Türkmenistanyň wekiliýeti «EKSPO-2020» sergisinde Milli gününi geçirmäge taýýarlyk görýär
15:32 05.10.2021 7148
Şu günlerde Birleşen Arap Emirlikleriniň Dubaý şäherinde 1-nji oktýabrda öz işine başlan «EKSPO-2020» Bütindünýä sergisiniň çäklerinde Türkmenistanyň Milli gününi geçirmek boýunça taýýarlyk işleri dowam edýär.
Forumda Türkmenistanyň Milli güni 9-njy oktýabrda geçiriler. Bu senede BAE-niň wekilleri bilen ýokary derejedäkki duşuşyklary geçirmek, şeýle hem birnäçe resminamalara gol çekmek meýilleşdirilýär. Şeýle hem milli sergi meýdançamyzda ýurdumyzyň medeniýet we sungat ussatlarynyň aýdym-sazly çykyşlary meýilleşdirilýär.
Bütindünýä ähmiýetli bu sergi Türkmenistanyň gazananlaryny hem-de eksport kuwwatyny açyp görkezmäge, tejribe alyşmafa, özara bähbitli hyzmatdaşlyk meselelerini çözmäge uly mümkinçilik berer.
Serginiň myhmanlary we wekilleri Türkmenistanda öndürilen önümler, sowgatlyklar bilen ýakyndan tanyşmaga mümkinçilik alarlar.
Türkmenistanyň sergi pawilýony «Ykjamlyk» zolagynda ýerleşýär. Pawilýona girelgede bäş sany ahalteke bedewinden ybarat heýkel kompozisiýasy oturdyldy.
Türkmen milli pawilýonynyň mowzugy: «Türkmenistan — parahatçylygyň we ynanyşmagyň Watany». Türkmenistanyň pawilýonyny«Tekmil» kompaniýasy gurnady.
Serginiň geçýän döwründe 190-dan gowrak döwlet tehnika, ylym we sungat ulgamlarynda ýeten sepgitlerini görkezerler.
Dubaýyň häkimi şeýh Muhammed ben Raşid Al Maktum «EKSPO-2020» sergisiniň açylyşynda «Al-Baýan» gazetine «bu çäräniň özboluşly waka bolup, adamzadyň aňynda galjakdygyny» belledi. Ol BAE-niň bu çäräni «adamzadyň mätäçlik çekýän halkara hyzmatdaşlygynyň esasynda ählumumy meseleleriň çözgüdini tapmak üçin guraýandygyny» belledi.
Dubaýyň Hökümeti bu çäre üçin 7 milliard dollara golaý sarp etdi.
«EKSPO» — dünýäde iň meşhur sergi. Ol her bäş ýyldan dürli ýurtda geçirilýär. Onuň geçiriljek ýeri Halkara Sergiler býurosynyň Baş Assambleýasynda ses berişlik arkaly kesgitlenilýär. Ilkinji Bütindünýä seri 1851-nji ýylda Londonda geçirildi.
2021-nji ýylda «Gazprom» Türkmenistandan 10,6 mlrd kub metr gaz satyn aldy
2021-nji ýylda «Gazprom» Türkmenistandan 10,6 mlrd kub metr gaz satyn aldy. Bu barada Türkmenistanyň Prezidentiniň Russiýa Federasiýasynyň Prezidenti bilen duşuşygyna taýýarlanylan materiallarda aýdylýar. Duşuşyk 15-16-njy sentýabrda Samarkandda ŞHG sammitiniň çäklerinde meýilleşdirildi diýip, RIA Nowosti ýazýar.
Türkmenistanyň Prezidentiniň Ýaponiýa saparynyň jemleri boýunça resminamalaryň toplumyna gol çekildi
Prezident Serdar Berdimuhamedowyň Ýaponiýa amala aşyran saparynyň jemleri boýunça hyzmatdaşlyk hakynda resminamalaryň toplumyna gol çekildi. 15-nji aprelde Serdar Berdimuhamedowyň ýapon işewürleri bilen geçiren duşuşygynyň jemleri boýunça ikitaraplaýyn resminamalara gol çekmek dabarasy boldy diýip, TDH habar berýär.
Türkmenistanyň Prezidenti Saud Arabystanynyň täze ilçisi bilen hyzmatdaşlygyň ileri tutulýan ugurlaryny maslahatlaşdy
17-nji aprelde Prezident Serdar Berdimuhamedow Saud Arabystany Patyşalygynyň Türkmenistanda täze bellenen Adatdan daşary we Doly ygtyýarly ilçisi Amer bin Ali Al-Şehrini kabul etdi. Ol döwlet Baştutanymyza ynanç hatyny gowşurdy diýip, TDH habar berýär.
Kuala-Lumpur TEIF 2025 halkara maýa goýum forumyny geçirmäge taýýarlyk görýär
2025-nji ýylyň 23–24-nji aprelinde Malaýziýanyň Kuala-Lumpur şäherinde geçiriljek “TEIF 2025” Türkmenistanyň halkara maýa goýum forumynyň açylmagyna az wagt galdy. Forumyň Guramaçylyk toparynyň habar bermegine görä, bu möhüm waka gatnaşmak üçin hasaba alyş eýýäm tamamlandy. Foruma jemi 42 ýurtdan 355-den gowrak wekil gatnaşar.
Türkmenistanyň we Russiýanyň Prezidentleri ŞHG-niň sammtiniň çäklerinde ikitaraplaýyn duşuşyk geçirerler
Türkmenistanyň Prezidenti Serdar Berdimuhamedow we Russiýa Federasiýasynyň Prezidenti Wladimir Putin Şanhaý Hyzmatdaşlyk Guramasynyň çäklerinde ikitaraplaýyn duşuşyk geçirerler. Bu barada Russiýanyň öňdebaryjy habarlar agentlikleri RF-niň Prezidentiniň halkara işleri boýunça kömekçisi Ýuriý Uşakowa salgylanyp habar berýär.