TNGIZT-niň we «Türkmengazyň» önümleri — TDHÇMB-niň söwdalarynda öňdeligi eýeleýär
11:25 24.11.2021 5974
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 37-si hasaba alyndy.
Daşary ýurt puluna Birleşen Arap Emirlikleriniň, Türkiýäniň, Owganystanyň, Maltanyň telekeçileri Türkmenbaşydaky nebiti gaýtadan işleýän zawodlar toplumynda öndürilen uçar kerosinini we suwuklandyrylan gazy satyn aldylar. «Türkmengaz» döwlet konserninde öndürilen tehniki kükürt we suwuklandyrylan gaz Türkiýäniň, BAE-niň we Owganystanyň işewürleriniň geleşikleriniň esasyny düzdi.
Bulardan başga-da, Owganystanyň işewür toparlarynyň wekilleri daşary ýurt puluna el halylaryny satyn aldylar. Geleşikleriň jemi bahasy ABŞ-nyň 30 million 134 müň dollaryndan gowrak boldy.
Birleşen Arap Emirlikleriniň we Owganystanyň telekeçileri el halylaryny we ýüpek çig malyny satyn aldylar. Geleşikleriň jemi bahasy 13 million 82 müň manatlykdan gowrak boldy.
Ýurdumyzyň telekeçileri içerki bazar üçin jemi bahasy 9 million 315 müň manatlykdan gowrak «Türkmenhimiýa» döwlet konserninde öndürilen kondisiýasyz polietileni, el halylaryny, PET-gaplaýjy lentalary satyn aldylar.
ÝHHG-niň Aşgabatda geçirilen seminarynda metan zyňyndylaryny azaltmagy kadalaşdyrmak meseleleri maslahatlaşyldy
2024-nji ýylyň 16-njy iýulynda Aşgabatda ÝHHG-niň Merkezi tarapyndan gurnalan iki günlük seminara döwletimiz tarapyndan «Türkmengaz» we «Türkmennebit» döwlet konsernleriniň, Daşky gurşawy goramak ministrliginiň we beýleki gyzyklanma bildirýän edaralaryň ýigrimi bäş wekili gatnaşdy we olar parnik gazlarynyň, şol sanda metanyň zyňyndylaryny azaltmak boýunça hereket edýän kanunlar bilen tanyşdylar.
OGT 2024 29-njy Halkara maslahatyna we sergisine gatnaşyjylary bellige almak başlandy
“Türkmenistanyň nebiti we gazy” atly 29-njy Halkara maslahatyna we sergisine (OGT 2024) gatnaşyjylary bellige almak başlandy, forum 2024-nji ýylyň 23-25-nji oktýabrynda Aşgabatda geçiriler. Bu giň gerimli çäräni «Türkmengaz» we «Türkmennebit» döwlet konsernleri hem-de Türkmenistanyň Söwda-senagat edarasy bilelikde guraýarlar.
Täze kitabyň tanyşdyrylyş dabarasy geçirildi
Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynda Türkmen döwlet neşirýat gullugy tarapyndan neşir edilen «Arkadag şäheri — geljegiň şäheri» atly kitabyň tanyşdyrylyş dabarasy geçirildi.
Demokratiýanyň milli nusgasy dabaralanýar
Ýurdumyzyň nebitgaz toplumynyň merkezi edara binasynda ,,Halk Maslahaty – demokratiýanyň milli nusgasy’’ atly maslahat geçirildi.
Prezident Türkmenistanyň diplomatlaryny energetika we beýleki ulgamlarda iri halkara taslamalary durmuşa geçirmäge ýardam etmäge çagyrdy
Anna güni Prezident Gurbanguly Berdimuhamedow Türkmenistanyň diplomatik gullugynyň işgärlerini hünär baýramçylygy bilen gutlady. Her ýylyň 18-nji fewralynda bellenilip geçilýän baýramçylyk mynasybetli iberen gutlagynda döwlet Baştutany «Garaşsyz, Bitarap Türkmenistanyň milli bähbitlerini halkara gatnaşyklar ulgamynda mynasyp üpjün edýän we goraýan ýurdumyzyň diplomatik gullugynyň işgärleri öňde goýlan belent wezipeleri talabalaýyk ýerine ýetirmek ugrunda ýadawsyz we döredijilikli zähmet çekýärler» diýip belleýär.