“Türkmentel – 2025” sergisinde türkmen dilinde gürleýän robotlar hödürlendi
10:30 15.11.2025 2836
Aşgabatda «Türkmentel – 2025» halkara sergisinde «Aýdyň gijeler» hojalyk jemgyýeti türkmen dilini goldaýan emeli aň (EI) esasynda işleýän robot tehnologiýalaryny hödürledi diýip, Turkmenportal habar berýär.
Elektron senagaty boýunça Türkmenistanyň iri öndürijileriniň biri bolan «Aýdyň gijeler» kompaniýasy milli sergilere yzygiderli gatnaşyp, täze önümleri bilen çykyş edýär we önümçilik gerimini barha giňeldýär.
Bu gezekki sergide kompaniýa emeli aň esasly robototehnikadan başga-da, elektron enjamlar, kabel önümleri, töleg we SIM-kartalar, lukmançylyk ätiýaçlandyryş kartalary hem-de bankomatlar ýaly giň assortimentdäki elektron önümleri görkezdi.
Foruma Türkmenistanyň we birnäçe daşary ýurtlaryň — Azerbaýjan, BAE, ABŞ, Beýik Britaniýa, Belarus, Gazagystan, Germaniýa, Finlýandiýa, Fransiýa, Russiýa, Hytaý, Şweýsariýa we Ýaponiýa ýaly döwletleriň — 80-den gowrak ugurdaş kompaniýasynyň wekilleri gatnaşdy. Daşary ýurtly gatnaşyjylarynyň aglabasy ýurdumyzyň sanly ulgamyny ösdürmek we Türkmenistanyň sebitde möhüm ulag-logistika merkezi hökmünde ornuny berkitmek boýunça giň gerimli taslamalara işjeň gatnaşýarlar.
Sergide birnäçe türkmen hususy kompaniýalary hem öz önümlerini we hyzmatlaryny görkezdiler. Olar sanly platformalar, mobil goşundylar hem-de programma üpjünçiligini işläp taýýarlamak boýunça ýöriteleşen «Belet», «Sanly çözgüt – IT meýdança», «Nokat Kompýuter» we beýleki hojalyk jemgyýetleridir.
Türkmenistanyň we Türkiýäniň Prezidenti telefon arkaly söhbetdeşlikde döwletara hyzmatdaşlygyny ösdürmegiň mümkinçiliklerini maslahatlaşdylar
Prezident Gurbanguly Berdimuhamedowyň Türkiýe Respublikasynyň Prezidenti Rejep Taýyp Ärdogan bilen geçiren telefon arkaly söhbetdeşliginde köpugurly döwletara hyzmatdaşlygyny mundan beýläk-de ösdürmegiň meseleleri ara alnyp maslahatlaşyldy. Bu barada Türkmenistanyň Döwlet habarlar agentligi habar berýär.
Türkmenistanyň Prezidenti “Dragon Oil” kompaniýasynyň ýolbaşçysy bilen nebitgaz ulgamynda hyzmatdaşlygyň geljegini maslahatlaşdy
Duşenbe güni Prezident Serdar Berdimuhamedow “Dragon Oil” kompaniýasynyň direktorlar geňeşiniň başlygy Saýed Al Taýeri kabul etdi diýip, TDH habar berýär.
Mart aýynda Aşgabatda we Dubaýda nebitgaz maýa goýum forumy geçiriler
29-30-njy martda Aşgabatda we Dubaýda «Türkmenistanyň nebiti we gazy» halkara maýa goýum forumy geçiriler. Bu barada Ministrler Kabinetiniň Başlygynyň orunbasary Ş.Abdrahmanow geçen anna güni geçirilen Hökümet mejlisinde Prezident Gurbanguly Berdimuhamedowa hasabat berdi.
Nebitgaz toplumynda ýylyň bäş aýynyň jemlerine garaldy
5-nji iýunda Türkmenistanyň nebitgaz toplumynyň merkezi binasynda Halkara parahatçylyk we ynanyşmak ýylynyň bäş aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 4-nji iýunda hormatly Prezidentimiz Serdar Berdimuhamedowyň milli ykdysadyýetimiziň pudaklarynda şu ýylyň bäş aýynda alnyp barlan işleriň netijelerine bagyşlap, sanly ulgam arkaly geçiren Türkmenistanyň Ministrler Kabinetiniň mejlisinde ýurdumyzyň nebitgaz toplumynyň öňünde goýan wezipeleri ara alnyp maslahatlaşyldy.
Türkmenistan Hazarüsti gaz geçirijisiniň taslamasyny durmuşa geçirmek boýunça hyzmatdaşlar bilen gatnaşyklary dowam etmäge taýýar — DIM
Türkmenistan energetika akymlaryny diwersifikasiýalaşdyrmak strategiýasyna ygrarlydyr hem-de Hazarüsti turba geçirijisiniň taslamasyny durmuşa geçirmekde hyzmatdaşlar bilen özara hereketlerini dowam etdirmäge taýýardygyny mälim edýär. Bu barada Türkmenistanyň Daşary işler ministrligini köpçülikleýin habar beriş serişdeleri üçin ýaýradan habarynda aýdylýar.