CIET 2025 halkara maslahatyna taýýarlyk işleri tamamlaýjy tapgyra girdi
21:44 29.10.2025 1706
3-4-nji noýabrda «Awaza» milli syýahatçylyk zolagynda geçiriljek «Türkmenistanyň gurluşyk, senagat, himiýa, energetika pudaklarynyň ösüşi» atly halkara sergisi we maslahaty» (CIET 2025) atly halkara maslahatynyň başlanmagyna bary-ýogy bäş gün galdy. Çäräniň Guramaçylyk komiteti taýýarlyklaryň jemleýji tapgyrda alnyp barylýandygyny habar berýär.
Maslahat döwlet düzümleriniň, halkara kompaniýalarynyň we işewür toparlarynyň wekillerini Türkmenistanyň möhüm pudaklarynyň geljekki ösüşi boýunça maslahatlaşmak üçin bir ýere jemlär.
Maslahatyň guramaçylarty bolup, «Türkmenhimiýa» döwlet konserni, Senagat we gurluşyk önümçiligi ministrligi, Energetika ministrligi, Gurluşyk we binagärlik ministrligi, Awtomobil ýollarynyň gurluşygyny dolandyrmak baradaky döwlet agentligi, Aşgabat şäheriniň häkimligi çykyş edýär.
Bu bilelikdäki tagallalar innowasiýalaryň ösüşine, tehnologik ösüşe we senagat pudagyny güýçlendirmäge gönükdirilen Türkmenistanyň strategik ugruny görkezýär.
Çalyk Holding kompaniýasy CIET 2025-niň Baş hyzmatdaşynyň derejesinde çykyş edýär. Çärä dünýäniň 56 ýurdundan gelen 800-den gowrak wekil gatnaşar. Bu kompaniýanyň Türkmenistanyň gurluşyk, senagat we energetika ugurlarynda uzak ýyllaryň dowamynda goşan saldamly goşandynyň ykrar edilýändiginiň subutnamasydyr.
Maslahata gatnaşýanlar üçin Aşgabat–Türkmenbaşy–Aşgabat ugry boýunça ýörite çarter uçuşlar gurnaldy. Wekiller maslahatyň geçirilýän ýerine ýakyn ýerleşýän döwrebap «Berkarar», «Şamçyrag» we «Gämi» myhmanhanalarynda ýerleşdiriler.
Bellige almak we akkreditasiýa işleri «Şamçyrag» we «Berkarar» myhmanhanalarynda geçiriler. Bu ýerde gatnaşyjylara maglumat we guramaçylyk goldawy berler.
Maslahatyň maksatnamasyna umumy mejlisler, tematik panel duşuşyklary, B2G (hökümet bilen işewürlik) we B2B (işewürlik bilen işewürlik) gepleşikleri girýär.
Maslahatyň gün tertibine durnukly gurluşyk, energetika geçişi, senagatyň diwersifikasiýasy, himiýa önümçiligindäki innowasiýalar girýär.
Şeýle hem aýratyn üns sanlylaşdyrma, infrastrukturanyň ösüşi, adam ösüşiniň ykdysady ösüşde tutýan orny ýaly meseleler ara alnyp maslahatlaşylar.
Giňişleýin maglumat: https://ciet-turkmenistan.com
Türkmenistanyň DIM-niň ýolbaşçysy Duşenbede ikitaraplaýyn we sebit hyzmatdaşlygynyň meselelerini maslahatlaşdy
«Merkezi Aziýa – Koreýa Respublikasy» hyzmatdaşlyk Forumynyň 14-nji mejlisine gatnaşmagynyň çäklerinde Türkmenistanyň Ministrler Kabinetiniň Başlygynyň orunbasary, Daşary işler ministri Raşid Meredowyň Täjigistan Respublikasynyň Prezidenti Emomali Rahmon bilen geçiren duşuşygynda ikitarapalýyn we sebit hyzmatdaşlygynyň meseleleri ara alnyp maslahatlaşyldy diýip, Türkmenistanyň daşary syýasat edarasynyň saýty habar berýär.
Türkmenistanyň Prezidenti german kompaniýalarynyň ýolbaşçylary bilen hyzmatdaşlygyň ileri tutulýan ugurlaryny maslahatlaşdy
Astanada geçirilýän Merkezi Aziýa ýurtlarynyň döwlet Baştutanlarynyň we Germaniýa Federatiw Respublikasynyň Federal Kansleriniň ikinji duşuşygyna gatnaşýan Prezident Serdar Berdimuhamedow dostlukly ýurduň işewür toparlarynyň wekilleri bilen duşuşdy diýip, TDH habar berýär.
Türkmenistanyň we BMG-niň wekilleri Deňze çykalgasy bolmadyk ösüp barýan ýurtlar boýunça üçünji maslahatyna taýýarlyk meselelerini maslahatlaşdylar
28-nji maýda Türkmenistanyň daşary işler ministri Raşid Meredow BMG-niň Baş sekretarynyň orunbasary, Az derejede ösen, deňze çykalgasy bolmadyk ösüp barýan ýurtlar hem-de kiçi ada döwletler boýunça Ýokary wekili Rabab Fatima bilen wideoaragatnaşyk görnüşinde duşuşyk geçirdi diýip, türkmen daşary syýasat edarasynyň saýtynda habar berilýär.
Russiýa bilen Türkmenistanyň Owganystan babatda çemeleşmeleri ýakyn — RF-niň ilçisi
Geçen ýekşenbe güni Aşgabatda Türkmenistanyň başlyklyk etmeginde geçirilen Ykdysady Hyzmatdaşlyk Guramasynyň (YHG) döwlet Baştutanlarynyň 15-nji sammitiniň jemleri boýunça penşenbe güni guralan brifingde eden çykyşynda Russiýa Federasiýasynyň Türkmenistandaky ilçisi Aleksandr Blohin Owganystandaky ýagdaýa çemeleşmekde Moskwa bilen Aşgabadyň çemeleşmeleriniň ýakynlygyny belledi.
BAE-niň Türkmenistandaky ilçisi HNGU-da nebitgaz pudagy üçin emeli aň tehnologiýalary boýunça okuw sapagyny geçirdi
27-nji maýda Ýagşygeldi Kakaýew adyndaky Halkara nebit we gaz uniwersitetinde “Türkmenistan bilen Birleşen Arap emirlikleri: nebitgaz ulgamyna emeli aňy ornaşdyrmak boýunça hyzmatdaşlyk” temasy boýunça okuw sapagy geçirildi.