Ylmy-amaly maslahat geçirildi
04:10 17.06.2025 1862
Ýakynda «Türkmennebit» döwlet konserniniň «Nebitgazylmytaslama» institutynda, Balkanabat nebitçilik orta hünär okuw mekdebinde «Ylym-bilim geljegiň röwşen ýoly» atly ylmy-amaly maslahat geçirildi.
Olarda institutyň baş ylmy işgäri, himiýa ylymlarynyň kandidaty Oraz Orazow, Balkanabat nebitçilik orta hünär okuw mekdebiniň direktory, institutyň direktorynyň wezipesi üstüne ýüklenen Orazmämmet Nurmämmedow, institutyň esasy ylmy işgäri, geologiýa-mineralogiýa ylymlarynyň kandidaty Aýtmämmet Akmämmedow, direktoryň ylmy işleri boýunça orunbasary, tehniki ylymlaryň kandidaty Emir Allanurow we beýlekiler çykyş etdiler.
Maslahat ýakynda durky düýpli abatlanan institutyň binasynda we nebitçilik orta hünär okuw mekdebinde iki bölümde öz işini dowam etdi.
«Geologiýa, burawlaýyş, uglewodorod känleri işläp geçmek we ulanmak» ady bilen institutda geçirilen bölümde günorta-günbatar Türkmenistanda nebit we gaz gorlaryny artdyrmagyň geljeginiň ugurlary, nebitgaz känleriniň özüne mahsus häsiýetnamalary, känlerde gazylan önümli guýularyň ulanyş aýratynlyklary, nebit çykarmakda dürli usullary ulanmaklygyň çäkleri we önümçilik nokatlarynda nebiti, gazy çykarmakda, taýýarlamakda we akdyrmakda işleri howpsuz alyp barmakda duş gelýän meseleler dogrusynda täsirli çykyşlar diňlenildi.
Ylmy-amaly maslahatyň «Sanly tehnologiýa, awtomatlaşdyrmak, energetika, bilim» atly guralýan II bölüminiň işiniň dowamynda nebitgaz känleriniň we ýerasty suwlarynyň düzüminiň emele gelmeginiň aýratynlyklary, nebitgaz pudagyny awtomatlaşdyrmakda sanly ulgamyň ähmiýeti, ýarym geçiriji dessin we hemişelik ýatda saklaýjy gurluşlar, kwant ulgamlaryna esaslanýan ösen tehnologiýalary pudaklarda ulanmagyň ähmiýeti we golografiýa tehnologiýalaryny okuw işlerinde ulanmak, tebigy gözelligi goramak barada terbiýeçilik ündewi barada taýýarlanan nutuklar maslahata gatnaşyjylarda uly gyzyklanma döretdi.
Türkiýä, Russiýa we Özbegistana 600 tonna töweregi polipropilen ýüplügi eksport edildi
«Bagtyýar gurluşyk» hojalyk jemgyýeti 600 tonna töweregi polipropilen ýüplügini eksport etdi. Hususan-da, kompaniýa bu önümi Türkiýä, Russiýa we Özbegistana iberdi diýip, Türkmenistanyň Senagatçylar we telekeçiler birleşmesi habar berdi.
Türkmenistanda Beýik Watançylyk urşunda gazanylan Ýeňşiň 80 ýyllygy bellenildi
9-njy maýda Türkmenistanda şanly baýram — 1941 — 1945-nji ýyllaryň Beýik Watançylyk urşunda gazanylan Ýeňşiň 80 ýyllygy bellenildi. Aşgabatdaky “Halk hakydasy” ýadygärlikler toplumynda geçirilen gül goýmak dabarasyna türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow gatnaşdy.
Türkmenistanyň Prezidenti Beýik Ýeňşiň 80 ýyllygy mynasybetli Moskwada geçirilen dabaralara gatnaşdy
9-njy maýda Prezident Serdar Berdimuhamedow iş sapary bilen Russiýa Federasiýasyna bardy. Ol ýerde Türkmenistanyň Prezidenti Russiýanyň Prezidenti Wladimir Putiniň çakylygy boýunça 1941 — 1945-nji ýyllaryň Beýik Watançylyk urşunda gazanylan Ýeňşiň 80 ýyllygynyň hormatyna Moskwada geçirilýän dabaraly çärelere gatnaşdy diýip, TDH habar berýär.
2021-nji ýylda Türkmenistanyň Gruziýa nebit we nebit önümleriniň eksportyndan girdejisi 191 mln dollardan geçdi
2021-nji ýylyň jemleri boýunça Türkmenistanyň Gruziýa nebit we nebit önümleriniň eksporty 191,8 million dollara barabar boldy, bu 2020-nji ýyl bilen deňeşdirilende 186,2% artykdyr. Bu barada Trend agentligi Gruziýanyň Milli statistika müdirligine salgylanyp habar berýär.
Nebitgaz toplumynda dört aýyň jemlerine garaldy
Türkmenistanyň nebitgaz toplumynyň merkezi binasynda Halkara parahatçylyk we ynanyşmak ýylynyň dört aýynda ýerine ýetirilen işleriň jemine bagyşlanan hasabat ýygnagy geçirildi. Onda 8-nji maýda hormatly Prezidentimiz Serdar Berdimuhamedowyň milli ykdysadyýetimiziň pudaklarynda şu ýylyň dört aýynda alnyp barlan işleriň netijelerine bagyşlap, sanly ulgam arkaly geçiren Türkmenistanyň Ministrler Kabinetiniň mejlisinde ýurdumyzyň nebitgaz toplumynyň öňünde goýan wezipeleri ara alnyp maslahatlaşyldy.