Osakadaky EXPO-2025 sergisindäki Türkmenistanyň pawilýonyna baryp görenleriň sany bir milliondan geçdi
16:37 31.07.2025 2106
Ýaponiýanyň Osaka şäherinde geçirilýän EXPO‑2025 Bütindünýä sergisinde Türkmenistanyň milli pawilýony bir milliondan gowrak myhmany kabul etdi. Bu barada ORIENT agentligi serginiň guramaçylaryna salgylanyp habar berdi.
Millionynjy myhman sergi döwrüniň ortalarynda bellige alyndy. Pawilýonyň wekilleri myhmanlaryň sanynyň artmagyny dowam edýändigini belläp geçýärler. Bu bolsa, Türkmenistanyň medeniýetine, gazananlaryna we häzirki zaman ösüşine bildirilýän uly gyzyklanmanyň bardygyny görkezýär.
Pawilýonyň binagärlik konsepsiýasy milli nyşanlary döwrebap çözgütler bilen utgaşdyrýar. Gurluşykda ekologiýa taýdan arassa materiallar ulanyldy, bu bolsa ýurduň durnukly ösüşe bolan ygrarlylygyny açyp görkezýär.
Serginiň ekspozisiýasy innowasion tehnologiýalara, ykdysady mümkinçiliklere we taryhy-medeni mirasa bagyşlanan bölümleri öz içine alýar. Myhmanlar türkmen halylarynyň kolleksiýasy, halk senetçiligi we milli aşhananyň tagamlary bilen tanyşyp bilerler.
EXPO‑2025 Bütindünýä sergisi 13-nji aprel — 13-nji oktýabr aralygynda Osakanyň aýlagyndaky Ýumeşima emeli adasynda geçiriler.
Energetika hyzmatdaşlygyny ösdürmek — Azerbaýjanyň wekiliýeti bilen duşuşygyň üns merkezinde
Çarşenbe güni Türkmenistanyň Daşary işler ministrliginiň binasynda wise-premýer, Türkmenistanyň Daşary işler ministri Raşid Meredowyň Aşgabada iş sapary bilen gelen Azerbaýjan Respublikasynyň Ykdysadyýet ministri Mikail Jabbarowyň baştutanlygyndaky wekilýet bilen duşuşygynda energetika ulgamynda ikitaraplaýyn hyzmatdaşlygy ösdürmegiň mümkinçilikleri ara alnyp maslahatlaşyldy. Bu barada Türkmenistanyň daşary syýasat edarasynyň saýty habar berýär.
Türkmenistanyň DIM-niň ýolbaşçysy Eýranyň energetika ministri bilen energetika we gaz pudagynda hyzmatdaşlygy maslahatlaşdy
Türkmenistanyň Daşary işler ministrliginde Raşid Meredow bilen Eýranyň Energetika ministri Abbas Aliabadiniň arasynda geçirilen duşuşykda energetika we gaz pudaklarynda ikitaraplaýyn hyzmatdaşlygyň meseleleri maslahatlaşyldy diýip, türkmen daşary syýasat edarasynyň saýtynda habar berilýär.
«Halkara ulag-üstaşyr geçelgeleri: özara baglanyşyklylyk we ösüş» Halkara maslahaty 18-20-nji iýulda geçiriler
18-20-nji iýulda Aşgabatda «Halkara ulag-üstaşyr geçelgeleri: özara baglanyşyklylyk we ösüş» Halkara maslahaty geçiriler. Forumyň maksady pandemiýadan soňky dikeldiş boýunça ileri tutulýan meseleleri maslahatlaşmak, halkara daşamalar ulgamynda täze şertlere uýgunlaşmak we netijeli halkara ulag-üstaşyr geçelgelerini ösdürmek bolup durýar.
Türkmenistanyň Prezidenti ABŞ-nyň işewür toparlarynyň wekilleri bilen hyzmatdaşlygyň ileri tutulýan ugurlaryny maslahatlaşdy
16-njy dekabr Prezident Serdar Berdimuhamedow Türkmen-amerikan işewürlik maslahatyna gatnaşmak üçin ýurdumyza gelen ABŞ-nyň işewür toparlarynyň wekilleri bilen hyzmatdaşlygyň ileri tutulýan ugurlaryny maslahatlaşdy diýip, TDH habar berýär.
Mohammed Barkindo: erkin çykaryş kuwwatlyklary taryhda iň pes ýagdaýda, syýasy çözgütler zerur
Gazylyp alynýan ýangyçdan el çekmäge çagyryşyň netijesinde pudaga doly maýa goýmazlyk zerarly 62 ýyllyk taryhyň dowamynda OPEC ýurtlarynyň erkin çykaryş kuwwatlyklary iň pes ýagdaýda, bazarda nebit ýetmezçiliginiň meselesini çözmek üçin syýasy çözgütler zerur. Bu barada OPEC-iň Baş sekretary Mohammed Barkindo 5-nji iýulda Nigeriýadan geçen maslahatyň açylyşynda eden çykyşynda belledi. Görlüp oturylsa, bu Mohammed Barkindonyň köpçüligiň öňünde iň soňky çykyşy boldy. Ol şol gün gije aradan çykdy.