Ikinji Hazar Ykdysady forumy 2021-nji ýylda Moskwada geçiriler
08:33 18.09.2020 9345
Ikinji Hazar ykdysady forumy 2021-nji ýylda Moskwada geçiriler. Bu barada Gazagystanyň Daşary işler ministri Muhtar Tleuberdi bilen geçirilen gepleşiklerden soň, Russiýanyň Daşary işler ministri Sergeý Lawrow mälim etdi.
Lawrowyň bellemegine görä, şol bir wagtyň özünde-de, altynjy Hazar sammitine taýýarlyk görülýär. Ýokary derejede geçiriljek bu duşuşykda resminamalaryň toplumyna gol çekilmegine garaşylýar.
Ministriň belleýşi ýaly, Russiýa we Gazagystan «Hazar bäşligi» düzüminde özara gatnaşyklary berkitmegi dowam etmegi zerurlygy babatda bir pikirdedirler. «Hazar sebitinde howpsuzlygy, ulaglaryň baglanyşyklylygyny, daşky gurşawyň goraglylygyny, syýahatçylygy ösdürmekligi, ylmy aragatnaşyklary ösdürmekligi üpjün etmek boýunça jogapkärçilik bu «bäşlige» degişlidir.
Ýatladyp geçsek, Birinji Hazar ykdysady forumy 2019-njy ýylyň 11-12-nji awgustynda Hazar deňziniň türkmen kenarynda Awaza milli syýahatçylyk zolagynda geçirildi. Oňa hazarýaka döwletleriniň hem-de sebitiň beýleki döwletleriniň Hökümet Baştutanlary, iri daşary ýurt kompaniýalarynyň, banklarynyň, maýa goýum, ylmy gaznalarynyň, bilermenler jemgyýetçiliginiň wekilleri gatnaşdylar. Bu möhüm çäre hazarýaka döwletleriniň özara hyzmatdaşlygyny mundan beýläk hem berkitmekde örän ähmiýetli waka boldy.
Bäşinji Hazar sammiti 2018-nji ýylyň 12-nji awgustynda Aktau (Gazagystan) şäherinde geçdi. Oňa Hazarýaka döwletleriniň Prezidentleri gatnaşdylar. Ýokary derejedäki duşuşygyň esasy wakasy — bäş sany döwletiň Liderleri tarapyndan Hazar deňziniň hukuk derejesi hakyndaky Konwensiýa gol çekilmegi boldy. Bu esas goýujy resminama Hazar deňziniň täze hukuk tertibini düzdi. Ol häzirki zaman talaplaryna laýyk gelýär hem-de kenarýaka döwletleriniň ählitaraplaýyn özara gatnaşyklarynyň mundan beýläk hem işjeňleşdirilmegine gönükdirilendir.
2021-nji ýylda «Gazprom» Türkmenistandan 10,6 mlrd kub metr gaz satyn aldy
2021-nji ýylda «Gazprom» Türkmenistandan 10,6 mlrd kub metr gaz satyn aldy. Bu barada Türkmenistanyň Prezidentiniň Russiýa Federasiýasynyň Prezidenti bilen duşuşygyna taýýarlanylan materiallarda aýdylýar. Duşuşyk 15-16-njy sentýabrda Samarkandda ŞHG sammitiniň çäklerinde meýilleşdirildi diýip, RIA Nowosti ýazýar.
Türkmenistanyň Prezidentiniň Ýaponiýa saparynyň jemleri boýunça resminamalaryň toplumyna gol çekildi
Prezident Serdar Berdimuhamedowyň Ýaponiýa amala aşyran saparynyň jemleri boýunça hyzmatdaşlyk hakynda resminamalaryň toplumyna gol çekildi. 15-nji aprelde Serdar Berdimuhamedowyň ýapon işewürleri bilen geçiren duşuşygynyň jemleri boýunça ikitaraplaýyn resminamalara gol çekmek dabarasy boldy diýip, TDH habar berýär.
Türkmenistanyň Prezidenti Saud Arabystanynyň täze ilçisi bilen hyzmatdaşlygyň ileri tutulýan ugurlaryny maslahatlaşdy
17-nji aprelde Prezident Serdar Berdimuhamedow Saud Arabystany Patyşalygynyň Türkmenistanda täze bellenen Adatdan daşary we Doly ygtyýarly ilçisi Amer bin Ali Al-Şehrini kabul etdi. Ol döwlet Baştutanymyza ynanç hatyny gowşurdy diýip, TDH habar berýär.
Kuala-Lumpur TEIF 2025 halkara maýa goýum forumyny geçirmäge taýýarlyk görýär
2025-nji ýylyň 23–24-nji aprelinde Malaýziýanyň Kuala-Lumpur şäherinde geçiriljek “TEIF 2025” Türkmenistanyň halkara maýa goýum forumynyň açylmagyna az wagt galdy. Forumyň Guramaçylyk toparynyň habar bermegine görä, bu möhüm waka gatnaşmak üçin hasaba alyş eýýäm tamamlandy. Foruma jemi 42 ýurtdan 355-den gowrak wekil gatnaşar.
Türkmenistanyň we Russiýanyň Prezidentleri ŞHG-niň sammtiniň çäklerinde ikitaraplaýyn duşuşyk geçirerler
Türkmenistanyň Prezidenti Serdar Berdimuhamedow we Russiýa Federasiýasynyň Prezidenti Wladimir Putin Şanhaý Hyzmatdaşlyk Guramasynyň çäklerinde ikitaraplaýyn duşuşyk geçirerler. Bu barada Russiýanyň öňdebaryjy habarlar agentlikleri RF-niň Prezidentiniň halkara işleri boýunça kömekçisi Ýuriý Uşakowa salgylanyp habar berýär.