Şu ýylyň sekiz aýynyň jemine garaldy
08:26 09.09.2020 8659
2020-nji ýylyň 7-nji sentýabrynda Türkmenistanyň nebitgaz toplumynyň merkezi binasynda wideomaslahat görnüşinde geçirilen hasabat ýygnagynda toplumyň düzümine girýän konsernlerde, korporasiýada, birleşiklerde we müdirliklerde hem-de edara-kärhanalarda üstümizdäki «Türkmenistan — Bitaraplygyň mekany» ýylynyň ýanwar-awgust aýlarynda alnyp barlan işler seljerildi hem-de ýerine ýetirilen işlere baha berlip, öňde durýan maksatlara ýetmegiň ýollary kesgitlenildi.
Türkmenistanyň Ministrler Kabinetiniň Başlygynyň orunbasary M.Meredow wideomaslahat görnüşindäki hasabat ýygnagyny açmak bilen, hormatly Prezidentimiz Gurbanguly Berdimuhamedowyň 4-nji sentýabrda sanly wideoaragatnaşyk arkaly geçiren Türkmenistanyň Ministrler Kabinetiniň nobatdaky mejlisinde toplumyň öňünde goýan belent wezipeleriniň milli ykdysadyýetimizi diwersifikasiýa ýoly bilen ösdürmekde uly ähmiýetiniň bardygyny belledi.
Soňra wideomaslahat görnüşindäki hasabat ýygnagynda Döwlet ministri — «Türkmengaz» döwlet konserniniň başlygy B.Amanow, «Türkmennebit» döwlet konserniniň başlygy G.Baýgeldiýew, «Türkmengeologiýa» döwlet korporasiýasynyň başlygy M.Rozyýew, Türkmenbaşydaky nebiti gaýtadan işleýän zawodlar toplumynyň baş direktory D.Çişiýew hem-de toplumyň birleşikleriniň, müdirlikleriniň, edara-kärhanalarynyň ýolbaşçylary çykyş etdiler hem-de uglewodorod çig malyny gözlemek, çykarmak, gaýtadan işlemek we täze ýataklary özleşdirmek boýunça taslamalary amala aşyrmagyň hasabyna nebitgaz pudagyny ösdürmegiň we döwrebaplaşdyrmagyň, uglewodorod serişdelerini gaýtadan işleýän innowasion önümçilikleri döretmegiň we onuň eksport mümkinçiliklerini diwersifikasiýalaşdyrmagyň, nebitdir gazy gaýtadan işleýän täze önümçilikleri gurmagyň, suwuklandyrylan gazyň öndürilýän möçberlerini we eksportyny artdyrmagyň, toplumyň edara-kärhanalaryna daşary ýurt maýa goýumlaryny çekmegiň ýollary hakynda durup geçdiler.
Wideomaslahat görnüşindäki hasabat ýygnagynda Türkmenistan — Owganystan — Pakistan — Hindistan halkara gaz geçirijisiniň strategik taýdan möhüm taslamasynyň gurluşygyny işjeň alyp barmak, şu ýylyň geçen sekiz aýynda ýangyç-energetika toplumynyň kärhanalarynda, hususan-da, Gyýanly polimer zawodynda, Ahaldaky tebigy gazdan benzin öndürýän zawodda, «Galkynyş», Döwletabat gaz känlerinde, Uzynada, Altyguýy, Goturdepe ýataklarynda alnyp barylýan işler, daşary ýurt kompaniýalary bilen bilelikdäki işler, tebigy gazy çykarmakda, nebiti we nebit önümlerini öndürmekde, düýpli maýa goýumlaryny özleşdirmekde gazanylan anyk ykdysady-önümçilik görkezijileri seljerildi we bu ugurlarda işleri has-da ilerletmek babatda wezipeler kesgitlenildi.
«Türkmengaz» döwlet konserniniň Ylmy-barlag tebigy gaz institutynyň we «Türkmennebit» döwlet konserniniň «Nebitgazylmytaslama» institutynyň ýolbaşçylary geçen ýanwar-awgust aýlarynda alnyp barlan ylmy-barlag işler hakynda hasabat berdiler.
