Türkmenistan we Global Gaz Merkezi gaz ulgamynda hyzmatdaşlyk meselelerini maslahatlaşdy
12:46 05.12.2025 3538
1-nji dekabrda Aşgabatda Türkmenistanyň Ministrler Kabinetiniň Başlygynyň orunbasary Batyr Amanow bilen Global Gaz Merkeziniň (GGC) ýolbaşçysy Waleri Dýukronyň arasynda duşuşyk geçirildi. Bu barada Türkmenistanyň Şweýsariýa Konfederasiýasyndaky ilçihanasynyň web sahypasynda habar berilýär.
Gepleşikleriň dowamynda dünýä bazarlaryna gazyň iberilmeginiň ygtybarlylygyny üpjün etmegiň ähmiýetiniň artmagy, howpsuzlygy, diwersifikasiýany berkitmegiň we uzak möhletli hyzmatdaşlygy ýola goýmagyň bähbitlerine sebit energiýa hyzmatdaşlygyny ösdürmek, şeýle hem türkmen gazynyň eksport ugurlaryny giňeltmek bilen baglanyşykly meselelere garaldy.
Türkmen tarapy halkara energetika düzümleri bilen özara bähbitli hyzmatdaşlygy ösdürmäge ygrarlydygyny tassyklady.
Duşuşykda Türkmenistanyň sebit we ählumumy energetika gün tertibini kemala getirmekde ygtybarly hyzmatdaş hökmündäki orny nygtaldy.
Habarda bellenilişi ýaly, türkmen tarapy halkara energetika institutlary bilen özara bähbitli hyzmatdaşlygy ösdürmäge ygrarlydygyny tassyklady.
GGC energetika howpsuzlygy, sebitleýin hyzmatdaşlyk, infrastruktura taslamalary we pes uglerodly ykdysadyýete geçiş meseleleriniň ara alnyp maslahatlaşylýan garaşsyz hünärmenler_platformasy hökmünde hereket edýär. Gurama tehnologik taýdan pragmatik çemeleşmäni öňe sürýär: tebigy gaz, pes uglerodly we gaýtadan dikeldilýän gazlar energiýa geçişiniň deňagramly bölekleri hökmünde kabul edilýär.
Türkmenistanyň Halk Maslahatynyň Başlygy we Özbegistanyň Prezidenti hyzmatdaşlygyň geljegini maslahatlaşdylar
14-nji oktýabrda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň Özbegistan Respublikasynyň Prezidenti Şawkat Mirziýoýew bilen telefon arkaly söhbetdeşligi boldy diýip, TDH habar berýär.
Türkmenistanyň Prezidenti Awazada BMG-niň maslahatyna taýýarlyk işleri bilen tanyşdy
30-njy iýulda Prezident Serdar Berdimuhamedow Balkan welaýatyna iş saparyny amala aşyryp, onuň dowamynda BMG-niň Deňze çykalgasy bolmadyk ösüp barýan ýurtlar boýunça üçünji maslahatynyň ýokary guramaçylyk derejesinde geçirilmegi bilen bagly ýerine ýetirilen işler bilen tanyşdy diýip, TDH habar berýär.
Türkmenistan we Azerbaýjan ileri tutulýan ugurlarda özara gatnaşyklary giňeltmekligi ylalaşdylar
28-nji iýulda Azerbaýjanyň Baku şäherinde geçirilen ykdysady hyzmatdaşlyk boýunça türkmen-azerbaýjan hökümetara toparynyň 8-nji mejlisiniň jemleri boýunça gol çekilen Teswirnamada söwda-ykdysady, energetika, ulag, oba hojalygy we beýleki ugurlarda hyzmatdaşlygy giňeltmegi göz öňünde tutýar. Bu barada Türkmenistanyň DIM-niň saýtynda habar berilýär.
TDHÇMB-niň söwdalarynda dizel ýangyjy ýerlenildi
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 9-sy hasaba alyndy.
Türkmenistanyň Prezidenti Serdar Berdimuhamedowyň wezipä girişmegi mynasybetli dabara geçirildi
2022-nji ýylyň 19-njy marty aýratyn ähmiýetli taryhy waka hökmünde özygtyýarly Türkmen döwletiniň ýyl ýazgysyna girdi. Paýtagtymyzyň Ruhyýet Köşgünde Türkmenistanyň saýlanan Prezidentiniň wezipä girişmegi mynasybetli geçirilen dabara, şeýle hem bu wakanyň öňýanynda geçirilen saýlawlar türkmen halkynyň mizemez jebisligini, onuň jöwher paýhasyny we ýaş nesle bildirýän ynamyny nobatdaky gezek aýdyň görkezdi.