BAE ýakyn ýyllarda Türkmenistan bilen haryt dolanyşygyny iki esse artdyrmagy meýilleşdirýär - ilçi
19:52 03.12.2025 1897
Ýakyn ýyllarda Birleşen Arap Emirlikleri Türkmenistan bilen daşary söwda dolanyşygyny iki esse artdyrmagy meýilleşdirýär. Bu barada BAE-niň Türkmenistandaky Adatdan daşary we Doly ygtyýarly ilçisi Ahmet Al-Haý Al-Hammeli döwletiň jar edilen güni mynasybetli «Neýtralnyý Türkmenistan» gazetinde çap edilen makalada belledi.
Diplomatyň bellemegine görä, «2024-nji ýylda iki ýurduň arasyndaky (nebit bilen bagly bolmadyk) söwda dolanyşygy 1,759 milliard ABŞ dollaryna ýetdi we bu görkeziji 2023-nji ýyl bilen deňeşdirilende 75% ösüşiň gazanylandygyny görkezýär. BAE ýakyn ýyllarda bu görkezijini iki esse artdyrmagy maksat edinýär».
Ilçiniň sözlerine görä, 2025-nji ýylyň ilkinji dokuz aýynyň jemleri boýunça BAE Türkmenistan bilen söwda gatnaşyklarynda üçünji orunda ýerleşýär. Ol aýratyn energetika ulgamy boýunça ikitaraplaýyn gatnaşyklaryň ýokary depginde ösýändigini belläp, ADNOC kompaniýasynyň türkmen bazaryna girişini aýratyn nygtady.
Diplomat şeýle hem 2025-nji ýylyň maý aýynda Hazar deňzindäki 1-nji blokda ýerleşýän gaz känlerini özleşdirmek boýunça önümi paýlaşmak hakyndaky ylalaşyga XRG (ADNOC-yň maýa goýum bölümi), Petronas hem-de Türkmenistanyň döwlet kärhanalarynyň arasynda gol çekilendigini ýatlatdy. Mundan başga-da, gaz satyşynyň uzak möhletli şertnamasy hem baglaşyldy.
Türkiýä, Russiýa we Özbegistana 600 tonna töweregi polipropilen ýüplügi eksport edildi
«Bagtyýar gurluşyk» hojalyk jemgyýeti 600 tonna töweregi polipropilen ýüplügini eksport etdi. Hususan-da, kompaniýa bu önümi Türkiýä, Russiýa we Özbegistana iberdi diýip, Türkmenistanyň Senagatçylar we telekeçiler birleşmesi habar berdi.
Türkmenistanda Beýik Watançylyk urşunda gazanylan Ýeňşiň 80 ýyllygy bellenildi
9-njy maýda Türkmenistanda şanly baýram — 1941 — 1945-nji ýyllaryň Beýik Watançylyk urşunda gazanylan Ýeňşiň 80 ýyllygy bellenildi. Aşgabatdaky “Halk hakydasy” ýadygärlikler toplumynda geçirilen gül goýmak dabarasyna türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow gatnaşdy.
Türkmenistanyň Prezidenti Beýik Ýeňşiň 80 ýyllygy mynasybetli Moskwada geçirilen dabaralara gatnaşdy
9-njy maýda Prezident Serdar Berdimuhamedow iş sapary bilen Russiýa Federasiýasyna bardy. Ol ýerde Türkmenistanyň Prezidenti Russiýanyň Prezidenti Wladimir Putiniň çakylygy boýunça 1941 — 1945-nji ýyllaryň Beýik Watançylyk urşunda gazanylan Ýeňşiň 80 ýyllygynyň hormatyna Moskwada geçirilýän dabaraly çärelere gatnaşdy diýip, TDH habar berýär.
2021-nji ýylda Türkmenistanyň Gruziýa nebit we nebit önümleriniň eksportyndan girdejisi 191 mln dollardan geçdi
2021-nji ýylyň jemleri boýunça Türkmenistanyň Gruziýa nebit we nebit önümleriniň eksporty 191,8 million dollara barabar boldy, bu 2020-nji ýyl bilen deňeşdirilende 186,2% artykdyr. Bu barada Trend agentligi Gruziýanyň Milli statistika müdirligine salgylanyp habar berýär.
Nebitgaz toplumynda dört aýyň jemlerine garaldy
Türkmenistanyň nebitgaz toplumynyň merkezi binasynda Halkara parahatçylyk we ynanyşmak ýylynyň dört aýynda ýerine ýetirilen işleriň jemine bagyşlanan hasabat ýygnagy geçirildi. Onda 8-nji maýda hormatly Prezidentimiz Serdar Berdimuhamedowyň milli ykdysadyýetimiziň pudaklarynda şu ýylyň dört aýynda alnyp barlan işleriň netijelerine bagyşlap, sanly ulgam arkaly geçiren Türkmenistanyň Ministrler Kabinetiniň mejlisinde ýurdumyzyň nebitgaz toplumynyň öňünde goýan wezipeleri ara alnyp maslahatlaşyldy.