Petronas “OGT 2025” 30-njy halkara sergisiniň we maslahatynyň brilliant hemaýatkäri boldy
13:58 15.10.2025 2888
«Türkmenistanyň nebiti we gazy – 2025» 30-njy halkara maslahatynyň we sergisiniň (OGT 2025) guramaçylyk komiteti Malaýziýanyň PETRONAS energetika kompaniýasynyň bu möhüm çäräniň brilliant hemaýatkäri bolandygyny resmi taýdan yglan etdi. Bu çäre 2025-nji ýylyň 22–24-nji oktýabry aralygynda Aşgabat şäherinde geçiriler.
Bu strategik hyzmatdaşlyk, PETRONAS-nyň Türkmenistany sebitiň esasy energetika merkezleriniň biri hökmünde ynamly görýändigini hem-de dünýä energetika howpsuzlygyny, durnukly ösüşi we innowasiýalary goldamakdaky ygrarlylygyny görkezýär.
PETRONAS 1974-nji ýylda döredilip, Malaýziýanyň nebit we gaz serişdelerini dolandyrmak ygtyýaryna eýe boldy. Häzirki wagtda kompaniýa dünýäniň 100-den gowrak ýurduny öz içine alýan giňişleýin halkara korporasiýasyna öwrüldi. Onuň iş ugurlaryna uglewodorodlaryň gözleg we çykarylyş işleri, nebit-gaýa senagaty, nebit-himiýa önümçiligi, söwda, marketing we innowasion energetika çözgütleriniň durmuşa geçirilmegi girýär.
Kompaniýa 2050-nji ýyla çenli uglerodyň zyňyndylarynyň 0-derejesine çykmagyny (NZCE 2050) gazanmak maksadyna laýyklykda, uglerody tutmak we saklamak (CCS), wodorzod energiýasy, täzelenýän energiýa çeşmeleri ýaly ugurlarda täze taslamalary durmuşa geçirýär.
“PETRONAS 1996-njy ýylda Türkmenistanda ilkinji maýa goýumyny geçirip, ýurduň nebitgaz pudagynyň ösüşine goşzbu hyzmatdaşlygy başlapdy. Bu kompaniýa Türkmenistanyň deňiz ýataklaryna ilkinji maýa goýum eden daşary ýurt operatory boldy. 2025-nji ýylyň maý aýynda kompaniýa taýýar önümi paýlaşmak hakynda täze 25 ýyllyk ylalaşyga gol çekip, öz hyzmatdaşlygyny 2050-nji ýyla çenli dowam etdirjekdigini tassyklady.
OGT 2025-niň brilliant derejeli Baş hemaýatkärli bolan PETRONAS Türkmenistanyň hem-de dünýäniň energetika jemgyýetçiliginiň arasyndaky strategik gatnaşyklary pugtalandyrmaga goşant berýär.
Maslahatyň esasy temasy — «Energiýa. Innowasiýa. Ösüş.» Bu şygar PETRONAS-nyň öňdebaryjy tehnologiýalaryň ornaşdyrylmagyna, energiýa pudagynyň durnukly ösüşine we serişdeleriň netijeli ulanylmagyna gönükdirilen maksatlaryny doly açyp görkezýär.
PETRONAS-nyň «OGT 2025» bilen hyzmatdaşlygy, ikitaraplaýyn gatnaşyklaryň ösdürilmegine, şeýle-de Türkmenistanda ygtybarly we durnukly energetika ulgamynyň kemala gelmegine ýardam berer.
Kompaniýa Brilliant hyzmatdaş hökmünde diňe maliýe we guramaçylyk taýdan däl, eýsem dünýä derejesindäki tejribesini, strategik garaýyşlaryny we pes uglerodly energetika ugrunda liderlik ukybyny hem paýlaşýar.
Häzirki wagtda 70-den gowrak ýurtdan 1400-den gowrak wekiller «OGT 2025» maslahatyna gatnaşmak üçin bellige alyndy. Mundan başga-da, 100-den gowrak kompaniýa «OGT EXPO» sergisinde öz tehnologiýalaryny we innowasion çözgütlerini hödürlär.
Giňişleýin maglumat we gatnaşmak baradaky maglumatlar resmi web sahypasynda elýeterlidir: www.ogt-turkmenistan.com
Türkmenistanyň we Türkiýäniň Prezidenti telefon arkaly söhbetdeşlikde döwletara hyzmatdaşlygyny ösdürmegiň mümkinçiliklerini maslahatlaşdylar
Prezident Gurbanguly Berdimuhamedowyň Türkiýe Respublikasynyň Prezidenti Rejep Taýyp Ärdogan bilen geçiren telefon arkaly söhbetdeşliginde köpugurly döwletara hyzmatdaşlygyny mundan beýläk-de ösdürmegiň meseleleri ara alnyp maslahatlaşyldy. Bu barada Türkmenistanyň Döwlet habarlar agentligi habar berýär.
Türkmenistanyň Prezidenti “Dragon Oil” kompaniýasynyň ýolbaşçysy bilen nebitgaz ulgamynda hyzmatdaşlygyň geljegini maslahatlaşdy
Duşenbe güni Prezident Serdar Berdimuhamedow “Dragon Oil” kompaniýasynyň direktorlar geňeşiniň başlygy Saýed Al Taýeri kabul etdi diýip, TDH habar berýär.
Mart aýynda Aşgabatda we Dubaýda nebitgaz maýa goýum forumy geçiriler
29-30-njy martda Aşgabatda we Dubaýda «Türkmenistanyň nebiti we gazy» halkara maýa goýum forumy geçiriler. Bu barada Ministrler Kabinetiniň Başlygynyň orunbasary Ş.Abdrahmanow geçen anna güni geçirilen Hökümet mejlisinde Prezident Gurbanguly Berdimuhamedowa hasabat berdi.
Nebitgaz toplumynda ýylyň bäş aýynyň jemlerine garaldy
5-nji iýunda Türkmenistanyň nebitgaz toplumynyň merkezi binasynda Halkara parahatçylyk we ynanyşmak ýylynyň bäş aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 4-nji iýunda hormatly Prezidentimiz Serdar Berdimuhamedowyň milli ykdysadyýetimiziň pudaklarynda şu ýylyň bäş aýynda alnyp barlan işleriň netijelerine bagyşlap, sanly ulgam arkaly geçiren Türkmenistanyň Ministrler Kabinetiniň mejlisinde ýurdumyzyň nebitgaz toplumynyň öňünde goýan wezipeleri ara alnyp maslahatlaşyldy.
Türkmenistan Hazarüsti gaz geçirijisiniň taslamasyny durmuşa geçirmek boýunça hyzmatdaşlar bilen gatnaşyklary dowam etmäge taýýar — DIM
Türkmenistan energetika akymlaryny diwersifikasiýalaşdyrmak strategiýasyna ygrarlydyr hem-de Hazarüsti turba geçirijisiniň taslamasyny durmuşa geçirmekde hyzmatdaşlar bilen özara hereketlerini dowam etdirmäge taýýardygyny mälim edýär. Bu barada Türkmenistanyň Daşary işler ministrligini köpçülikleýin habar beriş serişdeleri üçin ýaýradan habarynda aýdylýar.