«Moskwa formatyna» gatnaşyjylar halkara jemgyýetçiligini Owganystana gyssagly ynsanperwer we ykdysady kömegi bermäge çagyrdy
10:09 22.10.2021 13918
Çarşenbe güni Moskwada geçirilen geňeşmeleriň jemleri boýunça ýaýradylan «Moskwa formatynyň» bilelikdäki beýanynda bellenilişi ýaly, Owganystan boýunça halkara duşuşygyna gatnaşyjylar taliban hereketiniň resmi taýdan yglan edilmegine garaşmazdan, bu ýurt bilen iş ýüzünde özara gatnaşyklary ýola goýmagyň zerurdygyny bellediler diýip, Interfaks habar berýär.
Moskwa formatyna gatnaşýan ýurtlar "Owganystanyň häzirki ýolbaşçylaryny döwlet dolandyryş ulgamyny gowulandyrmak üçin goşmaça çäreleri görmäge we ýurduň esasy etnosyýasy güýçleriniň bähbitlerini ýeterlik derejede görkezýän asyl inklýuziw hökümet gurmaga çagyrdy. Bu Owganystandaky milli ylalaşyk prosesini tamamlamagyň binýatlyk şertine öwrüler" – diýlip resminamada bellenilýär.
Şeýle hem, olar "Owganystanda gadagan edilen terrorçylyk hereketleriniň ýurtda işjeňliginiň ýüze çykmagyna aladalanma bildirip, sebit durnuklylygyna ýardam etmek maksady bilen Owganystanda howpsuzlygy üpjün etmäge ýardam bermegi dowam etmäge taýýarlygyny beýan etdiler».
Mundan başga-da, Moskwa ýygnagyna gatnaşanlar "Owganystandaky durmuş-ykdysady we ynsanperwer ýagdaýyň ýaramazlaşmagyna çuňňur alada bildirýärler" we "ýurduň dawalardan soň dikeldilmek işine gönükdirilen halkara jemgyýetçiliginiň tagallalaryny utgaşdyrmagyň zerurlygyny bellediler».
«Şunuň bilen baglylykda taraplar BMG-niň howandarlygynda ýokary derejeli halkara donorlyk maslahatyny tiz wagtda guramak boýunça toparlaýyn başlangyjy teklip etdiler».
Şol bir wagtyň özünde, resminama häzirki owgan hökümetini "aram we paýhasly içerki we daşary syýasaty ýöretmäge, Owganystanyň goňşularyna dostlukly syýasat alyp barmaga, dowamly parahatçylyk, howpsuzlyk, ygtybarlylyk, uzak möhletli gülläp ösüş we etnik toparlaryň, aýallaryň we çagalaryň hukuklaryna hormat goýmak ýaly umumy maksatlara ýetmäge çagyrýar”.
2021-nji ýylda «Gazprom» Türkmenistandan 10,6 mlrd kub metr gaz satyn aldy
2021-nji ýylda «Gazprom» Türkmenistandan 10,6 mlrd kub metr gaz satyn aldy. Bu barada Türkmenistanyň Prezidentiniň Russiýa Federasiýasynyň Prezidenti bilen duşuşygyna taýýarlanylan materiallarda aýdylýar. Duşuşyk 15-16-njy sentýabrda Samarkandda ŞHG sammitiniň çäklerinde meýilleşdirildi diýip, RIA Nowosti ýazýar.
Türkmenistanyň Prezidentiniň Ýaponiýa saparynyň jemleri boýunça resminamalaryň toplumyna gol çekildi
Prezident Serdar Berdimuhamedowyň Ýaponiýa amala aşyran saparynyň jemleri boýunça hyzmatdaşlyk hakynda resminamalaryň toplumyna gol çekildi. 15-nji aprelde Serdar Berdimuhamedowyň ýapon işewürleri bilen geçiren duşuşygynyň jemleri boýunça ikitaraplaýyn resminamalara gol çekmek dabarasy boldy diýip, TDH habar berýär.
Türkmenistanyň Prezidenti Saud Arabystanynyň täze ilçisi bilen hyzmatdaşlygyň ileri tutulýan ugurlaryny maslahatlaşdy
17-nji aprelde Prezident Serdar Berdimuhamedow Saud Arabystany Patyşalygynyň Türkmenistanda täze bellenen Adatdan daşary we Doly ygtyýarly ilçisi Amer bin Ali Al-Şehrini kabul etdi. Ol döwlet Baştutanymyza ynanç hatyny gowşurdy diýip, TDH habar berýär.
Kuala-Lumpur TEIF 2025 halkara maýa goýum forumyny geçirmäge taýýarlyk görýär
2025-nji ýylyň 23–24-nji aprelinde Malaýziýanyň Kuala-Lumpur şäherinde geçiriljek “TEIF 2025” Türkmenistanyň halkara maýa goýum forumynyň açylmagyna az wagt galdy. Forumyň Guramaçylyk toparynyň habar bermegine görä, bu möhüm waka gatnaşmak üçin hasaba alyş eýýäm tamamlandy. Foruma jemi 42 ýurtdan 355-den gowrak wekil gatnaşar.
Türkmenistanyň we Russiýanyň Prezidentleri ŞHG-niň sammtiniň çäklerinde ikitaraplaýyn duşuşyk geçirerler
Türkmenistanyň Prezidenti Serdar Berdimuhamedow we Russiýa Federasiýasynyň Prezidenti Wladimir Putin Şanhaý Hyzmatdaşlyk Guramasynyň çäklerinde ikitaraplaýyn duşuşyk geçirerler. Bu barada Russiýanyň öňdebaryjy habarlar agentlikleri RF-niň Prezidentiniň halkara işleri boýunça kömekçisi Ýuriý Uşakowa salgylanyp habar berýär.