Gaýtadan ulanyşa girizilýän guýular «gara altynyň» goşmaça tonnalaryny berýär
09:31 01.06.2022 5779
Şu günlerde «Türkmennebit» döwlet konserniniň «Nebitgazdüýpliabatlaýyş» trestiniň guýulary düýpli abatlamak boýunça müdirligi iş depginini barha artdyrýar. Muňa öndürijiligini peselden ýa-da asla bes eden guýulary abatlamak we ulanyşa girizmek boýunça şu ýylyň ýanwar-aprel aýlarynda ýerine ýetirilen işleriň netijeleri hem şaýatlyk edýär.
Şu ýylyň dört aýynda müdirligiň işjeň düzümleri 26,3 müň tonna derek goşmaça 42,3 müň tonna «gara altyn» çykardylar. Şeýle hem geçen döwürde trest boýunça 219 sany guýuda abatlaýyş işleri geçirilip, şolaryň 175 sanysy ulanyşa girizildi. Bu görkezijiler meýilleşdirileninden 30 guýy artykdyr.
Guýulary düýpli abatlamak boýunça Gamyşlyja, Barsagelmez, Goturdepe müdirlikleriniň işini aýratyn belläp geçmeli. Guýulary abatlamak boýunça Gamyşlyja müdirligi boýunça goşmaça 2 müň tonnadan gowrak «gara altyn» çykaryldy.
Döwletiň goldaw bermegi netijesinde konserniň esasy hem goşmaça kärhanalary Germaniýanyň, ABŞ-nyň, Hytaýyň, Russiýa Federasiýasynyň kuwwatly ýöriteleşdirilen tehniki ddesgalary bilen üpjün edilýär.
Belläp geçsek, döwrebap enjamlaryň ornaşdyrylmagy netijesinde hasabat döwründe trest boýunça gaýtadan işe girizilen guýulardan alnan «mawy ýangyjyň» möçberi 11,3 mln kub metre deň boldy.
2021-nji ýylda «Gazprom» Türkmenistandan 10,6 mlrd kub metr gaz satyn aldy
2021-nji ýylda «Gazprom» Türkmenistandan 10,6 mlrd kub metr gaz satyn aldy. Bu barada Türkmenistanyň Prezidentiniň Russiýa Federasiýasynyň Prezidenti bilen duşuşygyna taýýarlanylan materiallarda aýdylýar. Duşuşyk 15-16-njy sentýabrda Samarkandda ŞHG sammitiniň çäklerinde meýilleşdirildi diýip, RIA Nowosti ýazýar.
Türkmenistanyň Prezidentiniň Ýaponiýa saparynyň jemleri boýunça resminamalaryň toplumyna gol çekildi
Prezident Serdar Berdimuhamedowyň Ýaponiýa amala aşyran saparynyň jemleri boýunça hyzmatdaşlyk hakynda resminamalaryň toplumyna gol çekildi. 15-nji aprelde Serdar Berdimuhamedowyň ýapon işewürleri bilen geçiren duşuşygynyň jemleri boýunça ikitaraplaýyn resminamalara gol çekmek dabarasy boldy diýip, TDH habar berýär.
Türkmenistanyň Prezidenti Saud Arabystanynyň täze ilçisi bilen hyzmatdaşlygyň ileri tutulýan ugurlaryny maslahatlaşdy
17-nji aprelde Prezident Serdar Berdimuhamedow Saud Arabystany Patyşalygynyň Türkmenistanda täze bellenen Adatdan daşary we Doly ygtyýarly ilçisi Amer bin Ali Al-Şehrini kabul etdi. Ol döwlet Baştutanymyza ynanç hatyny gowşurdy diýip, TDH habar berýär.
Kuala-Lumpur TEIF 2025 halkara maýa goýum forumyny geçirmäge taýýarlyk görýär
2025-nji ýylyň 23–24-nji aprelinde Malaýziýanyň Kuala-Lumpur şäherinde geçiriljek “TEIF 2025” Türkmenistanyň halkara maýa goýum forumynyň açylmagyna az wagt galdy. Forumyň Guramaçylyk toparynyň habar bermegine görä, bu möhüm waka gatnaşmak üçin hasaba alyş eýýäm tamamlandy. Foruma jemi 42 ýurtdan 355-den gowrak wekil gatnaşar.
Türkmenistanyň we Russiýanyň Prezidentleri ŞHG-niň sammtiniň çäklerinde ikitaraplaýyn duşuşyk geçirerler
Türkmenistanyň Prezidenti Serdar Berdimuhamedow we Russiýa Federasiýasynyň Prezidenti Wladimir Putin Şanhaý Hyzmatdaşlyk Guramasynyň çäklerinde ikitaraplaýyn duşuşyk geçirerler. Bu barada Russiýanyň öňdebaryjy habarlar agentlikleri RF-niň Prezidentiniň halkara işleri boýunça kömekçisi Ýuriý Uşakowa salgylanyp habar berýär.