Iş maslahaty geçirildi
04:05 08.07.2025 1627
«Türkmengaz» döwlet konserniniň merkezi edarasy tarapyndan garamagyndaky edara-kärhanalaryň işgärler bölümleriniň amala aşyrýan işleriniň hilini ýokarlandyrmak, olaryň iş tejribesini artdyrmak hem-de degişliligi boýunça wezipeleriniň talabalaýyk ýerine ýetirilmegini gazanmak maksady bilen, Ylmy-barlag tebigy gaz institutynyň binasynda «Halypaçylygyň ösüşine höwes döretmegiň usullary» atly iş maslahaty geçirildi. «Türkmengaz» DK-nyň Işgärler bölüminiň guramaçylygynda geçirilen iş maslahatyna konserniň merkezi edarasynyň we garamagyndaky ähli edara-kärhanalarynyň işgärler bölümleriniň başlyklary we jogapkär işgärleri işjeň gatnaşdy.
Iş maslahatynda «Türkmengaz» döwlet konserniniň Işgärler bölüminiň başlygy Aýna Hekimowa çykyş etdi. Ol öz çykyşynda häzirki wagtda ýurdumyzy belent ösüşlere alyp barýan türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň, Arkadagly Gahryman Serdarymyzyň tagallalary netijesinde ýurdumyzda durmuşa geçirilýän köpugurly özgertmelerden ugur alnyp, nebitgaz senagatyny ösdürmekde ägirt uly işleriň amala aşyrylýandygy, nebitgaz toplumynyň pudaklarynda ylmyň hem-de halkara tejribäniň soňky gazananlaryny önümçilige ornaşdyrmak bilen, gazyň, nebitiň gazylyp alnyşynyň, gaýtadan işlenilişiniň möçberini artdyrmakda amala aşyrylýan il-ýurt bähbitli, döwlet ähmiýetli işler barada giňişleýin belläp geçdi.
Iş maslahatynyň dowamynda Türkmenistanda hereket edýän kanunçylyklara, has takygy, Türkmenistanyň Zähmet Kodeksine, kadalaşdyryjy hukuk namalaryna laýyklykda işgärler bölüminde resminamalary talabalaýyk alyp barmagyň, şeýle hem işe gelýän ýaş hünärmenleri (işgärleri) alan bilimlerine laýyklykda ugrukdyrmagyň, ýagny halypa-şägirtlik ýoluny dowam etdirmegiň we ony ösdürmegiň usullary giňden ara alnyp maslahatlaşyldy.
«Türkmengaz» DK-nyň we onuň edara-kärhanalarynyň işini talabalaýyk alyp barmakda, ýaş hünärmenleriň ukybyny ösdürmekde, işgärleri taýýarlamakda, olary zähmet köpçüligine uýgunlaşdyrmakda işgärler bölümleri aýratyn möhüm orna eýe bolup durýar.
Maslahatyň dowamynda oňa gatnaşyjylar işgärler bölüminiň işini kämilleşdirmek maksady bilen, «Halypaçylygyň ösüşine höwes döretmegiň usullary» atly taýýarlanan usulyýet gollanmasy bilen tanyşdyryldy. Onda «Halypaçylygy girizmegiň tapgyrlary», «Ýaş işgär we ýaş hünärmen barada düşünje», «Ýaş hünärmenler bilen işleşmek», «Halypaçylygyň görnüşleri, maksatlary», «Halypalaryň wezipeleri», «Meýilnamalaryň düzülişi», «Geçirilmeli çäreler», «Halypaçylygyň ýaş işgäre, ýaş hünärmene ýetirýän oňyn täsiri», «Halypalary höweslendirmek» ýaly mowzuklaryň üstünde giňişleýin durlup geçildi.
Giň düşünjeli, kämil ýaş işgärleriň taýýarlanylmagy döwrüň talabydyr. Işgärler bölümleri tarapyndan ýaş hünärmenleriň ösüşine aýratyn üns berilmelidir. Berkarar döwletiň täze eýýamynyň Galkynyşy döwründe Garaşsyz we hemişelik Bitarap ýurdumyzda edara-kärhanalaryň ýolbaşçylaryna bildirilýän talaplara laýyklykda, zehinli, ukyp-başarnygy bilen tapawutlanýan ýaş hünärmenleri (işgärleri) ýüze çykarmakda, ýolbaşçy düzümine girýän ätiýaç işgärleriň düzümini, sanawyny taýýarlap, ätiýaçlyk goruny talabalaýyk ýola goýmakda öňde goýlan wezipeler berjaý edilmelidir.
Iş maslahatynyň täsirli, tejribe alyşmakda peýdaly, öwrediji usulda guramaçylykly geçirilendigi bellenilmäge mynasypdyr.
Türkiýä, Russiýa we Özbegistana 600 tonna töweregi polipropilen ýüplügi eksport edildi
«Bagtyýar gurluşyk» hojalyk jemgyýeti 600 tonna töweregi polipropilen ýüplügini eksport etdi. Hususan-da, kompaniýa bu önümi Türkiýä, Russiýa we Özbegistana iberdi diýip, Türkmenistanyň Senagatçylar we telekeçiler birleşmesi habar berdi.
Türkmenistanda Beýik Watançylyk urşunda gazanylan Ýeňşiň 80 ýyllygy bellenildi
9-njy maýda Türkmenistanda şanly baýram — 1941 — 1945-nji ýyllaryň Beýik Watançylyk urşunda gazanylan Ýeňşiň 80 ýyllygy bellenildi. Aşgabatdaky “Halk hakydasy” ýadygärlikler toplumynda geçirilen gül goýmak dabarasyna türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow gatnaşdy.
Türkmenistanyň Prezidenti Beýik Ýeňşiň 80 ýyllygy mynasybetli Moskwada geçirilen dabaralara gatnaşdy
9-njy maýda Prezident Serdar Berdimuhamedow iş sapary bilen Russiýa Federasiýasyna bardy. Ol ýerde Türkmenistanyň Prezidenti Russiýanyň Prezidenti Wladimir Putiniň çakylygy boýunça 1941 — 1945-nji ýyllaryň Beýik Watançylyk urşunda gazanylan Ýeňşiň 80 ýyllygynyň hormatyna Moskwada geçirilýän dabaraly çärelere gatnaşdy diýip, TDH habar berýär.
2021-nji ýylda Türkmenistanyň Gruziýa nebit we nebit önümleriniň eksportyndan girdejisi 191 mln dollardan geçdi
2021-nji ýylyň jemleri boýunça Türkmenistanyň Gruziýa nebit we nebit önümleriniň eksporty 191,8 million dollara barabar boldy, bu 2020-nji ýyl bilen deňeşdirilende 186,2% artykdyr. Bu barada Trend agentligi Gruziýanyň Milli statistika müdirligine salgylanyp habar berýär.
Nebitgaz toplumynda dört aýyň jemlerine garaldy
Türkmenistanyň nebitgaz toplumynyň merkezi binasynda Halkara parahatçylyk we ynanyşmak ýylynyň dört aýynda ýerine ýetirilen işleriň jemine bagyşlanan hasabat ýygnagy geçirildi. Onda 8-nji maýda hormatly Prezidentimiz Serdar Berdimuhamedowyň milli ykdysadyýetimiziň pudaklarynda şu ýylyň dört aýynda alnyp barlan işleriň netijelerine bagyşlap, sanly ulgam arkaly geçiren Türkmenistanyň Ministrler Kabinetiniň mejlisinde ýurdumyzyň nebitgaz toplumynyň öňünde goýan wezipeleri ara alnyp maslahatlaşyldy.