Owganystan boýunça ÝB–Merkezi Aziýa dialogynyň 7-nji mejlisine gatnaşyjylar özara gatnaşyklaryň ileri tutulýan meselelerini maslahatlaşdylar
10:15 15.11.2025 2116
Brýusselde Owganystan boýunça ÝB–Merkezi Aziýa dialogynyň 7-nji mejlisi geçirildi. Foruma sebit ýurtlarynyň hem-de Ýewropa Bileleşiginiň edaralarynyň wekilleri gatnaşdylar. Duşuşykda Türkmenistana Türkmenistanyň Belgiýa Patyşalygyndaky ilçisi S. Pälwanow wekilçilik etdi. Bu barada 13-nji noýabrda Türkmenistanyň DIM-niň saýtynda habar berilýär.
Duşuşyga gatnaşyjylar durnukly ösüş, sebitleýin baglanyşyk, ynsanperwer goldaw hem-de sebitiň durnuklylygyň we abadançylygynyň bähbidine Owganystan bilen hyzmatdaşlygyň amaly formatlary ýaly möhüm meseleleri ara alyp maslahatlaşdylar.
Mejlisiň dowamynda türkmen tarapy Owganystanyň durnukly ösüşiniň sebit howpsuzlygyň möhüm şerti bolup durýandygyny, muňa ýetmegiň iň netijeli ýolunyň bolsa ykdysady goşulyşma, ynsanperwer hyzmatdaşlygyň giňeldilmegi hem-de ýerlerde ilatyň durmuş derejesini ýokarlandyrmaga gönükdirilen anyk infrastruktura taslamalarynyň amala aşyrylmagy bilen baglanyşyklydygyny nygtady.
Duşuşygyň öňüsyrasynda, 11-nji noýabrda, Türkmenistanyň wekiliýeti ÝB-niň Merkezi Aziýa boýunça ýörite wekili Eduards Stipraýs hem-de ÝB-niň Owganystan boýunça ýörite wekili Žil Bertran bilen iş duşuşygyny geçirdi. Ýewropa tarapy Owganystan boýunça ÝB–Merkezi Aziýa dialogynyň aýratyn ähmiýetini belläp, sebit ýurtlarynyň owgan ugry boýunça durmuşa geçirýän amaly ädimlerine uly gyzyklanma bildirdi.
Duşuşygyň merkezi meseleleriniň hatarynda suw gün tertibi, serhetýaka hyzmatdaşlygy hem-de energetika we ulag baglanyşygy boýunça iri infrastruktura taslamalary boldy.
Hususan-da, TOPH gaz geçirijisi ýaly möhüm taslama aýratyn bellenildi. Şeýle hem, elektrik energiýasyny geçirmek boýunça beýleki infrastruktura ugurlary, şol sanda gol çekilen ylalaşyklaryň çäklerinde Owganystana türkmen elektrik energiýasynyň eksportyny artdyrmak meselesi ara alnyp maslahatlaşyldy. Türkmen tarapy şeýle ädimleriň serhetýaka welaýatlaryň durmuş-ykdysady ýagdaýyny durnuklaşdyrmak, jemagat hyzmatlaryň elýeterliligini ýokarlandyrmak hem-de kiçi we orta telekeçilik üçin täze mümkinçilikleri döredilmek üçin amaly ähmiýetini nygtady.
Ynsanperwer ugurda Türkmenistan owgan halkyna elektrik energiýasy we ilkinji zerurlykdaky harytlar boýunça kömek bermegi, şeýle hem bilim mümkinçiliklerini giňeltmegi dowam etdirýär.
Brýusselde geçirilen gepleşikler Owganystana degişli giň gerimli meseleler boýunça Merkezi Aziýa ýurtlary bilen Ýewropa Bileleşiginiň arasyndaky özara düşünişmegiň we ynanyşmagyň ýokary derejesini tassyklady.
Owganystan boýunça ÝB–Merkezi Aziýa dialogynyň 7-nji mejlisiniň jemleri boýunça netijeli hyzmatdaşlygy dowam etdirmek boýunça meýiller tassyklandy diýip, Türkmenistanyň DIM-i habar berýär.
Türkmenistanyň we Türkiýäniň Prezidenti telefon arkaly söhbetdeşlikde döwletara hyzmatdaşlygyny ösdürmegiň mümkinçiliklerini maslahatlaşdylar
Prezident Gurbanguly Berdimuhamedowyň Türkiýe Respublikasynyň Prezidenti Rejep Taýyp Ärdogan bilen geçiren telefon arkaly söhbetdeşliginde köpugurly döwletara hyzmatdaşlygyny mundan beýläk-de ösdürmegiň meseleleri ara alnyp maslahatlaşyldy. Bu barada Türkmenistanyň Döwlet habarlar agentligi habar berýär.
Türkmenistanyň Prezidenti “Dragon Oil” kompaniýasynyň ýolbaşçysy bilen nebitgaz ulgamynda hyzmatdaşlygyň geljegini maslahatlaşdy
Duşenbe güni Prezident Serdar Berdimuhamedow “Dragon Oil” kompaniýasynyň direktorlar geňeşiniň başlygy Saýed Al Taýeri kabul etdi diýip, TDH habar berýär.
Mart aýynda Aşgabatda we Dubaýda nebitgaz maýa goýum forumy geçiriler
29-30-njy martda Aşgabatda we Dubaýda «Türkmenistanyň nebiti we gazy» halkara maýa goýum forumy geçiriler. Bu barada Ministrler Kabinetiniň Başlygynyň orunbasary Ş.Abdrahmanow geçen anna güni geçirilen Hökümet mejlisinde Prezident Gurbanguly Berdimuhamedowa hasabat berdi.
Nebitgaz toplumynda ýylyň bäş aýynyň jemlerine garaldy
5-nji iýunda Türkmenistanyň nebitgaz toplumynyň merkezi binasynda Halkara parahatçylyk we ynanyşmak ýylynyň bäş aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 4-nji iýunda hormatly Prezidentimiz Serdar Berdimuhamedowyň milli ykdysadyýetimiziň pudaklarynda şu ýylyň bäş aýynda alnyp barlan işleriň netijelerine bagyşlap, sanly ulgam arkaly geçiren Türkmenistanyň Ministrler Kabinetiniň mejlisinde ýurdumyzyň nebitgaz toplumynyň öňünde goýan wezipeleri ara alnyp maslahatlaşyldy.
Türkmenistan Hazarüsti gaz geçirijisiniň taslamasyny durmuşa geçirmek boýunça hyzmatdaşlar bilen gatnaşyklary dowam etmäge taýýar — DIM
Türkmenistan energetika akymlaryny diwersifikasiýalaşdyrmak strategiýasyna ygrarlydyr hem-de Hazarüsti turba geçirijisiniň taslamasyny durmuşa geçirmekde hyzmatdaşlar bilen özara hereketlerini dowam etdirmäge taýýardygyny mälim edýär. Bu barada Türkmenistanyň Daşary işler ministrligini köpçülikleýin habar beriş serişdeleri üçin ýaýradan habarynda aýdylýar.