Seýdiniň NGIZ-de bitum önümçiligi Türkmenistanyň ykdysadyýetiniň girdejisiniň artmagyny üpjün eder — bilermen
10:48 21.04.2021 25595
Seýdiniň nebiti gaýtadan işleýän zawodynda ýokary hilli bitumyň önümçiligi Türkmenistanyň ykdysadyýetiniň girdeji böleginiň artmagy üçin şertleri döredýär diýip, CentralAsia-nyň bilermeni, tehniki ylymlarynyň doktory Allaberdi Ylýasow belleýär.
Seýdiniň NGIZ-de öň ýol bitumyny taýýarlamak boýunça innowasion tehnologiki enjam işe girizildi. Bu innowasion tehnologiýa Westport Trading Europe Limited kompaniýasy tarapyndan işlenip düzüldi. Tehnologik çözgütler nebitden ýokary dünýä ülňülerine laýyk gelýän ýol bitumyny öndürmäge mümkinçilik berýär. Bu bolsa türkmen nebitgaz bazarynyň täze sepgitlere giňelmegine ýardam edýär.
Seýdiniň NGIZ-däki tehnologik desga — nebit çigmalynyň wisbreking prosesine esaslanýan ýurtdaky ilkinji önümçilikdir. Westport Trading Europe Limited kompaniýasynyň bu çözgüdi agyr nebit galyndylaryny, nebit geçirimden soňra galýan galyndylary gaýtadan işlemekligi we binýatlaýyn nebit önümlerini taýýarlamak üçin komponentleri almaga mümkinçilik berýär.
Bu tehnologiýa, ýokary parafin düzümi bolan nebitden häzirki zaman ülňülerine laýyk gelýän ýokary hilli ýol bitumyny almaga mümkinçilik berýär. Netijede, bu nebiti çuňňur gaýtadan işlemäge we Türkmenistanda uglewodorodlary ulanmagyň netijeliligini ýokarlandyrmaga mümkinçilik berýär.
Nebit bitumy awtoulag ýollarynyň gurluşygynda aýrylmaz element hökmünde ulanylýar. Awtoýollaryň çydamlylygy, ygtybarlylygy, deformasiýa we suwa garşy durnuklylygy esasan ulanylýan bitumyň hiline baglydyr. Türkmenistanda awtoulag ýolunyň giňelmegi sebäpli ýokary hilli bitum öndürmek birinji orunda durýar.
Häzirki wagtda ýurdumyzda nebit we gaz önümçiliginde asfalt beton ýollaryň, paýtagt bilen sebit merkezleriniň arasyndaky awtoulag ýollary, şol sanda halkara ähmiýetli awtoulag ýollary gurluşygy çalt depginde alnyp barylýar.
Talabalaýyk hilli ýollar ýolagçy gatnawyny we ýük dolanyşygyny artdyrmaga mümkinçilik berýär. Şoňa laýyklykda ýokary hilli bitumyň Türkmenistandan eksporty milli býujetiň üstüni ýetirer.
Infrastruktura awtoulag ýollarynyň gurluşygy, Türkmenistanyň durmuş-ykdysady taýdan ösdürmegiň 2025-nji ýyla Maksatnamasynyň strategiki ugurlaryndan biridir, çünki olar içerki ulanmak üçin hem-de halkara üstaşyr gatnawyny üpjün etmek üçin zerurdyr. Bu bolsa öz gezeginde Türkmenistanyň hyzmatdaş döwletler bilen gatnaşyk mümkinçiligini artdyrýar.
2021-nji ýylda «Gazprom» Türkmenistandan 10,6 mlrd kub metr gaz satyn aldy
2021-nji ýylda «Gazprom» Türkmenistandan 10,6 mlrd kub metr gaz satyn aldy. Bu barada Türkmenistanyň Prezidentiniň Russiýa Federasiýasynyň Prezidenti bilen duşuşygyna taýýarlanylan materiallarda aýdylýar. Duşuşyk 15-16-njy sentýabrda Samarkandda ŞHG sammitiniň çäklerinde meýilleşdirildi diýip, RIA Nowosti ýazýar.
Türkmenistanyň Prezidentiniň Ýaponiýa saparynyň jemleri boýunça resminamalaryň toplumyna gol çekildi
Prezident Serdar Berdimuhamedowyň Ýaponiýa amala aşyran saparynyň jemleri boýunça hyzmatdaşlyk hakynda resminamalaryň toplumyna gol çekildi. 15-nji aprelde Serdar Berdimuhamedowyň ýapon işewürleri bilen geçiren duşuşygynyň jemleri boýunça ikitaraplaýyn resminamalara gol çekmek dabarasy boldy diýip, TDH habar berýär.
Türkmenistanyň Prezidenti Saud Arabystanynyň täze ilçisi bilen hyzmatdaşlygyň ileri tutulýan ugurlaryny maslahatlaşdy
17-nji aprelde Prezident Serdar Berdimuhamedow Saud Arabystany Patyşalygynyň Türkmenistanda täze bellenen Adatdan daşary we Doly ygtyýarly ilçisi Amer bin Ali Al-Şehrini kabul etdi. Ol döwlet Baştutanymyza ynanç hatyny gowşurdy diýip, TDH habar berýär.
Kuala-Lumpur TEIF 2025 halkara maýa goýum forumyny geçirmäge taýýarlyk görýär
2025-nji ýylyň 23–24-nji aprelinde Malaýziýanyň Kuala-Lumpur şäherinde geçiriljek “TEIF 2025” Türkmenistanyň halkara maýa goýum forumynyň açylmagyna az wagt galdy. Forumyň Guramaçylyk toparynyň habar bermegine görä, bu möhüm waka gatnaşmak üçin hasaba alyş eýýäm tamamlandy. Foruma jemi 42 ýurtdan 355-den gowrak wekil gatnaşar.
Türkmenistanyň we Russiýanyň Prezidentleri ŞHG-niň sammtiniň çäklerinde ikitaraplaýyn duşuşyk geçirerler
Türkmenistanyň Prezidenti Serdar Berdimuhamedow we Russiýa Federasiýasynyň Prezidenti Wladimir Putin Şanhaý Hyzmatdaşlyk Guramasynyň çäklerinde ikitaraplaýyn duşuşyk geçirerler. Bu barada Russiýanyň öňdebaryjy habarlar agentlikleri RF-niň Prezidentiniň halkara işleri boýunça kömekçisi Ýuriý Uşakowa salgylanyp habar berýär.