Azerbaýjan Eýranyň üsti bilen türkmen gazyny almaga gyzyklanma bildirýär
11:37 04.06.2022 12165
Eýranyň çäginiň üstünden Azerbaýjana türkmen gazyny ibermek taslamasynyň durmuşa geçirilmeginiň ähmiýeti Azerbaýjanyň wise-premýeri Şahin Mustafaýew bilen Eýranyň nebit ministri Jawad Owjini arasynda geçirilen gepleşiklerde bellenildi. Bu barada Azertaj Azerbaýanyň Ministrler Kabinetine salgylanyp habar berýär.
«Nebitgaz pudagynda üstünlikli hyzmatdaşlygyň dowam edýändigi habar berildi. Türkmen gazyny Eýranyň üsti bilen Azerbaýjana ibermek taslamasyny durmuşa geçirmegiň möhümligi bellenildi» - diýlip, agetligiň habarynda aýdylýar.
Ondan öň, «Armenpress» habarlar agentligi Jawad Owjä salgylanyp, Eýranyň türkmen gazyny swop ulgamy bilen Ermenistana ibermäge taýýarlygyny habar berdi.
«Armenpressiň» habarynda bellenilişi ýaly, Eýranyň nebit ministri Jawad Owjiniň bellemegine görä, eýran tarapy swop ulgamy bilen türkmen gazyny Ermenistana ibermäge taýýar. Türkmenistandan Ermenistana gaz ibermek boýunça gepleşikler eýýäm başlandy.
Belläp geçsek, 2022-nji ýylyň 3-nji ýanwaryndan Türkmenistanyň, Eýranyň we Azerbaýjanyň gaz alyş-çalşygynyň çäklerinde günde 4,5 mln kub metr gaz ibermeklik başlandy. Eýran türkmen gazyny ýurduň gündogarynda alýar we öz gazyny Azerbaýjana Eýranyň demirgazyk-gündogaryndan iberýär.
Türkmenistanyň ýangyç-energetika toplumynda Gahryman Arkadagymyzyň täze kitabynyň tanyşdyryş dabarasy boldy
“Halkyň Arkadagly zamanasy” şygary astynda geçýän ýylyň bahar paslynyň ilkinji gününde nebitgaz toplumynyň merkezi binasynda hormatly Prezidentimiz Gurbanguly Berdimuhamedowyň türkmen halkyna sowgat eden «Abadançylygyň röwşen gadamlary» atly täze kitabynyň tanyşdyryş dabarasy geçirildi.
Türkmenistanyň wekiliýeti Daşkent halkara maýa goýum forumyna gatnaşdy
Türkmenistanyň Ministrler Kabinetiniň Başlygynyň orunbasary N.Atagulyýewiň ýolbaşçylygynda türkmen wekiliýeti 9-11-nji iýuny aralygynda IV Daşkent halkara maýa goýum forumyna gatnaşdy diýip, Türkmenistanyň DIM-niň saýtynda habar berilýär.
TDHÇMB-niň söwdalarynda daşary ýurt puluna «Türkmennebit» we «Türkmenhimiýa» DK-nyň önümleri ýerlenildi
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 14-si hasaba alyndy.
Russiýa Türkmenistanyň esasy söwda hyzmatdaşlarynyň biri bolup durýar
Russiýa Türkmenistanyň esasy söwda hyzmatdaşlarynyň biri bolmagynda galýar – ýurtlaryň arasyndaky ýyllyk haryt dolanyşygy 1,6 milliard dollardan geçýär. Bu barada Türkmenistanyň Ministrler Kabinetiniň Başlygynyň orunbasary Hojamyrat Geldimyradow 11-nji iýunda Russiýa Federasiýasynyň ilçihanasy tarapyndan “Ýyldyz” myhmanhanasynda guralan Russiýa gününiň hormatyna geçirilen resmi kabul edilişlikde aýtdy. Bu barada Türkmenistanyň Telewideniýe, radiogepleşikler we kinematografiýa baradaky döwlet komitetiniň Habarlar portaly habar berýär.
Ýewropada gazyň bahalary ýylyň başyndan bäri iň ýokary derejesine çykdy
Çarşenbe güni gündiz Ýewropada gazyň spotlaýyn bajalary sişenbe güni söwdalaryň ýapylýan wagty bilen deňeşdirilende, 29% ýokarlandy diýip, Interfaks habar berýär.