Serdar Berdimuhamedow Awazada birnäçe döwletleriň Baştutanlary we wekiliýet ýolbaşçylary bilen duşuşyklary geçirdi
17:52 06.08.2025 1635
5-nji awgustynda Türkmenistanyň Prezidenti Serdar Berdimuhamedow Awazada geçirilýän BMG-niň Deňze çykalgasy bolmadyk ösüp barýan döwletler boýunça üçünji maslahatynyň (LLDC3) çäklerinde daşary ýurtlaryň Baştutanlary we wekiliýet agzalary bilen birnäçe ikitaraplaýyn duşuşyklary geçirdi.
Türkmenistanyň Prezidenti Özbegistanyň Prezidenti Şawkat Mirziýoýew bilen ikitaraplaýyn hyzmatdaşlygyň ileri tutulýan ugurlaryny ara alyp maslahatlaşdy. Şol gün myhmana “Hyzmatdaşlygy ösdürmäge goşandy üçin” Türkmenistanynyň ordeni gowşuryldy. Duşuşykda goňşy ýurtlaryň biri-birini ygtybarly hyzmatdaş hökmünde görýändigi, oba hojalygy, energetika, nebit-gaz senagaty, ulag we energetika ugurlarynda hyzmatdaşlygy ösdürýändigi bellenildi.
Gazagystanyň Prezidenti Kasym-Žomart Tokaýew bilen geçirilen duşuşykda söwda dolanyşygynyň artýandygy we sebit hem-de ählumumy meselelerde garaýyşlaryň gabat gelýändigi nygtaldy. Söwda, ulag, energetika we ekologiýa ugurlarynda hyzmatdaşlygy giňeltmäge taýýarlyk tassyklandy.
Tajigistanyň Prezidenti Emomali Rahmon bilen syýasy-diplomatik, söwda-ykdysady we medeni hyzmatdaşlygy ösdürmegiň mümkinçilikleri ara alnyp maslahatlaşyldy.
Gyrgyzystanyň Ministrler Kabinetiniň Başlygy Adylbek Kasymaliýew bilen durnukly ulag ugurlaryny ösdürmek meseleleri gürrüň edildi.
Eswatini Patyşasy Mswati III bilen duşuşygyň netijesinde iki ýurduň arasynda diplomatik gatnaşyklaryň ýola goýulmagy barada Protokola gol çekildi. Patyşa Türkmenistany BMG-niň Baş Assambleýasynyň 79-njy sessiýasynyň wise-başlyklygyna saýlanmagy bilen gutlady.
Liwiýanyň Prezident Geňeşiniň başlygy Muhammet Ýunus Menfi bilen nebitgaz pudagyny hem öz içine alýan hyzmatdaşlygy giňeltmek meseleleri ara alnyp maslahatlaşyldy.
Gruziýanyň Premýer-ministri Irakli Kobahidze bilen duşuşykda ulag-logistika ugurlarynda işleri işjeňleşdirmek barada ylalaşyk gazanyldy. Türkmen tarapy “Gara deňiz – Hazar deňzi” we “Owganystan-Türkmenistan-Azerbaýjan-Gruziýa-Türkiýe” ýaly möhüm geçelgeleri ösdürmäge gyzyklanma bildirdi.
Azerbaýjanyň Premýer-ministri Ali Asadow bilen duşuşykda taraplar ikitaraplaýyn we köptaraplaýyn hyzmatdaşlyga ygrarlydyklaryny beýan etdiler.
Russiýa, Hytaý we Eýran wekilleri bilen geçirilen duşuşyklar bu ýurtlar bilen strategik hyzmatdaşlygyň möhüm ähmiýetini ýene-de bir gezek tassyklady.
Russiýanyň Hökümetiniň Premýer-ministriniň orunbasary Dmitriý Patruşew bilen geçirilen duşuşykda ulag, energetika, senagat we ynsanperwer gatnaşyklary ýaly ugurlarda netijeli hyzmatdaşlyk bellenildi.
