Burawlaýjylaryň zähmet üstünligi
15:56 05.05.2025 2981
«Türkmengaz» döwlet konserni tarapyndan ulanyş guýularynyň birbada birnäçesini burawlamak, gurluşygy bilen doly tamamlap ulanyşa girizmek boýunça düzülen iş meýilnamasyna laýyklykda, konserniň «Türkmengazburawlaýyş» müdirliginiň gazçylary Mary welaýatynyň çäginde ýerleşýän gaz känlerindäki ulanyş-baha beriş guýularynda burawlaýyş işlerini üstünlikli alyp barýarlar. Olar täzelikde Ýylan gaz känindäki 03-nji ulanyş-baha beriş guýusyndan tebigy gazyň senagat taýdan ähmiýetli akymyny aldylar.
«Türkmengazburawlaýyş» müdirliginiň gazçylary şu gaz guýusynda gaýratly hem tutanýerli zähmet çekip, guýynyň burawlaýyş işlerini iki müň sekiz ýüz ýetmiş bäş metr çuňluga ýetirdiler. Burawlaýjylar özlerine döwletimiz tarapyndan berilýän kömek-goldawlara hem-de burawlamakda toplanylan baý iş tejribesi arkaly önümli gatlagyň iki müň sekiz ýüz kyrk ýedi — iki müň sekiz ýüz kyrk dört metr çuňlukdaky aralygyndan atyş-partladyş usuly arkaly deşik deşme bilen tebigy gazyň ýokary basyşly akymyny aldylar. Bu guwandyryjy zähmet üstünligi burawlaýjylaryň birnäçe aýyň dowamynda egin-egne berip, agzybirlikli çeken zähmetiniň miwesidir. Guýudan alnan tebigy gazyň düzüminiň kükürt-wodorodsyz arassa bolmagy bu ýatagyň «mawy ýangyjynyň» esasy aýratynlygydyr. Hünärmenleriň aýtmaklaryna görä, ulanyş-baha beriş guýusy her gije-gündizde ýedi ýüz kyrk müň kub metr tebigy gaz berýär. Tebigy gazyň düzüminiň arassa bolmagy bu guýynyň «mawy ýangyjynyň» hili babatynda dünýä ölçegleriniň derejesine doly laýyk gelýänligini aňladýar. Bu gaz guýusynyň önüminiň ykdysady taýdan bähbidiniň ýokary boljakdygyny hünärmenler aýdýarlar.
«Guýuda burawlaýyş işleriniň üstünlikli geçirilmegine burawlaýjylarymyzyň her biri saldamly goşant goşdy. Guýynyň buraw işleriniň ýerine ýetirilmeginde altynjy hünär derejeli burawlaýjy Hojadurdy Geldiýew, burawlaýjynyň kömekçileri Hanguly Begenjow, Kuwwat Ammadow, dizel motorçy Agajan Gurbanow dagynyň has tapawutlanyp işländiklerini aýtmak gerek» diýip, buraw başlygy Arslan Meredow gürrüň berýär.
«Türkmengazburawlaýyş» müdirliginiň gazçylary «Halkara parahatçylyk we ynanyşmak ýyly» diýlip atlandyrylan şu ýyly ajaýyp zähmet üstünliklerine beslemek üçin «Galkynyş» gaz känindäki ulanyş guýularynda-da burawlaýyş işlerini ýokary depginde alyp barýarlar. Bu işlerde hormatly Prezidentimiziň dünýäniň ösen döwletleriniň öňdebaryjy önüm öndürijilerinden satyn alyp berýän ýokary tehnologiýaly enjamlary giňden ulanylýar.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.