Türkmenistan we Hindistan hyzmatdaşlygy giňeltmek üçin ägirt uly mümkinçiliklere eýe
06:29 08.06.2025 3310
6-njy iýunda Türkmenistanyň daşary işler ministri Raşid Meredow Merkezi Aziýa ýurtlarynyň daşary işler ministrleriniň Hindistanyň Premýer-ministri Narendra Modi bilen bilelikdäki duşuşygyna gatnaşdy diýip, Türkmenistanyň DIM-nde habar berdiler.
Duşuşygyň dowamynda Raşid Meredow ykdysady taýdan Türkmenistanyň we Hindistanyň söwda dolanyşygyny giňeltmekde, maýa goýumlary artdyrmakda hem-de ulag, energetika, senagat, ýokary tehnologiýalar, saglygy goraýyş we farmasewtika ýaly ugurlarda bilelikdäki taslamalary durmuşa geçirmäge uly mümkinçiliklere eýedigini belledi.
Türkmenistan — Owganystan — Pakistan — Hindistan (TOPH) halkara gaz geçirijisiniň gurluşygynyň ähmiýetine aýratyn üns çekilip, bu taslamanyň durmuşa geçirilmegine zerur depgin bermegiň wajypdygy nygtaldy.
Şeýle hem Türkmenistanyň we Hindistanyň esasy ulag nokatlarynyň Ýakyn Gündogar, Hazar sebiti hem-de Ýewropa bilen birleşmeginiň halkara logistika hyzmatdaşlygynyň özenini düzjekdigine üns berildi. Bu babatda Günorta — Demirgazyk halkara ulag geçelgesiniň mümkinçiliklerine aýratyn ähmiýet berilýär.
Duşuşygyň dowamynda ýokary döwlet derejesinde ýola goýlan açyk we konstruktiw dialogyň ikitaraplaýyn gatnaşyklarynyň möhüm faktory bolup durýandygy bellenildi.
Şunuň bilen baglylykda, Raşid Meredow Hindistanyň Premýer-ministrine Türkmenistanyň Prezidenti we türkmen halkynyň Milli Lideri, Türkmenistanyň Halk Maslahatynyň Başlygy tarapyndan iberilen salamyny ýetirdi.
Duşuşygyň ahyrynda Raşid Meredow Türkmenistanyň Hindistan bilen syýasy-diplomatik gatnaşyklary mundan beýläk hem giňeltmäge taýýardygyny, şeýle hem söwda-ykdysady hyzmatdaşlygy çuňlaşdyrmaga we ynsanperwer gatnaşyklary işjeňleşdirmäge uly gyzyklanma bildirýändigini belledi.
Türkmenistanyň Halk Maslahatynyň Başlygy Özbegistanyň Prezidenti bilen telefon söhbetdeşliginde hyzmatdaşlygyň geljegini maslahatlaşdy
Türkmenistanyň Halk Maslahatynyň Başlygy Gurbanguly Berdimuhamedowyň Özbegistan Respublikasynyň Prezidenti Şawkat Mirziýoýew bilen telefon arkaly söhbetdeşliginde döwletara hyzmatdaşlygynyň ösüşiniň geljegi maslahatlaşyldy diýip, TDH habar berýär.
Türkmenistanyň DIM-inde türkmen-german hyzmatdaşlygynyň ileri tutulýan ugurlary maslahatlaşyldy
Sişenbe güni Türkmenistanyň Daşary işler ministri Raşid Meredow Türkmenistana sapar bilen gelen German ykdysadyýetiniň Gündogar komitetiniň Baş direktory Mihael Harms bilen duşuşygynda türkmen-german ykdysady hyzmatdaşlygynyň ileri tutulýan ugurlaryny maslahatlaşdy. Bu barada Türkmenistanyň daşary syýasat edarasynyň saýty habar berýär.
TESC 2025 halkara forumy başlaýar
5-nji iýunda Aşgabatda "Uglewodorod känlerini işläp taýýarlamakda innowasion tehnologiýalary ornaşdyrmagyň ekologik jähtleri" atly halkara ylmy-amaly maslahat (TESC) öz işine başlaýar. Forumuň guramaçylary hökmünde “Türkmengaz” we “Türkmennebit” döwlet konsernleri hem-de “Türkmengeologiýa” döwlet korporasiýasy “Turkmen Energy Forum” bilen bilelikde çykyş edýärler.
Ýurdumyzda Prezident saýlawlaryna uly gyzyklanma bildirilýär
«Halkyň Arkadagly zamanasy» diýlip yglan edilen ýylyň ilkinji aýlarynda Türkmenistanyň Prezidentiniň saýlawlary boýunça möhüm jemgyýetçilik-syýasy çäre açyklyk, aýdyňlyk, demokratik we giň bäsdeşlik esasynda geçirilýär. Häzirki wagtda onuň birinji tapgyry — ýokary döwlet wezipesine dalaşgärleri hödürlemek we bellige almak tamamlandy.
Türkmenistanyň we Filippinleriň wekilleri energetika ulgamynda hyzmatdaşlygyň mümkinçiliklerini maslahatlaşdylar
5-nji iýunda «Türkmengaz», «Türkmennebit» we «Türkmenhimiýa» döwlet konsernleriniň wekilleri Filippinler Respublikasynyň Energetika ministrligi bilen wideoaragatnaşyk arkaly duşuşyk geçirdiler. Bu barada Türkmenistanyň Ýaponiýadaky ilçihanasy habar berýär.