HNGU-da sanly bilimi ornaşdyrmagyň meseleleri maslahatlaşyldy
08:32 18.09.2020 7361
Halkara nebit we gaz uniwersitetinde ýurdumyzyň geljekki ösüşlerinden ugur alyp, ýokary hünär taýýarlykly inžiner hem-de tehniki hünärmenleri taýýarlamak mowzugyna bagyşlanan ylmy-amaly maslahat geçirildi. Alty sany mowzuklaýyn bölümçelerde ýokary okuw mekdebiniň professor-mugallymlar hem-de talyplar düzüminden 170 golaý çykyş diňlenildi.
Çykyş edenleriň belleýşi ýaly, bu günki gün Türkmenistanda ýaşlaryň döwrebap bilim almagyna we ýokary hünär taýýarlykly hünärmenleri taýýarlamaga ähli şertler döredildi. ýokary okuw mekdeplerinde hünärmenleriň, professor-mugallymlaryň, şeýle hem talyplaryň tagallalary bilen sanly bilimiň tor üpjünçiliginiň maksatnamasy taýýarlanyldy.
Sanly tehnologiýalary ornaşdyrmagyň hasabyna, ýokary okuw mekdebinde daşary ýurtly hyzmatdaşlaryň gatnaşmagynda yzygiderli ýagdaýda uzak aralykdan umumy okuwlar we wideomaslahatlar geçirilýär. Sanly bilimiň ornaşdyrylmagy adam maýasyny ösdürmäge we ýurduň ykdysadyýetine innowasion serişdeleri çekmäge mümkinçilik berer.
TDHÇMB-niň söwdalarynda daşary ýurt puluna «Türkmennebit» we «Türkmenhimiýa» DK-nyň önümleri ýerlenildi
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 14-si hasaba alyndy.
Russiýa Türkmenistanyň esasy söwda hyzmatdaşlarynyň biri bolup durýar
Russiýa Türkmenistanyň esasy söwda hyzmatdaşlarynyň biri bolmagynda galýar – ýurtlaryň arasyndaky ýyllyk haryt dolanyşygy 1,6 milliard dollardan geçýär. Bu barada Türkmenistanyň Ministrler Kabinetiniň Başlygynyň orunbasary Hojamyrat Geldimyradow 11-nji iýunda Russiýa Federasiýasynyň ilçihanasy tarapyndan “Ýyldyz” myhmanhanasynda guralan Russiýa gününiň hormatyna geçirilen resmi kabul edilişlikde aýtdy. Bu barada Türkmenistanyň Telewideniýe, radiogepleşikler we kinematografiýa baradaky döwlet komitetiniň Habarlar portaly habar berýär.
Türkmenistanyň wekiliýeti Daşkent halkara maýa goýum forumyna gatnaşdy
Türkmenistanyň Ministrler Kabinetiniň Başlygynyň orunbasary N.Atagulyýewiň ýolbaşçylygynda türkmen wekiliýeti 9-11-nji iýuny aralygynda IV Daşkent halkara maýa goýum forumyna gatnaşdy diýip, Türkmenistanyň DIM-niň saýtynda habar berilýär.
Türkmenistanyň Prezidenti alymlary we Halkara ylmy maslahata gatnaşyjylary gutlady
12-nji iýunda Türkmenistanda Ylymlar güni bellenilip geçilýär. Şunuň bilen baglylykda, Prezident Serdar Berdimuhamedow Türkmenistanyň ylmy jemgyýetçiligine hem-de «Berkarar döwletiň täze eýýamynyň Galkynyşy döwründe ylym, tehnika we innowasion tehnologiýalar» halkara ylmy maslahata gatnaşyjylara gutlag iberdi.
Hökümet mejlisinde TNGIZT-niň işini döwrebaplaşdyrmagyň meseleleri maslahatlaşyldy
13-nji iýunda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda döwlet durmuşyna degişli birnäçe meselelere garaldy diýip, TDH habar berýär.