Wideomaslahat görnüşindäki hasabat ýygnagynyň ahyrynda wise-premýer M.Meredow «Türkmenistan — Bitaraplygyň mekany» ýylynyň uly baýramçylyklaryny — Garaşsyzlyk gününi hem-de hemişelik Bitaraplygymyzyň şanly 25 ýyllygyny zähmet üstünliklerine beslemek maksadynda her bir ýolbaşçynyň has-da tijenip işlemeginiň zerurdygyna ýygnananlaryň ünsüni çekmek bilen, hormatly Prezidentimiziň mejlisde toplumyň öňünde goýan wezipelerine amal etmekde önümçilik meýilnamalarynyň gyşarnyksyz ýerine ýetirilmelidigini, «Türkmenistanyň nebitgaz toplumyny ösdürmegiň 2019 — 2025-nji ýyllar üçin Maksatnamasyny» we «Türkmenistanyň nebitgaz senagatyny ösdürmegiň 2030-njy ýyla çenli döwür üçin Maksatnamasyny» durmuşa geçirmegiň milli ykdysadyýetimizi durnukly ösdürmekde uly ähmiýete eýedigini aýratyn nygtady. Munuň özi gazçylaryň, nebitçileriň we geologlaryň Türkmenistanyň Garaşsyzlyk gününe hem-de hemişelik Bitaraplygynyň şanly 25 ýyllygyna mynasyp toý sowgady bolar.
«Halkara ulag-üstaşyr geçelgeleri: özara baglanyşyklylyk we ösüş» Halkara maslahaty 18-20-nji iýulda geçiriler
18-20-nji iýulda Aşgabatda «Halkara ulag-üstaşyr geçelgeleri: özara baglanyşyklylyk we ösüş» Halkara maslahaty geçiriler. Forumyň maksady pandemiýadan soňky dikeldiş boýunça ileri tutulýan meseleleri maslahatlaşmak, halkara daşamalar ulgamynda täze şertlere uýgunlaşmak we netijeli halkara ulag-üstaşyr geçelgelerini ösdürmek bolup durýar.
Türkmenistanyň Prezidenti ABŞ-nyň işewür toparlarynyň wekilleri bilen hyzmatdaşlygyň ileri tutulýan ugurlaryny maslahatlaşdy
16-njy dekabr Prezident Serdar Berdimuhamedow Türkmen-amerikan işewürlik maslahatyna gatnaşmak üçin ýurdumyza gelen ABŞ-nyň işewür toparlarynyň wekilleri bilen hyzmatdaşlygyň ileri tutulýan ugurlaryny maslahatlaşdy diýip, TDH habar berýär.
Türkmenistanyň DIM-niň ýolbaşçysy Eýranyň energetika ministri bilen energetika we gaz pudagynda hyzmatdaşlygy maslahatlaşdy
Türkmenistanyň Daşary işler ministrliginde Raşid Meredow bilen Eýranyň Energetika ministri Abbas Aliabadiniň arasynda geçirilen duşuşykda energetika we gaz pudaklarynda ikitaraplaýyn hyzmatdaşlygyň meseleleri maslahatlaşyldy diýip, türkmen daşary syýasat edarasynyň saýtynda habar berilýär.
Türkmenistanyň Prezidenti Ykdysady hyzmatdaşlyk boýunça ýapon-türkmen komitetiniň başlygyny kabul etdi
16-njy dekabrda Prezident Serdar Berdimuhamedow «ITOCHU Corporation» kompaniýasynyň direktorlar geňeşiniň agzasy, ýerine ýetiriji wise-prezidenti, maşyn we enjamlar kompaniýasynyň prezidenti, Ykdysady hyzmatdaşlyk boýunça ýapon-türkmen komitetiniň başlygy Hiroýuki Subaýy kabul etdi
Energetika hyzmatdaşlygyny ösdürmek — Azerbaýjanyň wekiliýeti bilen duşuşygyň üns merkezinde
Çarşenbe güni Türkmenistanyň Daşary işler ministrliginiň binasynda wise-premýer, Türkmenistanyň Daşary işler ministri Raşid Meredowyň Aşgabada iş sapary bilen gelen Azerbaýjan Respublikasynyň Ykdysadyýet ministri Mikail Jabbarowyň baştutanlygyndaky wekilýet bilen duşuşygynda energetika ulgamynda ikitaraplaýyn hyzmatdaşlygy ösdürmegiň mümkinçilikleri ara alnyp maslahatlaşyldy. Bu barada Türkmenistanyň daşary syýasat edarasynyň saýty habar berýär.