Mary welaýatynda ilatly nokatlary gazlaşdyrmak wezipesi üstünlikli çözülýär
22:25 28.08.2020 8593
«Marygazüpjünçilik» müdirligine ýokary we orta basyşly gaz geçirijileriniň gurluşygy üçin 325 mm diametrli turbalaryň nobatdaky tapgyry gelip gowuşdy.
Şu günlerde Wekilbazar etrabynyň Mollanepes şäherçesiniň çäginde we beýleki etraplarda «Türkmengazüpjünçilik» birleşiginiň Mary welaýatyny gaz bilen üpjün etmek boýunça gurluşyk-gurnama müdirliginiň tagallalary bilen ýokary çydamlylygy bilen tapawutlanýan täze turbalar çekilýär. Eýýäm, 325 mm diametrlik turbalaryň 1200 metri kebşirlendi we gurnaldy, gaz geçirijileriň umumy uzynlygy 3000 metre barabardyr.
Tejribeli gazçylar şeýle hem enjamlary gurnamak, polietilen turbalardan gaz geçirijileri gurmak boýunça häzirki zaman tehnologiýalary özleşdirdiler. Bu hili gaz geçirijileri gurmak üçin ýokary hünär taýýarlykly hünärmenler ulanylýar. Olar dünýä ülňülerine laýyk gelýän ýokary takyklykdaky kebşirleme we işleriň beýleki görnüşlerini ýerine ýetirýärler.
Birinji ýarymýyllykda türkmen gazçylary tarapyndan umumy uzynlygy 9100 metr bolan 160 mm diametrli turbalaryň gurluşyk-gurnama işleri ýerine ýetirildi.
Mary welaýatynyň çäklerini mundan beýläk hem gaz bilen üpjün etmek boýunça işler ilatyň sosial-durmuş şerterini gowulandyrmak we sebitiň ykdysady ösüşini ýokarlandyrmak boýunça çäreleriň toplumyna girýär.
TDHÇMB-niň söwdalarynda daşary ýurt puluna «Türkmennebit» we «Türkmenhimiýa» DK-nyň önümleri ýerlenildi
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 14-si hasaba alyndy.
Russiýa Türkmenistanyň esasy söwda hyzmatdaşlarynyň biri bolup durýar
Russiýa Türkmenistanyň esasy söwda hyzmatdaşlarynyň biri bolmagynda galýar – ýurtlaryň arasyndaky ýyllyk haryt dolanyşygy 1,6 milliard dollardan geçýär. Bu barada Türkmenistanyň Ministrler Kabinetiniň Başlygynyň orunbasary Hojamyrat Geldimyradow 11-nji iýunda Russiýa Federasiýasynyň ilçihanasy tarapyndan “Ýyldyz” myhmanhanasynda guralan Russiýa gününiň hormatyna geçirilen resmi kabul edilişlikde aýtdy. Bu barada Türkmenistanyň Telewideniýe, radiogepleşikler we kinematografiýa baradaky döwlet komitetiniň Habarlar portaly habar berýär.
Türkmenistanyň wekiliýeti Daşkent halkara maýa goýum forumyna gatnaşdy
Türkmenistanyň Ministrler Kabinetiniň Başlygynyň orunbasary N.Atagulyýewiň ýolbaşçylygynda türkmen wekiliýeti 9-11-nji iýuny aralygynda IV Daşkent halkara maýa goýum forumyna gatnaşdy diýip, Türkmenistanyň DIM-niň saýtynda habar berilýär.
Türkmenistanyň Prezidenti alymlary we Halkara ylmy maslahata gatnaşyjylary gutlady
12-nji iýunda Türkmenistanda Ylymlar güni bellenilip geçilýär. Şunuň bilen baglylykda, Prezident Serdar Berdimuhamedow Türkmenistanyň ylmy jemgyýetçiligine hem-de «Berkarar döwletiň täze eýýamynyň Galkynyşy döwründe ylym, tehnika we innowasion tehnologiýalar» halkara ylmy maslahata gatnaşyjylara gutlag iberdi.
Hökümet mejlisinde TNGIZT-niň işini döwrebaplaşdyrmagyň meseleleri maslahatlaşyldy
13-nji iýunda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda döwlet durmuşyna degişli birnäçe meselelere garaldy diýip, TDH habar berýär.