Aşgabatda nebitgaz pudagynyň ekologiýa jähtleri boýunça TESC 2025 halkara maslahaty geçiriler
18:30 12.05.2025 4847
5-nji iýunda Aşgabatda «Uglewodorod känleriniň işlenip taýýarlanylmagynda innowasion tehnologiýalaryň ornaşdyrylmagynyň ekologiýa ähmiýeti» mowzugy boýunça TESC 2025 atly ylmy-amaly maslahat geçiriler.
«Türkmengaz», «Türkmennebit» döwlet konsernleri hem-de «Türkmengeologiýa» döwlet korporasiýasy bilen bilelikde, şeýle hem «Turkmen Energiýa Forum» HJ tarapyndan guralýan bu möhüm çäräniň dowamynda dünýäniň öňdebaryjy bilermenleriniň, syýasatçylarynyň, alymlarynyň, maýadarlarynyň we energetika kompaniýalarynyň wekilleriniň gatnaşmagynda tehnologiýa we howa şertleriniň özgerýän döwründe pudagyň durnukly ösüşi boýunça pikir alyşmalar bolar.
Utgaşykly görnüşde - göni we onlaýn görnüşinde geçiriljek maslahatda häzirki zaman energetikasynyň möhüm ugurlary: ekologiýa taýdan jogapkärçilikli işläp taýýarlamak, sanly tehnologiýalar we adam serişdeleriniň ösüşi ýaly meseleler ara alnyp maslahatlaşylar.
«Energetiki geljek, täze tehnologiýalar we uglewodorod serişdeleriniň işlenip taýýarlanylmagyndaky ekologiýa aýratynlyklary» atly mowzuk bilen esasy umumy mejlis geçiriler. Ol ýerde Türkmenistanyň energetika ulgamynyň ösüş strategiýasy, howanyň üýtgemegi babatda döwlet syýasaty we maýa goýum ugurlary seljeriler.
Tematiki sessiýalaryň hatarynda - «Uglewodorod çykarylyşynyň geljegi: emeli aňyň orny», bu ýerde emeli aň tehnologiýalarynyň gözleg we kän dolandyryş netijeliligini ýokarlandyrmaga nähili kömek edýändigi görkeziler.
«Uglewodorod çykarylyşynda metan we CO₂ gazlarynyň zyňyndylaryny azaltmak: Derwezäniň gaz kraterine aýratyn üns» sessiýasy, bu ýerde zyňyndylaryň öňüni alyş tehnologiýalary we Derwezäniň öwrenilişiniň Ählumumy Metan Borçnamasy we milli ekologiýa maksatnamalary bilen baglanyşygy ara alnyp maslahatlaşylar.
«Ekologiýa taýdan jogapkärçilikli we durnukly uglewodorod çykarylyşynyň üpjünçiliginde adam maýasynyň orny» atly mejlis bolsa, hünärmenleriň taýýarlanylyşy, bilim we halkara tejribe alyşmalarynyň ähmiýeti baradaky meseleleri gozgar.
«Turkmen Energy Forum» guramasynyň habar bermegine görä, bu çärä dünýäniň 30-dan gowrak ýurdunyň wekilleri — 300-den gowrak wekil gatnaşar. Olaryň hatarynda SPE, CNPC, Dragon Oil, PETRONAS ýaly möhüm energetika kompaniýalary we BMG ýaly halkara guramalar bar.
Forum «Türkmengaz» döwlet konserniniň Tebigy gaz ylmy-barlag institutynyň binýadynda geçiriler. Forumda umumy mejlisler, panel diskussiýalar, çykyşlar we ikitaraplaýyn duşuşyklar guralar. TESC 2025 maslahaty Türkmenistanyň energetika pudagynyň durnukly ösüşiniň ugurlaryny kesgitleýän, halkara hyzmatdaşlyga açyklygyny görkezýän esasy bilim we tehnologiýa alyşma meýdançasy hökmünde çykyş eder.
Maslahat barada giňişleýin maglumat bilen aşakdaky web sahypada tanşyp bolýar: https://tesc-turkmenistan.com
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.