Owganystanyň Hökümet wekiliýeti Türkmenistanyň DIM-inde TOPH gaz geçirijisiniň gurluşygyny maslahatlaşdy
09:28 18.01.2022 6356
Türkmenistan-Owganystan-Pakistan-Hindistan gaz geçirijisiniň we Türkmenistan-Owganystan-Pakistan elektrik geçiriji ulgamynyň taslamalarynyň durmuşa geçirilişi Türkmenistana sapar bilen gelen Owganystanyň Daşary işler ministriniň w.w.ý.ý. Amir Han Mottakiniň ýolbaşçylygyndaky owgan wekiliýet bilen ara alnyp maslahatlaşyldy diýip, Türkmenistanyň daşary syýasat edarasynyň saýty habar berýär.
Bu mesele şenbe güni wise-premýer, Türkmenistanyň daşary işler ministri R.Meredow bilen maslahatlaşyldy.
Türkmen wekiliýetiniň Owganystana amala aşyran birnäçe saparlarynyň dowamynda geçirilen türkmen-owgan gepleşikleriniň netijeliligi babatynda bellenildi. Bu ugurda, taraplar iki ýurduň daşary syýasat edaralarynyň arasyndaky hyzmatdaşlygyň döwletara gatnaşyklary ösdürmekdäki ähmiýetli orny barada nygtadylar.
Söhbetdeşler sebit howpsuzlygyny üpjün etmek ugrundaky türkmen-owgan özara hereketleriniň mundan bäýläk hem işjeňleşdirilmeginiň wajypdygyny bellediler.
R.Meredow Türkmenistanyň, gürrüňsiz, Owganystanyň syýasy we ykdysady durnuklylygyna, owgan halkynyň abadançylygyna we bitewüligine gyzyklanma bildirýändigini nygtady. Bu ugurda türkmen tarapy Türkmenistanyň, hoşniýetli goňşuçylyk we köp asyrlyk dostluk ýörelgelerinden ugur alyp, owgan halkyna yzygiderli ynsanperwer kömegini ibermegi dowam etdirjegini tassyklady.
Owgan wekiliýetiniň Aşgabada saparynyň çäklerinde geçirilen duşuşyklaryň jemleri boýunça Türkmenistanyň we Owganystanyň Daşary işler ministrleri habar beriş serişdeleriniň wekillerine ýüzlenme bilen çykyş etdiler. Ýüzlenmäniň dowamynda iki ýurduň DIM-leriniň ýolbaşçylary nobatdaky duşuşyklaryň oňyn hem-de köpugurly häsiýetini nygtamak bilen, Türkmenistan bilen Owganystanyň arasynda özarabähbitli hyzmatdaşlygyň has hem giňledilmegine gönükdirilen türkmen-owgan gepleşikleriniň netijelerini jemlediler.
Ýekşenbe güni Owganystanyň Daşary işler ministrliginiň twitterinde habar çykaryldy, onda beýan edilişine görä, Aşgabatda geçirilen gepleşikleriň netijeleri boýunça TOPH gaz geçirijisiniň taslamasy boýunça işleri dikeltmegiň möhletleri boýunça Türkmenistan bilen ylalaşyk gazanyldy. Hususan-da, habar berlişi ýaly, elektrik üpjünçiligi, TOPH taslamasy we demir ýollary giňeltmek boýunça işler 2022-nji ýylyň martynda başlanar.
Şeýle hem habar berlişi ýaly, 22-nji ýanwarda Kabulda bilelikdäki taslamalary durmuşa geçirmek boýunça Owganystanyň we Türkmenistanyň tehniki toparlarynyň duşuşygy geçiriler.
TDHÇMB-niň söwdalarynda daşary ýurt puluna «Türkmennebit» we «Türkmenhimiýa» DK-nyň önümleri ýerlenildi
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 14-si hasaba alyndy.
Russiýa Türkmenistanyň esasy söwda hyzmatdaşlarynyň biri bolup durýar
Russiýa Türkmenistanyň esasy söwda hyzmatdaşlarynyň biri bolmagynda galýar – ýurtlaryň arasyndaky ýyllyk haryt dolanyşygy 1,6 milliard dollardan geçýär. Bu barada Türkmenistanyň Ministrler Kabinetiniň Başlygynyň orunbasary Hojamyrat Geldimyradow 11-nji iýunda Russiýa Federasiýasynyň ilçihanasy tarapyndan “Ýyldyz” myhmanhanasynda guralan Russiýa gününiň hormatyna geçirilen resmi kabul edilişlikde aýtdy. Bu barada Türkmenistanyň Telewideniýe, radiogepleşikler we kinematografiýa baradaky döwlet komitetiniň Habarlar portaly habar berýär.
Türkmenistanyň wekiliýeti Daşkent halkara maýa goýum forumyna gatnaşdy
Türkmenistanyň Ministrler Kabinetiniň Başlygynyň orunbasary N.Atagulyýewiň ýolbaşçylygynda türkmen wekiliýeti 9-11-nji iýuny aralygynda IV Daşkent halkara maýa goýum forumyna gatnaşdy diýip, Türkmenistanyň DIM-niň saýtynda habar berilýär.
Türkmenistanyň Prezidenti alymlary we Halkara ylmy maslahata gatnaşyjylary gutlady
12-nji iýunda Türkmenistanda Ylymlar güni bellenilip geçilýär. Şunuň bilen baglylykda, Prezident Serdar Berdimuhamedow Türkmenistanyň ylmy jemgyýetçiligine hem-de «Berkarar döwletiň täze eýýamynyň Galkynyşy döwründe ylym, tehnika we innowasion tehnologiýalar» halkara ylmy maslahata gatnaşyjylara gutlag iberdi.
Hökümet mejlisinde TNGIZT-niň işini döwrebaplaşdyrmagyň meseleleri maslahatlaşyldy
13-nji iýunda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda döwlet durmuşyna degişli birnäçe meselelere garaldy diýip, TDH habar berýär.