Frankfurtda “Türkmenistanyň ykdysadyýetiniň günleri” başlanýar: Ýewropa bilen hyzmatdaşlygyň täze sepgitleri
11:54 31.10.2025 1829
2025-nji ýylyň 30–31 oktýabrynda Frankfurtda halkara ykdysady forum — «Türkmenistanyň ykdysadyýetiniň günleri» geçirilýär. Bu forum Türkmenistanyň we Ýewropa Bileleşiginiň döwletleriniň arasyndaky işewür gatnaşyklary berkitmek üçin iri dialog meýdançasyna öwrüler.
Çäre Radisson Blu Frankfurt myhmanhanasynda geçiriler. Foruma Germaniýanyň öňdebaryjy kompaniýalaryndan we maliýe guramalaryndan — Deutsche Bank, Commerzbank, KfW IPEX-Bank, Bayer, BASF, Knauf, Merck ýaly 70-den gowrak kompaniýalaryň wekilleri, şeýle hem 50-dan gowrak türkmen kärhanalary we döwlet edaralary gatnaşar.
Forumyň çäklerinde Türkmenistanyň ykdysadyýetiniň esasy ugurlary — energetika, himiýa senagaty, oba hojalygy, dokma senagaty, saglygy goraýyş we farmasewtika hödürleniler. Meýilnamada tematik sessiýalar, ykdysady ikitaraplaýyn duşuşyklar we hyzmatdaşlyk hakynda ylalaşyklara gol çekmek göz öňünde tutulýar.
Çäräniň baş hyzmatdaşlary hökmünde «Ojar Aziýa» kompaniýasy we John Deere çykyş edýärler. Bu forumyň strategik ähmiýetiniň ýokarydygyny görkezýär.
Maksatnamanyň çäginde BASF we Wirtgen Group kärhanalaryna baryp görmek, şeýle hem Germaniýanyň öňdebaryjy ykdysady institutlarynda maslahatçylaryň gatnaşmagynda tegelek stollar geçiriler.
Forum Türkmenistanyň Söwda-senagat edarasy tarapyndan «TMT Consulting Group» guramasynyň goldawy bilen guralýar diýip, Türkmenistan Halkara habarlar merkezi habar berýär.
Türkmenistanyň DIM-niň ýolbaşçysy Duşenbede ikitaraplaýyn we sebit hyzmatdaşlygynyň meselelerini maslahatlaşdy
«Merkezi Aziýa – Koreýa Respublikasy» hyzmatdaşlyk Forumynyň 14-nji mejlisine gatnaşmagynyň çäklerinde Türkmenistanyň Ministrler Kabinetiniň Başlygynyň orunbasary, Daşary işler ministri Raşid Meredowyň Täjigistan Respublikasynyň Prezidenti Emomali Rahmon bilen geçiren duşuşygynda ikitarapalýyn we sebit hyzmatdaşlygynyň meseleleri ara alnyp maslahatlaşyldy diýip, Türkmenistanyň daşary syýasat edarasynyň saýty habar berýär.
Türkmenistanyň Prezidenti german kompaniýalarynyň ýolbaşçylary bilen hyzmatdaşlygyň ileri tutulýan ugurlaryny maslahatlaşdy
Astanada geçirilýän Merkezi Aziýa ýurtlarynyň döwlet Baştutanlarynyň we Germaniýa Federatiw Respublikasynyň Federal Kansleriniň ikinji duşuşygyna gatnaşýan Prezident Serdar Berdimuhamedow dostlukly ýurduň işewür toparlarynyň wekilleri bilen duşuşdy diýip, TDH habar berýär.
Türkmenistanyň we BMG-niň wekilleri Deňze çykalgasy bolmadyk ösüp barýan ýurtlar boýunça üçünji maslahatyna taýýarlyk meselelerini maslahatlaşdylar
28-nji maýda Türkmenistanyň daşary işler ministri Raşid Meredow BMG-niň Baş sekretarynyň orunbasary, Az derejede ösen, deňze çykalgasy bolmadyk ösüp barýan ýurtlar hem-de kiçi ada döwletler boýunça Ýokary wekili Rabab Fatima bilen wideoaragatnaşyk görnüşinde duşuşyk geçirdi diýip, türkmen daşary syýasat edarasynyň saýtynda habar berilýär.
Russiýa bilen Türkmenistanyň Owganystan babatda çemeleşmeleri ýakyn — RF-niň ilçisi
Geçen ýekşenbe güni Aşgabatda Türkmenistanyň başlyklyk etmeginde geçirilen Ykdysady Hyzmatdaşlyk Guramasynyň (YHG) döwlet Baştutanlarynyň 15-nji sammitiniň jemleri boýunça penşenbe güni guralan brifingde eden çykyşynda Russiýa Federasiýasynyň Türkmenistandaky ilçisi Aleksandr Blohin Owganystandaky ýagdaýa çemeleşmekde Moskwa bilen Aşgabadyň çemeleşmeleriniň ýakynlygyny belledi.
BAE-niň Türkmenistandaky ilçisi HNGU-da nebitgaz pudagy üçin emeli aň tehnologiýalary boýunça okuw sapagyny geçirdi
27-nji maýda Ýagşygeldi Kakaýew adyndaky Halkara nebit we gaz uniwersitetinde “Türkmenistan bilen Birleşen Arap emirlikleri: nebitgaz ulgamyna emeli aňy ornaşdyrmak boýunça hyzmatdaşlyk” temasy boýunça okuw sapagy geçirildi.