Türkmenistanyň Prezidenti we AÖB-niň wise-prezidenti hyzmatdaşlygyň ileri tutulýan ugurlaryny maslahatlaşdy
13:31 25.06.2025 1414
23-nji iýunda Prezident Serdar Berdimuhamedow Aşgabada sapar bilen gelen Aziýa ösüş bankynyň Günorta, Merkezi we Günbatar Aziýa boýunça wise-prezidenti Ýan Inmini kabul etdi diýip, TDH habar berýär.
Ýan Inmin Aziýa ösüş bankynyň ykdysady ösüşiň durnukly depginini görkezýän Türkmenistan bilen hyzmatdaşlyga aýratyn ähmiýet berýändigini belledi.
Bellenilişi ýaly, Türkmenistanyň durmuşa geçirýän ösüş strategiýasynda halkara hyzmatdaşlygy giňeltmäge, abraýly maliýe guramalary we bank-karz düzümleri bilen gatnaşyklary işjeňleşdirmäge aýratyn üns berilýär. Şunuň bilen baglylykda, Türkmenistan bilen Aziýa ösüş bankynyň arasynda 25 ýylyň dowamynda ýola goýlan özara hereketleriň netijeli häsiýeti nygtaldy.
Geçen döwrüň içinde AÖB Türkmenistanda durnukly durmuş-ykdysady ösüşi üpjün etmek üçin uly ähmiýete eýe bolan köpsanly taslamalary maliýeleşdirmäge gatnaşdy. Bu taslamalar ykdysadyýetiň dürli ugurlaryny, hususan-da, energetika, ulag, saglygy goraýyş ulgamlaryny öz içine alýar.
Häzirki wagtda AÖB bilen hyzmatdaşlyk 2024-2028-nji ýyllarda Türkmenistan bilen hyzmatdaşlyk Strategiýasynyň çäklerinde dowam etdirilýär. Şunuň bilen baglylykda, Merkezi Aziýada sebitleýin ykdysady hyzmatdaşlyk maksatnama (CAREC) laýyklykda durmuşa geçirilýän ykdysady, söwda, ulag we energetika ulgamlaryny ösdürmek boýunça taslamalaryň berýän ýardamyna aýratyn üns çekildi.
Prezident 2025-nji ýylyň maý aýynda Türkmenistanyň Prezidentiniň ýanyndaky Arkadag şäheriniň gurluşygy boýunça döwlet komiteti bilen Aziýa ösüş bankynyň arasynda gol çekilen özara düşünişmek hakynda Ähtnamanyň köpýyllyk hyzmatdaşlyga uly itergi berjekdigine ynam bildirdi.
Nygtalyşy ýaly, tebigy serişdeleriň baý gorlaryna eýe bolýan ýurt energetika pudagyny diwersifikasiýalaşdyrmagy maksat edinýär.
Şeýle hem ulag bilen bagly meseleler ara alnyp maslahatlaşyldy. Türkmenistan demir ýol ulagy ulgamyny döwrebaplaşdyrmak boýunça Aziýa ösüş banky bilen ýola goýlan netijeli gatnaşyklary dowam etdirmäge möhüm ähmiýet berýär.
Döwlet Baştutany kiçi we orta telekeçiligi ösdürmekde maliýe-karz we maslahat beriş hyzmatlaryny işjeňleşdirmegiň maksadalaýyk boljakdygyny aýdyp, hususy pudagyň mümkinçiliklerini durmuşa geçirmek üçin ýurdumyzyň banklary bilen hyzmatdaşlyk etmeginiň zerurdygyny belledi.
Türkmenistanyň ýolbaşçylary Prezident Ebrahim Raisiniň aradan çykmagy zerarly Eýranyň ýolbaşçylygyna gynanç bildirdiler
Türkmenistanyň Prezidenti Serdar Berdimuhamedow we türkmen halkynyň Milli Lideri Gurbanguly Berdimuhamedow Eýran Yslam Respublikasynyň ýolbaşçylygyna şu ýylyň 19-njy maýynda Eýranyň Gündogar Azerbaýjan welaýatynda bolup geçen dikuçar heläkçiligi sebäpli Eýranyň Prezidenti Ebrahim Raisiniň aradan çykmagy zerarly gynanç bildirdiler. Bu barada 20-nji maýda TDH habar berdi.
Gahryman Arkadagymyz Aşgabatdaky halkara forumda TOPH taslamasynyň geosyýasy we geoykdysady ähmiýeti barada aýtdy
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow 19-njy martda Aşgabatda Söwda-senagat edarasynda “Halkara parahatçylyk we ynanyşmak ýyly: durnukly ösüşi üpjün etmekde sebitara ykdysady hyzmatdaşlygyň orny” atly halkara maslahatynda eden çykyşynda TOPH taslamasynyň geosyýasy we geoykdysady ähmiýeti barada aýtdy.
Gahryman Arkadagymyz we Türkiýäniň wekilleri energetika ulgamynda hyzmatdaşlygyň ägirt uly mümkinçiliklerini bellediler
19-njy martda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen ýurdumyza sapar bilen gelen Türkiýe Respublikasynyň energetika we tebigy serişdeler ministri Alparslan Baýraktaryň hem-de “BOTAŞ” kompaniýasynyň Baş direktory Abdulwahid Fidanyň arasynda geçirilen duşuşykda energetika ulgamynda hyzmatdaşlygyň ägirt uly mümkinçilikleri bellenilip geçildi diýip, TDH habar berýär.
Türkmenistanyň Prezidenti Magtymguly Pyragynyň ýadygärliginiň аçylyşyna gatnaşdy
17-nji maýda Aşgabadyň günorta böleginde Prezident Serdar Berdimuhamedowyň gatnaşmagynda Magtymguly Pyragynyň ýadygärliginiň hem-de «Magtymguly Pyragy» medeni-seýilgäh toplumynyň аçylyş dabarasy boldy.
Türkmenistanyň Prezidenti: energetika we ulag — Merkezi Aziýa ýurtlarynyň we Hindistanyň ykdysady hyzmatdaşlygynyň ileri tutulýan ugurlary
27-nji ýanwarda ilkinji «Hindistan – Merkezi Aziýa» sammiti wideoaragatnaşyk ulgamy arkaly geçirildi. Ýokary derejeli duşuşyga Hindistan Respublikasynyň Premýer-ministri hem-de Merkezi Aziýa döwletleriniň Prezidentleri gatnaşdylar diýip, Türkmenistanyň DIM-i habar berýär.