CNPC Türkmenistan bilen strategik hyzmatdaşlygy çuňlaşdyrmagy meýilleşdirýär
18:58 23.10.2025 3884
Türkmenistandan Hytaýa tebigy gazyň eksportynyň umumy möçberi 450 milliard kub metre ýetdi. Bu görkeziji iki ýurduň ykdysady we durmuş ösüşine güýçli itergi berdi diýip, CNPC-niň Merkezi Aziýa we Russiýa boýunça prezidenti Çen Huaýlun “Türkmenistanyň nebiti we gazy — 2025” atly 30-njy halkara maslahatynda aýtdy diýip, Türkmenistan Halkara habarlar portaly habar berýär.
Çen Huaýlunyň bellemegine görä, dünýä energetika ulgamy arassa we az uglerodly geljege tarap ösüp barýan häzirki şertlerde tebigy gaz örän möhüm we çalşyp bolmajak orny eýeleýär. Tebigy baýlyklara örän baý ýurt hökmünde Türkmenistan dünýäniň artýan energiýa islegini kanagatlandyrmakda we ýurtlaryň az uglerodly ösüş maksatlaryna ýetmegine ýardam bermekde uly mümkinçiliklere eýedir. Şeýle hem ol eksport ugurlaryny giňeldýär we köplendirýär diýip, işewür aýtdy.
CNPC-niň wekili soňky 19 ýylda energetika pudagyndaky hyzmatdaşlygyň oňyn netije berendigini, aýratyn-da gaz ulgamynda uly üstünlikleriň gazanylandygyny belledi. 2007-nji ýylda möhüm şertnamalaryň baglaşylmagyndan soň hyzmatdaşlyk köp ugurlar boýunça — “Bagtyýarlyk” taslamasynyň çäginde känleriň özleşdirilmeginden başlap, söwda we inženerçilik ugruna çenli giňeldi.
Çen Huaýlun Hytaý Halk Respublikasynyň Başlygy Si Szinpin bilen Türkmenistanyň Prezidenti Serdar Berdimuhamedow tarapyndan gazanylan soňky ylalaşyklary aýratyn belläp, olaryň hyzmatdaşlygyň strategik häsiýetini tassyklaýandygyny nygtady.
Ol öz çykyşynda CNPC-niň Türkmenistanyň “Türkmengaz” döwlet konserni bilen energetika hyzmatdaşlygyny ähli gaz zynjyry boýunça çuňlaşdyrmak hem-de giňeltmek ugrunda tagalla etjekdigini aýtdy. Kompaniýa durnukly önümçiligi, gaz çykarylyşynyň netijeliligini we gaz geçirijileriň howpsuzlygyny üpjün etmek ugrunda hyzmatdaşlygy berkitmegi dowam etdirer.
Mundan başga-da, Çen Huaýlunyň aýtmagyna görä, CNPC ýaşyl energetika ulgamynda öwrülişik geçirişini çaltlaşdyrar, gaýtadan dikeldilýän energiýa çeşmeleri, wodorod energetikasy we metan zyňyndylaryny azaltmak babatynda hyzmatdaşlyk we bilelikdäki ylmy-barlaglary ösdürer.
Bu çäreler Türkmenistanyň energetika gurluşyny kämilleşdirmäge we uglewod zyňyndylaryny azaltmak boýunça maksatlaryna ýetmäge ýardam berer. Şeýle hem energetika infrastrukturasynda sanly ulgamlary (akylly energetika ulgamlary, sanly turbageçirijiler) ösdürmek we dürli okuw maksatnamalary arkaly Türkmenistanyň hünärmenler binýadyny güýçlendirmek boýunça hyzmatdaşlyk dowam eder.
Türkiýä, Russiýa we Özbegistana 600 tonna töweregi polipropilen ýüplügi eksport edildi
«Bagtyýar gurluşyk» hojalyk jemgyýeti 600 tonna töweregi polipropilen ýüplügini eksport etdi. Hususan-da, kompaniýa bu önümi Türkiýä, Russiýa we Özbegistana iberdi diýip, Türkmenistanyň Senagatçylar we telekeçiler birleşmesi habar berdi.
Türkmenistanda Beýik Watançylyk urşunda gazanylan Ýeňşiň 80 ýyllygy bellenildi
9-njy maýda Türkmenistanda şanly baýram — 1941 — 1945-nji ýyllaryň Beýik Watançylyk urşunda gazanylan Ýeňşiň 80 ýyllygy bellenildi. Aşgabatdaky “Halk hakydasy” ýadygärlikler toplumynda geçirilen gül goýmak dabarasyna türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow gatnaşdy.
Türkmenistanyň Prezidenti Beýik Ýeňşiň 80 ýyllygy mynasybetli Moskwada geçirilen dabaralara gatnaşdy
9-njy maýda Prezident Serdar Berdimuhamedow iş sapary bilen Russiýa Federasiýasyna bardy. Ol ýerde Türkmenistanyň Prezidenti Russiýanyň Prezidenti Wladimir Putiniň çakylygy boýunça 1941 — 1945-nji ýyllaryň Beýik Watançylyk urşunda gazanylan Ýeňşiň 80 ýyllygynyň hormatyna Moskwada geçirilýän dabaraly çärelere gatnaşdy diýip, TDH habar berýär.
2021-nji ýylda Türkmenistanyň Gruziýa nebit we nebit önümleriniň eksportyndan girdejisi 191 mln dollardan geçdi
2021-nji ýylyň jemleri boýunça Türkmenistanyň Gruziýa nebit we nebit önümleriniň eksporty 191,8 million dollara barabar boldy, bu 2020-nji ýyl bilen deňeşdirilende 186,2% artykdyr. Bu barada Trend agentligi Gruziýanyň Milli statistika müdirligine salgylanyp habar berýär.
Nebitgaz toplumynda dört aýyň jemlerine garaldy
Türkmenistanyň nebitgaz toplumynyň merkezi binasynda Halkara parahatçylyk we ynanyşmak ýylynyň dört aýynda ýerine ýetirilen işleriň jemine bagyşlanan hasabat ýygnagy geçirildi. Onda 8-nji maýda hormatly Prezidentimiz Serdar Berdimuhamedowyň milli ykdysadyýetimiziň pudaklarynda şu ýylyň dört aýynda alnyp barlan işleriň netijelerine bagyşlap, sanly ulgam arkaly geçiren Türkmenistanyň Ministrler Kabinetiniň mejlisinde ýurdumyzyň nebitgaz toplumynyň öňünde goýan wezipeleri ara alnyp maslahatlaşyldy.