Hytaýyň Halk syýasy konsultatiw geňeşiniň Ählihytaý komitetiniň başlygynyň orunbasary Wan Ýun bilen duşuşykda Prezident Serdar Berdimuhamedow Hytaý bilen hyzmatdaşlygyň ähmiýetini belläp, parlamentara gatnaşyklarynyň we energetika ulgamyndaky hyzmatdaşlygyň möhüm ornuny nygtady.
Eýranyň birinji wise-prezidenti Mohammad Reza Aref bilen energetika, ulag, gurluşyk we medeni-ynsanperwer ugurlarda hyzmatdaşlygy berkitmek meselelerine garaldy.
Geçirilen duşuşyklar dostlukly we netijeli ýagdaýda geçip, Türkmenistanyň durnukly ösüşiň bähbidine halkara hyzmatdaşlygyny giňeltmek ugrunda tagalla edýändigini ýene bir gezek tassyklady. Maslahata gatnaşanlar Awazada geçirilýän BMG maslahatynyň mundan beýläk hem hyzmatdaşlygy ilerletmäge güýçli itergi berjekdigine ynam bildirdiler.
Türkiýä, Russiýa we Özbegistana 600 tonna töweregi polipropilen ýüplügi eksport edildi
«Bagtyýar gurluşyk» hojalyk jemgyýeti 600 tonna töweregi polipropilen ýüplügini eksport etdi. Hususan-da, kompaniýa bu önümi Türkiýä, Russiýa we Özbegistana iberdi diýip, Türkmenistanyň Senagatçylar we telekeçiler birleşmesi habar berdi.
Türkmenistanda Beýik Watançylyk urşunda gazanylan Ýeňşiň 80 ýyllygy bellenildi
9-njy maýda Türkmenistanda şanly baýram — 1941 — 1945-nji ýyllaryň Beýik Watançylyk urşunda gazanylan Ýeňşiň 80 ýyllygy bellenildi. Aşgabatdaky “Halk hakydasy” ýadygärlikler toplumynda geçirilen gül goýmak dabarasyna türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow gatnaşdy.
Türkmenistanyň Prezidenti Beýik Ýeňşiň 80 ýyllygy mynasybetli Moskwada geçirilen dabaralara gatnaşdy
9-njy maýda Prezident Serdar Berdimuhamedow iş sapary bilen Russiýa Federasiýasyna bardy. Ol ýerde Türkmenistanyň Prezidenti Russiýanyň Prezidenti Wladimir Putiniň çakylygy boýunça 1941 — 1945-nji ýyllaryň Beýik Watançylyk urşunda gazanylan Ýeňşiň 80 ýyllygynyň hormatyna Moskwada geçirilýän dabaraly çärelere gatnaşdy diýip, TDH habar berýär.
2021-nji ýylda Türkmenistanyň Gruziýa nebit we nebit önümleriniň eksportyndan girdejisi 191 mln dollardan geçdi
2021-nji ýylyň jemleri boýunça Türkmenistanyň Gruziýa nebit we nebit önümleriniň eksporty 191,8 million dollara barabar boldy, bu 2020-nji ýyl bilen deňeşdirilende 186,2% artykdyr. Bu barada Trend agentligi Gruziýanyň Milli statistika müdirligine salgylanyp habar berýär.
Nebitgaz toplumynda dört aýyň jemlerine garaldy
Türkmenistanyň nebitgaz toplumynyň merkezi binasynda Halkara parahatçylyk we ynanyşmak ýylynyň dört aýynda ýerine ýetirilen işleriň jemine bagyşlanan hasabat ýygnagy geçirildi. Onda 8-nji maýda hormatly Prezidentimiz Serdar Berdimuhamedowyň milli ykdysadyýetimiziň pudaklarynda şu ýylyň dört aýynda alnyp barlan işleriň netijelerine bagyşlap, sanly ulgam arkaly geçiren Türkmenistanyň Ministrler Kabinetiniň mejlisinde ýurdumyzyň nebitgaz toplumynyň öňünde goýan wezipeleri ara alnyp maslahatlaşyldy.