Tehniki okuw maslahaty geçirildi
09:10 10.02.2026 852
«Türkmengaz» döwlet konserniniň Ylmy-barlag tebigy gaz institutynda tehniki okuw maslahaty geçirildi. Oňa konserniň ýurdumyzyň ähli sebitlerindäki edara-kärhanalarynyň zähmeti goramak we tehniki howpsuzlyk bölümleriniň işgärleri gatnaşdylar. Maslahatda «Türkmengaz» DK-nyň düzümlerinde zähmeti goramak, senagat we ýangyn howpsuzlygy boýunça 2025-nji ýylda alnyp barlan işleriň jemi jemlenildi. Täze 2026-njy ýylda bu babatda alnyp barylmaly işler ara alnyp maslahatlaşyldy, öňde duran wezipeler kesgitlenildi.
Tehniki okuw maslahatynda «Türkmengaz» DK-nyň zähmeti goramak we tehniki howpsuzlyk bölüminiň başlygy Ylham Jumageldiýew, Türkmenistanyň Içeri işler ministrliginiň ýanyndaky Ýangyn howpsuzlygy müdirliginiň 1-nji bölüminiň müdiri Gurbangeldi Aliýew, Ýangyn howpsuzlygy müdirliginiň 6-njy bölüminiň uly gözegçisi Gurbangeldi Atageldiýew, Türkmenistanyň Saglygy goraýyş we derman senagaty ministrliginiň Aşgabat şäheriniň Arassaçylyk we keselleriň ýaýramagyna garşy göreşmek gullugynyň lukmany Tawus Nuryýewa, «Türkmenstandartlary» Baş döwlet gullugynyň uly döwlet inspektory Döwrangeldi Annamämmedow, Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşiniň başlygy Geldimyrat Seýtiýew we başgalar çykyş etdiler. Çykyşlarda bellenilişi ýaly, ýurdumyzda Arkadagly Gahryman Serdarymyzyň, Gahryman Arkadagymyzyň parasatly ýolbaşçylygy netijesinde her bir raýatyň dünýä ülňülerine laýyklykda döwrebap, ösen şertlerde zähmet çekmegi, ýaşamagy, dynç almagy hem-de hemmetaraplaýyn üns-alada bilen gurşalmagy döwlet syýasatynyň ileri tutulýan ugurlarynyň biri hökmünde kesgitlenendir.
Çäräniň dowamynda zähmeti goramak we dolandyrmak, işgärleriň, hünärmenleriň zähmet şertlerini, üpjünçiligini, howpsuzlygyny talabalaýyk guramak we ýangyn howpsuzlygynyň düzgünlerini, arassaçylyk kadalaryny pugta berjaý etmek, işgärler bilen edaranyň arasynda baglaşylan köpçülikleýin şertnamalary kämilleşdirmek, ýurdumyzyň döwlet syýasatynda ileri tutulýan, adam hakyndaky aladadan gelip çykýan çözgütleri köpçülikleýin şertnama girizmek, ony doly we dogry ýerine ýetirmek boýunça çykyşlara giň orun berildi.
Bulardan başga-da, pudagyň maddy-enjamlaýyn binýadynyň yzygiderli döwrebap tehnikalar we tehnologiýalar bilen üstüniň ýetirilmeginiň zähmeti goramak we tehniki howpsuzlyk boýunça geçirilýän çäreleriň has-da netijeliligini artdyrýandygy aýratyn nygtaldy.
Tehniki okuw maslahatynda çykyş eden wekiller bilen zähmeti goramak we tehniki howpsuzlyk boýunça hünärmenleriň arasynda sorag-jogap alşyldy, tejribeler paýlaşyldy, 2026-njy ýylda ýerine ýetirilmeli iş meýilnamalary diňlenildi.
Serdar Berdimuhamedow we ŞHG-niň Baş sekretary energetika, ulag ulgamlarynda Türkmenistanyň täze başlangyçlaryny maslahatlaşdy
Penşenbe güni Şanhaý Hyzmatdaşlyk Guramasyna agza döwletleriň Baştutanlarynyň Geňeşiniň mejlisine hormatly myhman hökmünde gatnaşmak üçin Samarkanda gelen hormatly Prezidentimiz Serdar Berdimuhamedow bu halkara düzümiň Baş sekretary Çžan Min bilen duşuşykda energetika we ulag ulgamlarynda anyk başlangyçlaryny öňe sürdi diýip, Türkmenistanyň Döwlet habarlar agentligi habar berýär.
TEIF 2025 halkara forumyna 42 döwletden 470 wekil gatnaşar
Çarşenbe güni, 23-nji aprelde Malaýziýanyň paýtagty Kuala-Lumpur şäherinde Türkmenistanyň halkara maýa goýum forumy – TEIF 2025 öz işine başlaýar. Bu iri möçberli çäräniň guramaçylary hökmünde «Türkmengaz» we «Türkmennebit» döwlet konsernleri, şeýle-de Türkmenistanyň Söwda-senagat edarasy çykyş edýär. Forum «Turkmen Energy Forum» HJ-niň goldawynda geçirilýär.
Türkmenistanyň we Russiýanyň Prezidentleri ŞHG sammitiniň çäklerinde döwletara hyzmatdaşlygy giňeltmegiň meselelerini maslahatlaşdylar
Penşenbe güni Şanhaý Hyzmatdaşlyk Guramasyna agza döwletleriň Baştutanlarynyň Geňeşiniň mejlisine hormatly myhman hökmünde gatnaşmak üçin Samarkant şäherine gelen Serdar Berdimuhamedow Russiýa Federasiýasynyň Prezidenti Wladimir Putin bilen duşuşdy. Bu barada Türkmenistanyň Döwlet habarlar agentligi habar berýär.
Birža söwdalary: dizel ýangyjy, suwuklandyrylan gaz we polietilen eksporta iberildi
Türkmenistanyň Döwlet haryt-çig mal biržasynyň geçen hepdedäki söwdalarynda jemi bahasy ABŞ-nyň 30 million 782 müň 850 dollaryna barabar boldy. Söwdalaryň barşynda jemi 52 sany geleşik hasaba alyndy.
Si Szinpin we Serdar Berdimuhamedow ýangyç-energetika toplumynda giň gerimli hyzmatdaşlygy ösdürmegi ylalaşdylar
Penşenbe güni Şanhaý Hyzmatdaşlyk Guramasyna agza döwletleriň Baştutanlarynyň Geňeşiniň mejlisine hormatly myhman hökmünde gatnaşmak üçin Samarkanda baran Türkmenistanyň Prezidenti Serdar Berdimuhamedow bilen Hytaý Halk Respublikasynyň Başlygy Si Szinpiniň arasynda geçirilen duşuşykda gaz ulgamynda, ulag we beýleki ugurlarda türkmen-hytaý gatnaşyklarynyň ösüşiniň geljegi ara alnyp maslahatlaşyldy. Bu barada Türkmenistanyň Döwlet habarlar agentligi habar berýär.