyň syýasy we durmuş-ykdysady ösüşlerde täze sepgitlere ýetjekdigine, şeýle hem halkara giňişlikde öz at-abraýyny has-da berkitjekdigine ynanýaryn” diýip, türkmen Lideri öz hatynda nygtady.
Türkmenistanyň Prezidenti biziň döwletlerimiziň arasyndaky ikitaraplaýyn gatnaşyklaryň häzirki ýokary derejesini belläp, soňky ýyllarda üstünlikli özara bähbitli hyzmatdaşlygyň hil taýdan täze derejä çykandygyny aýratyn nygtady.
«Häzirki wagtda biziň ýurtlarymyz has giň ugurlar boýunça üstünlikli hyzmatdaşlyk edýärler. Strategik häsiýete eýe bolan türkmen-ýapon gatnaşyklarynyň biziň bilelikdäki tagallalarymyzyň netijesinde halklarymyzyň bähbidine mundan beýläk-de depginli ösdüriljekdigine we çuňlaşdyryljakdygyna berk ynanýaryn» diýlip, hatda aýdylýar.
Belläp geçsek, türkmen-ýapon hyzmatdaşlygynyň ileri tutulýan ugurlarynyň biri hem nebitgaz toplumydyr. Ýapon kompaniýalary ýurdumyzda uglewodorodlary gaýtadan işlemek hem-de nebit we gazhimiýanyň taýýar önümlerini öndürmek boýunça iri kärhanalary gurmak boýunça taslamalary durmuşa geçirmäge gatnaşdy.
Olaryň hatarynda — tebigy gazy gaýtadan işlemek hem-de ЕСО-93 ekologiýa taýdan arassa sintetik benzini öndürmek boýunça iri gaz himiýa toplumy bar. Ol 2019-njy ýylyň iýun aýynda Ahal welaýatynda işe girizildi. Bu taslama «Türkmengaz» döwlet konserniniň «Kawasaki Heavy Industries Ltd.» (Ýaponiýa) we «Rönesans Endüstri Tesisleri Inşaat Sanaýi ve Ticaret A.Ş.» (Türkiýe) kompaniýalarynyň konsorsiumynyň bilelikdäki tagallalary bilen guruldy.
Şu ýylyň awgustynyň ahyrynda «Türkmengaz» DK-nyň hem-de “Kawasaki Heavy Industries Ltd.” kompaniýasynyň ýolbaşçylarynyň geçiren duşuşygynda nebitgaz ulgamynda täze maýa goýum taslamalaryny durmuşa geçirmek boýunça özara bähbitli hyzmatdaşlygy işjeňleşdirmegiň mümkinçilikleri ara alnyp maslahatlaşyldy.
Türkmenistanyň Prezidenti nebitgaz toplumyna daşary ýurt maýalaryny çekmegi dowam etmegi tabşyrdy
Geçen penşenbe güni Prezident Serdar Berdimuhamedow sanly ulgam arkaly Ministrler Kabinetiniň mejlisini geçirdi. Mejlisiň dowamynda döwlet durmuşyna degişli wajyp meselelere we milli ykdysadyýetimiziň binýatlyk pudaklarynyň mundan beýläk-de ösdürilmegine gönükdirilen resminamalaryň taslamalaryna garaldy.
«Russia Halal Expo» sergisinde Türkmenistanyň milli pawilýony türkmen-russiýa hyzmatdaşlygyny ösdürmek üçin uly mümkinçilikleri görkezdi
Türkmenistanyň Halk Maslahatynyň Başlygy Gurbanguly Berdimuhamedow we Tatarystan Respublikasynyň Baştutany Rustam Minnihanow Russiýa we yslam dünýäsiniň ýurtlary bilen özara bähbitli hyzmatdaşlygy mundan beýläk-de ösdürmek, diwersifikasiýalaşdyrmak üçin ägirt uly kuwwatyň bardygyny bellediler diýip, TDH habar berýär.
Türkmenistanyň wekiliýeti Kazanda hyzmatdaşlygy giňeltmegiň mümkinçiliklerini maslahatlaşdy
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň Russiýa Federasiýasynyň Tatarystan Respublikasyna iş saparynyň çäklerinde ýurdumyzyň wekiliýetiniň agzalarynyň geçiren duşuşyklarynda hyzmatdaşlygy mundan beýläk-de giňeltmegiň mümkinçilikleri ara alnyp maslahatlaşyldy diýip, TDH habar berýär.
Halkara taslamalarynyň durmuşa geçirilmegi Owganystan bilen gatnaşyklary işjeňleşdirmekde aýratyn orna eýedir
Owganystan bilen hyzmatdaşlygy işjeňleşdirmekde bu ýurduň gatnaşmagynda halkara infrastruktura taslamalarynyň durmuşa geçirilmegi aýratyn orna eýedir. Bu barada Türkmenistanyň DIM-niň ýolbaşçysy R.Meredow HHR-niň Tunsi şäherinde Owganystan bilen goňşy ýurtlaryň Ministrler derejesindäki üçünji maslahatynda eden çykyşynda belledi.
Türkmenistan bilen Russiýanyň özara haryt dolanyşygy 2023-nji ýylda 13% ýokarlandy
2023-nji ýylyň jemleri boýunça Russiýa bilen Türkmenistanyň özara haryt dolanyşygy fiziki aňlatmada 13% artyp, 678 million tonna barabar boldy. Bu barada Türkmenistanyň Halk Maslahatynyň Başlygy Gurbanguly Berdimuhamedowyň RF-niň Hökümetiniň Başlygynyň orunbasary Marat Husnullin blen duşuşygynda aýdyldy diýip, Türkmenistan Habarlar portaly habar berdi.