Türkiýe Türkmenistandan gaz ibermelerini we Ýewropa üstaşyr geçirmeleri üpjün etmegi wada edýär
17:08 25.02.2021 8362
Ankara türkmen tebigy gazynyň Türkiýä iberilmegini we öz çäginiň üsti bilen Ýewropa bazarlaryna üstaşyr geçirilmegini üpjün etmek üçin tagallalary etmäge taýýar. Bu barada sişenbe güni Türkiýe Respublikasynyň Daşary işler ministri Mewlüt Çawuşoglu aýtdy, diýip Interfaks-Azerbaýjan habar berýär.
«Biz türkmen gazyny Türkiýä ibermek hem-de ony çägimiziň üsti bilen Ýewropa bazarlaryna üstaşyr geçirmek üçin tagallalarymyzy etmäge taýýar. Şu mesele şu gün Türkmenistanyň DIM-niň ýolbaşçysy R.Meredow bilen geçirilen duşuşykda maslahatlaşyldy. Ol şeýle hem şu gün Azerbaýjanyň we Türkmenistanyň daşary işler ministrleri bilen geçiriljek üçtaraplaýyn duşuşykda maslahatlaşylar» - diýip Çawuşoglu sişenbe güni Ankarada türkmen kärdeşi bilen bilelikdäki metbugat maslahatynda aýtdy.
Türkiýäniň DIM-niň ýolbaşçysy Ankaranyň Hazardaky «Dostluk» ýatagyny işläp taýýarlamak boýunça azerbaýjan-türkmen Ähtnamasyna gol çekilmegini goldaýandygyny belledi.
«Azerbaýjan bilen Türkmenistanyň arasynda bu resminama gol çekilmegine biz örän şatdyrys. Türkiýäniň kompaniýalary öz tarapyndan şu sebitde hem-de Hazar deňzinde işlemäge taýýar, bu barada men ministr Meredowa hem aýtdym» - diýip Çawuşoglu belledi.
2021-nji ýylda «Gazprom» Türkmenistandan 10,6 mlrd kub metr gaz satyn aldy
2021-nji ýylda «Gazprom» Türkmenistandan 10,6 mlrd kub metr gaz satyn aldy. Bu barada Türkmenistanyň Prezidentiniň Russiýa Federasiýasynyň Prezidenti bilen duşuşygyna taýýarlanylan materiallarda aýdylýar. Duşuşyk 15-16-njy sentýabrda Samarkandda ŞHG sammitiniň çäklerinde meýilleşdirildi diýip, RIA Nowosti ýazýar.
Türkmenistanyň Prezidentiniň Ýaponiýa saparynyň jemleri boýunça resminamalaryň toplumyna gol çekildi
Prezident Serdar Berdimuhamedowyň Ýaponiýa amala aşyran saparynyň jemleri boýunça hyzmatdaşlyk hakynda resminamalaryň toplumyna gol çekildi. 15-nji aprelde Serdar Berdimuhamedowyň ýapon işewürleri bilen geçiren duşuşygynyň jemleri boýunça ikitaraplaýyn resminamalara gol çekmek dabarasy boldy diýip, TDH habar berýär.
Türkmenistanyň Prezidenti Saud Arabystanynyň täze ilçisi bilen hyzmatdaşlygyň ileri tutulýan ugurlaryny maslahatlaşdy
17-nji aprelde Prezident Serdar Berdimuhamedow Saud Arabystany Patyşalygynyň Türkmenistanda täze bellenen Adatdan daşary we Doly ygtyýarly ilçisi Amer bin Ali Al-Şehrini kabul etdi. Ol döwlet Baştutanymyza ynanç hatyny gowşurdy diýip, TDH habar berýär.
Kuala-Lumpur TEIF 2025 halkara maýa goýum forumyny geçirmäge taýýarlyk görýär
2025-nji ýylyň 23–24-nji aprelinde Malaýziýanyň Kuala-Lumpur şäherinde geçiriljek “TEIF 2025” Türkmenistanyň halkara maýa goýum forumynyň açylmagyna az wagt galdy. Forumyň Guramaçylyk toparynyň habar bermegine görä, bu möhüm waka gatnaşmak üçin hasaba alyş eýýäm tamamlandy. Foruma jemi 42 ýurtdan 355-den gowrak wekil gatnaşar.
Türkmenistanyň we Russiýanyň Prezidentleri ŞHG-niň sammtiniň çäklerinde ikitaraplaýyn duşuşyk geçirerler
Türkmenistanyň Prezidenti Serdar Berdimuhamedow we Russiýa Federasiýasynyň Prezidenti Wladimir Putin Şanhaý Hyzmatdaşlyk Guramasynyň çäklerinde ikitaraplaýyn duşuşyk geçirerler. Bu barada Russiýanyň öňdebaryjy habarlar agentlikleri RF-niň Prezidentiniň halkara işleri boýunça kömekçisi Ýuriý Uşakowa salgylanyp habar berýär.