“Türkmengaz” DK-nyň Marydaky okuw merkezinde 600-den gowrak hünärmen hünär derejesini ýokarlandyrdy
11:44 09.07.2025 1190
Mary welaýaty boýunça nebitgaz pudagynyň hünärmenleriniň hünär derejesini ýokarlandyrmak boýunça maksatnama üstünlikli durmuşa geçirilýär. Türkmenistanyň Prezidentiniň beren tabşyryklaryna laýyklykda we hünär bilim ulgamyny döwrebaplaşdyrmagyň çäklerinde geçen ýyl Mary nebitgaz orta hünär okuw mekdebiniň binýadynda “Türkmengaz” döwlet konserniniň okuw merkeziniň okuw bölümi açyldy.
Açylandan bäri bu okuw bölüminde “Türkmengaz” döwlet konserniniň kärhanalarynda hem-de “Türkmengeologiýa” döwlet korporasiýasynyň geologik gözleg ekspedisiýalarynda işleýän 630 hünärmen we işçi okuw geçdi. Okuwlara gatnaşyjylar burawlaýyş tehnologiýalarynyň häzirki zaman usullaryny, tebigy gazy gaýtadan işlemek boýunça döwrebap usulyýetleri öwrenýärler we häzirki zaman enjamlarynda amaly başarnyklary edinýärler.
Okuwlar iň täze tehnologiýalar bilen enjamlaşdyrylan synp otaglarynda we barlaghanalarda geçirilýär. Okuwlar sanly ulgamlar, interaktiw tagtalar, proýektorlar we ýöriteleşdirilen diwarlyklar arkaly guralýar. Mugallymlar bolsa önümçilik tejribesi baý bolan ýokary derejeli hünärmenlerdir.
Okuw bölüminiň ýolbaşçysy Baýmyrat Ýagmyrowyň habar bermegine görä, golaýda iň iri känleriň biri bolan “Galkynyş” käniniň çäginde häzirki zaman kebşirleýiş usullary, şol sanda argonly kebşirlemek boýunça amaly sapak geçirildi. Ýakyn geljekde sebitdäki beýleki kärhanalaryň esasynda hem amaly okuwlary giňeltmek meýilleşdirilýär.
Bu tejribe hünär ussatlygynyň nebitgaz pudagynyň we umumy ykdysady ösüşiň durnuklylygyny üpjün edýän möhüm şertleriň biri bolup durýandygyny görkezýär.
Energetika hyzmatdaşlygyny ösdürmek — Azerbaýjanyň wekiliýeti bilen duşuşygyň üns merkezinde
Çarşenbe güni Türkmenistanyň Daşary işler ministrliginiň binasynda wise-premýer, Türkmenistanyň Daşary işler ministri Raşid Meredowyň Aşgabada iş sapary bilen gelen Azerbaýjan Respublikasynyň Ykdysadyýet ministri Mikail Jabbarowyň baştutanlygyndaky wekilýet bilen duşuşygynda energetika ulgamynda ikitaraplaýyn hyzmatdaşlygy ösdürmegiň mümkinçilikleri ara alnyp maslahatlaşyldy. Bu barada Türkmenistanyň daşary syýasat edarasynyň saýty habar berýär.
Türkmenistanyň DIM-niň ýolbaşçysy Eýranyň energetika ministri bilen energetika we gaz pudagynda hyzmatdaşlygy maslahatlaşdy
Türkmenistanyň Daşary işler ministrliginde Raşid Meredow bilen Eýranyň Energetika ministri Abbas Aliabadiniň arasynda geçirilen duşuşykda energetika we gaz pudaklarynda ikitaraplaýyn hyzmatdaşlygyň meseleleri maslahatlaşyldy diýip, türkmen daşary syýasat edarasynyň saýtynda habar berilýär.
«Halkara ulag-üstaşyr geçelgeleri: özara baglanyşyklylyk we ösüş» Halkara maslahaty 18-20-nji iýulda geçiriler
18-20-nji iýulda Aşgabatda «Halkara ulag-üstaşyr geçelgeleri: özara baglanyşyklylyk we ösüş» Halkara maslahaty geçiriler. Forumyň maksady pandemiýadan soňky dikeldiş boýunça ileri tutulýan meseleleri maslahatlaşmak, halkara daşamalar ulgamynda täze şertlere uýgunlaşmak we netijeli halkara ulag-üstaşyr geçelgelerini ösdürmek bolup durýar.
Türkmenistanyň Prezidenti ABŞ-nyň işewür toparlarynyň wekilleri bilen hyzmatdaşlygyň ileri tutulýan ugurlaryny maslahatlaşdy
16-njy dekabr Prezident Serdar Berdimuhamedow Türkmen-amerikan işewürlik maslahatyna gatnaşmak üçin ýurdumyza gelen ABŞ-nyň işewür toparlarynyň wekilleri bilen hyzmatdaşlygyň ileri tutulýan ugurlaryny maslahatlaşdy diýip, TDH habar berýär.
Mohammed Barkindo: erkin çykaryş kuwwatlyklary taryhda iň pes ýagdaýda, syýasy çözgütler zerur
Gazylyp alynýan ýangyçdan el çekmäge çagyryşyň netijesinde pudaga doly maýa goýmazlyk zerarly 62 ýyllyk taryhyň dowamynda OPEC ýurtlarynyň erkin çykaryş kuwwatlyklary iň pes ýagdaýda, bazarda nebit ýetmezçiliginiň meselesini çözmek üçin syýasy çözgütler zerur. Bu barada OPEC-iň Baş sekretary Mohammed Barkindo 5-nji iýulda Nigeriýadan geçen maslahatyň açylyşynda eden çykyşynda belledi. Görlüp oturylsa, bu Mohammed Barkindonyň köpçüligiň öňünde iň soňky çykyşy boldy. Ol şol gün gije aradan çykdy.