TEIF 2025 halkara forumyna 42 döwletden 470 wekil gatnaşar
07:39 23.04.2025 5073
Çarşenbe güni, 23-nji aprelde Malaýziýanyň paýtagty Kuala-Lumpur şäherinde Türkmenistanyň halkara maýa goýum forumy – TEIF 2025 öz işine başlaýar. Bu iri möçberli çäräniň guramaçylary hökmünde «Türkmengaz» we «Türkmennebit» döwlet konsernleri, şeýle-de Türkmenistanyň Söwda-senagat edarasy çykyş edýär. Forum «Turkmen Energy Forum» HJ-niň goldawynda geçirilýär.
22-nji aprelde «Turkmen Energy Forum» tarapyndan berlen maglumata görä, ýerli wagt bilen sagat 14:00-dan 21:00-a çenli Mandarin Oriental Kuala Lumpur myhmanhanasynda forumyň wekillerini bellige almakly geçirildi. TEIF 2025 forumyna dünýäniň 42 döwletinden 470 wekil gatnaşar.
Forumyň resmi açylyşy 23-nji aprelde, Kuala-Lumpur Konferensiýa merkezinde (KLCC) geçiriler.
Türkmenistandan gelen ýokary derejeli wekiliýet TEIF 2025 forumynyň çäklerinde ýurdumyzyň ykdysady ösüş strategiýasyny we energetika mümkinçiliklerini tanyşdyrar.
Türkmenistan ygtybarly energetiki hyzmatdaş hökmünde we Ýewraziýada strategiki merkez hökmünde abraýdan peýdalanýar. Hut şonuň üçin hem TEIF 2025 forumy ýurduň ykdysadyýetini diwersifikasiýalaşdyrmak we göni daşary ýurt maýa goýumlaryny çekmek üçin möhüm meýdança bolar.
Forumyň umumy mejlisleriniň birinde çykyş etjekleriň hatarynda PETRONAS toparynyň prezidenti we baş direktory Şri Tengku Muhammet Taufik bar. Ol «Bütindünýä parahatçylyk we ynam ýyly: dünýäniň energetika geljeginde Türkmenistanyň orny we durnukly ösüşe goşandy» atly mowzuk bilen çykyş eder. Onuň gatnaşmagy iki ýurduň arasyndaky strategik gatnaşyklaryň çuňlugyny hem-de PETRONAS-nyň dünýä energetika geçişine we uzak möhletleýin hyzmatdaşlyga ygrarlydygyny görkezýär.
Birinji sessiýada çykyş etjekleriň arasynda Hytaýyň CNODC kompaniýasynyň baş direktorynyň orunbasary U Daweý hem bar. Ol «Türkmenistanda energetika pudagyndaky täze maýa goýum mümkinçilikleri: tebigy gaz we monetizasiýa» temasy boýunça çykyş eder. Hytaýyň energetika strategiýasyna esaslanyp, onuň garaýyşlary sebitleýin energiýa howpsuzlygy we monetizasiýa modelleri boýunça möhüm maglumatlary berer.
Dördünji sessiýada bolsa Pakistanyň Söwda-senagat palatalar federasiýasynyň wise-prezidenti Zaki Aýdjaz çykyş eder. «Türkmenistan bilen Malaýziýanyň hususy pudaklarynyň arasyndaky sinergiýany pugtalandyrmak: senagat we hyzmatlary ösdürmek» temasy boýunça çykyş etmek bilen, ol global günorta ýurtlaryna gönükdirilýän halkara maýa goýum akymlarynyň barha artýandygyny nygtar.
Forumda çykyş etjek beýleki belli wekilleriň hatarynda: BMG-niň Aziýa we Ýuwaş ummany boýunça Ykdysady we jemgyýetçilik komissiýasynyň ýerine ýetiriji sekretary Armiýda Salsiýa Alişahbana; Energetika Hartiýasynyň sekretariatynyň baş secretary Atsuko Hirose; OPEK-iň baş sekretary Haýtam Al Gaýs; Bütindünýä gaýtadan dikeldilýän energiýa agentliginiň (IRENA) baş direktory Fransesko La Kamera; Gazy eksport edýän ýurtlaryň forumynyň (GECF) baş sekretary Mohamed Hamel; PETRONAS Çarigali (Türkmenistan) Sdn Bhd-nyň baş direktory Ismadi bin Ismail; Halkara Energetika agentliginiň (IEA) ýerine ýetiriji direktory Fatih Birol; XRG-niň (ADNOC) iş ösüşi boýunça direktory Abdulla Al Şamsi; Global Gaz Merkeziň (GGC) ýerine ýetiriji direktory Waleri Dýukro bar.
Forumuň dowamynda özara düşünişmek baradaky birnäçe Ähtnamalara we hyzmatdaşlyk ylalaşyklaryna gol çekmek meýilleşdirilýär.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.