Maslahat geçirildi
09:15 07.10.2025 2162
Ýurdumyzyň nebitgaz toplumynda «Bitarap Türkmenistanyň başlangyçlary — ählumumy abadançylygyň bähbidine» atly maslahat geçirildi. Türkmenistanyň Ministrler Kabinetiniň Başlygynyň orunbasary Batyr Amanowyň ýolbaşçylygynda geçirilen maslahata «Türkmengaz», «Türkmennebit» döwlet konsernleriniň, «Türkmengeologiýa» döwlet korporasiýasynyň işgärleri gatnaşdylar.
Maslahatda wise-premýer Batyr Amanow, Türkmenistanyň döwlet ministri — «Türkmengaz» döwlet konserniniň başlygy Maksat Babaýew, «Türkmennebit» döwlet konserniniň başlygy Guwanç Agajanow, «Türkmengeologiýa» döwlet korporasiýasynyň başlygy Gurbangeldi Garlyýew, Türkmenistanyň Ylymlar akademiýasynyň Taryh we arheologiýa institutynyň doktoranty, taryh ylymlarynyň kandidaty Aýna Baýmyradowa, «Türkmengaz» DK-nyň Okuw merkeziniň direktory Parahat Mätiýew, «Türkmennebit» DK-nyň Daşary ykdysady aragatnaşyklar müdirliginiň halkara hyzmatdaşlyk we maýa goýum taslamalary bölüminiň baş hünärmeni Gülälek Ýüzbaşyýewa, «Türkmengeologiýa» döwlet korporasiýasynyň Maddy enjamlaýyn serişdeler we üpjünçilik müdirliginiň ussasy Derýa Atajanow dagynyň çykyşlary diňlenildi.
Bellenilişi ýaly, Halkara parahatçylyk we ynanyşmak ýylynda ýurdumyzyň dünýä giňişliginde öňe sürýän başlangyçlary, edýän tagallalary hemişelik Bitaraplygymyzyň gymmatlyklaryna esaslanýar. Oňa ýakynda hormatly Prezidentimiziň Amerikanyň Birleşen Ştatlarynyň Nýu-Ýork şäherine iş saparyny amala aşyryp, BMG-niň Baş Assambleýasynyň 80-nji sessiýasynyň plenar mejlisinde eden çykyşyndan hem göz ýetirmek bolýar.
Umumadamzat bähbitli maksatlara ýetmek üçin ýurtlaryň arasynda parahatçylygy, halklaryň arasynda ynanyşmagy gazanmak möhümdir. Parahatçylygy, hoşniýetliligi, ynanyşmagy pugtalandyrmak durnukly ösüşi gazanmakda esas bolup hyzmat edýär. Döwletimiziň alyp barýan Bitaraplyk syýasaty hem hut şu gymmatlyklardan ugur alýar. Çünki türkmen Bitaraplygy halkymyzyň deňhukuklylyk, özara hormat goýmak ýaly asylly ýörelgelerini özünde jemleýär.
Maslahatda hormatly Prezidentimiziň BMG-niň Baş Assambleýasynyň 80-nji sessiýasyndaky taryhy çykyşynyň, Türkmenistanyň ileri tutýan garaýyşlarynyň nebitgaz toplumynda giňden goldanylýandygy, BMG-niň belent münberinden öňe sürlen başlangyçlaryň, teklipleriň hersiniň umumadamzat ähmiýetlidigi, olaryň şu günüň we geljegiň derwaýys wezipelerini göz öňünde tutýandygy nygtaldy.
Maslahatyň dowamynda «Türkmengaz» DK-nyň Medeni-işewürlik merkeziniň sungat ussatlarynyň aýdym-sazlary ýaňlandy. Joşgunly ýaňlanan aýdym-sazlarda Garaşsyzlygymyzyň, hemişelik Bitaraplygymyzyň, ata Watanymyzyň waspy ýetirildi.
Maslahatyň ahyrynda nebitgaz toplumynyň zähmet köpçüliginiň adyndan hormatly Prezidentimize Ýüzlenme kabul edildi.
Türkiýä, Russiýa we Özbegistana 600 tonna töweregi polipropilen ýüplügi eksport edildi
«Bagtyýar gurluşyk» hojalyk jemgyýeti 600 tonna töweregi polipropilen ýüplügini eksport etdi. Hususan-da, kompaniýa bu önümi Türkiýä, Russiýa we Özbegistana iberdi diýip, Türkmenistanyň Senagatçylar we telekeçiler birleşmesi habar berdi.
Türkmenistanda Beýik Watançylyk urşunda gazanylan Ýeňşiň 80 ýyllygy bellenildi
9-njy maýda Türkmenistanda şanly baýram — 1941 — 1945-nji ýyllaryň Beýik Watançylyk urşunda gazanylan Ýeňşiň 80 ýyllygy bellenildi. Aşgabatdaky “Halk hakydasy” ýadygärlikler toplumynda geçirilen gül goýmak dabarasyna türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow gatnaşdy.
Türkmenistanyň Prezidenti Beýik Ýeňşiň 80 ýyllygy mynasybetli Moskwada geçirilen dabaralara gatnaşdy
9-njy maýda Prezident Serdar Berdimuhamedow iş sapary bilen Russiýa Federasiýasyna bardy. Ol ýerde Türkmenistanyň Prezidenti Russiýanyň Prezidenti Wladimir Putiniň çakylygy boýunça 1941 — 1945-nji ýyllaryň Beýik Watançylyk urşunda gazanylan Ýeňşiň 80 ýyllygynyň hormatyna Moskwada geçirilýän dabaraly çärelere gatnaşdy diýip, TDH habar berýär.
2021-nji ýylda Türkmenistanyň Gruziýa nebit we nebit önümleriniň eksportyndan girdejisi 191 mln dollardan geçdi
2021-nji ýylyň jemleri boýunça Türkmenistanyň Gruziýa nebit we nebit önümleriniň eksporty 191,8 million dollara barabar boldy, bu 2020-nji ýyl bilen deňeşdirilende 186,2% artykdyr. Bu barada Trend agentligi Gruziýanyň Milli statistika müdirligine salgylanyp habar berýär.
Nebitgaz toplumynda dört aýyň jemlerine garaldy
Türkmenistanyň nebitgaz toplumynyň merkezi binasynda Halkara parahatçylyk we ynanyşmak ýylynyň dört aýynda ýerine ýetirilen işleriň jemine bagyşlanan hasabat ýygnagy geçirildi. Onda 8-nji maýda hormatly Prezidentimiz Serdar Berdimuhamedowyň milli ykdysadyýetimiziň pudaklarynda şu ýylyň dört aýynda alnyp barlan işleriň netijelerine bagyşlap, sanly ulgam arkaly geçiren Türkmenistanyň Ministrler Kabinetiniň mejlisinde ýurdumyzyň nebitgaz toplumynyň öňünde goýan wezipeleri ara alnyp maslahatlaşyldy.