Daewoo E&C Türkmenistan bilen strategiki gatnaşyklaryny berkidýär
15:27 02.07.2025 3470
«Daewoo Engineering & Construction Co., Ltd» koreý kompaniýasynyň müdiriýetiniň başlygy Jong Won-ju täze işewürlik mümkinçiliklerini maslahatlaşmak hem-de kompaniýanyň Merkezi Aziýada ornuny berkitmek üçin 26-30-njy iýun aralygynda Türkmenistana sapar bilen geldi diýlip, kompaniýanyň 1-nji iýulda çap edilen beýanynda aýdylýar.
Saparyň çäklerinde Jong Won-ju Aşgabatda Türkmenistanyň Halk Maslahatynyň Başlygy Gurbanguly Berdimuhamedow hem-de Türkmenistanyň Prezidenti Serdar Berdimuhamedow bilen duşuşdy. Ol Daewoo E&C-nyň Türkmenabatdaky mineral dökün zawodynyň gurluşygyna gatnaşmagyna döredilen mümkinçilik üçin minnetdarlyk bildirdi we bu taslamanyň üstünlikli amala aşyrylmagyna kompaniýanyň ygrarlydygyny nygtady.
Daewoo E&C-nyň ýolbaşçysy şeýle hem gaz känlerini işläp taýýarlamak, nebithimiýa zawodlarynyň gurluşygy, demir ýol, metropoliten we beýik binalaryň gurluşygy boýunça hyzmatdaşlyk mümkinçiliklerini ara alyp maslahatlaşdy.
Jong Won-ju gurluşyk, energetika we senagat boýunça wise-premýer Baýmyrat Annamämmedow bilen hem duşuşyp, Daewoo E&C-nyň nebithimiýa zawodlarynyň täze taslamalaryna gatnaşmak teklibi üçin minnetdarlyk bildirdi. Ol kompaniýanyň Türkmenistanyň ykdysady ösüşine goldaw berýän birnäçe infrastruktura başlangyçlaryna goşant goşmaga gyzyklanýandygyny aýtdy.
Şeýle-de, Daewoo E&C-nyň ýolbaşçysy nebitgaz meseleleri boýunça wise-premýer Batyr Amanow hem-de «Türkmengaz» döwlet konserniniň başlygy Maksat Babaýew bilen duşuşyk geçirip, kompaniýanyň nebitgaz pudagyndaky täze taslamalara gatnaşmagynyň mümkinçiliklerini ara alyp maslahatlaşdy.
Saparyň dowamynda maliýe we ykdysadyýet boýunça wise-premýer Hojamyrat Geldimyradow hem-de Koreýa Respublikasynyň Türkmenistandaky ilçisi Ji Gyu Tek bilen duşuşyklar geçirildi. Bu duşuşyklar koreý işewürliginiň türkmen bazaryna çykmagyny diwersifikasiýa ýoly bilen giňeltmek meselelerine bagyşlandy.
Daewoo E&C-nyň wekili Türkmenistany kompaniýanyň strategik bazarlarynyň biri hökmünde häsiýetlendirdi we iş portfelini giňeltmek hem-de ýerli bazara ornamak işlerini çaltlandyrmak niýetini beýan etdi. Kompaniýa sebitdäki ornuny berkidýär we ýolbaşçylyk bilen yzygiderli gatnaşyklary ösdürmegi maksat edinýär.
Prezident: Türkmenistan ýaponiýaly işewürlere özara bähbitli hyzmatdaşlyk üçin ähli şertleri hödürlemäge taýýar
Ýaponiýa bilen işewürlik hyzmatdaşlygyny ynamly meýilleşdirmek üçin ýurdumyzda ähli şertler bar. Bu barada Prezident Serdar Berdimuhamedow Tokioda ýapon işewür toparlarynyň wekilleri bilen geçiren duşuşygynda belledi.
QazaqGaz we Gazprom Gazagystanyň üsti bilen tebigy gazy üstaşyr geçirmek hakynda şertnama baglaşdylar
Peterburg halkara ykdysady forumynyň çäklerinde «MK «QazaqGaz» PJ-niň müdirliginiň başlygy Sanjar Jarkeşow we “Gazprom” PJ-niň müdirlginiň başlygy Alekseý Miller Gazagystanyň üsti bilen Özbegistana we Gyrgyzystana üstaşyr ibermek hakynda ylalaşyklara gol çekdiler diýip, milli kompaniýanyň metbugat gullugy habar berýär.
Türkmenistanyň we HHR-niň Liderleri Hytaýa täze gaz geçirijiniň gurluşygy barada ylalaşdylar
Prezident Gurbanguly Berdimuhamedowyň Hytaý Halk Respublikasyna iş saparynyň çäklerinde şenbe güni Hytaý Halk Respublikasynyň Başlygy Si Szinpin bilen duşuşdy diýip, Türkmenistanyň Döwlet habarlar agentligi habar berýär.
Türkmenistanyň biržasynda 52 million dollarlyk mazut we ECO-93 benzini satyldy
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 36-sy hasaba alyndy.
Türkmenistanyň Prezidenti Ýaponiýanyň Premýer-ministri bilen ýangyç-energetika we himiýa toplumlarynda täze taslamalary maslahatlaşdy
15-nji aprelde Prezident Serdar Berdimuhamedow Premýer-ministr Sigeru Isiba bilen duşuşdy. Duşuşygyň barşynda ýangyç-energetika we himiýa toplumlarynda täze taslamalary durmuşa geçirmegiň mümkinçilikleri maslahatlaşyldy diýip, TDH habar berýär.